ສຳນັກຂ່າວຕ່າງປະເທດ ລາຍງານໃນວັນທີ 17 ກຸມພາຜ່ານມານີ້ວ່າ ບໍລິສັດ ນິດສັນ ຊຶ່ງເປັນບໍລິສັດຜະລິດລົດຍົນ ລາຍໃຫຍ່ຂອງປະເທດຍີ່ປຸ່ນ ຈະເລີ່ມປະກອບລົດຍົນຈຳໜ່າຍ ໃນປະເທດມຽນມາ ຄັ້ງທຳອິດພາຍໃນປີ 2016 ນີ້ ໂດຍການຮ່ວມມືກັບບໍລິສັດ Tan Chong Motor Group ຂອງມາເລເຊຍ ຊຶ່ງມີເປົ້າໝາຍຜະລິດລົດໃຫຍ່ ໃຫ້ໄດ້ 10,000 ຄັນ.

ທັງນີ້ ເນື່ອງຈາກນັກລົງທຶນຕ່າງປະເທດ ໄດ້ມີຄວາມຄາດຫວັງວ່າ ເສດຖະກິດຂອງມຽນມາ ຈະເຕີບໃຫຍ່ຂະຫຍາຍຕົວ ພາຍໃຕ້ການນຳຂອງລັດຖະບານຊຸດໃໝ່ ທີ່ຈະເຂົ້າມາບໍລິຫານປະເທດ ພາຍໃນເດືອນໜ້ານີ້.