ວັນທີ 16 ກຸມພານີ້ ກະຊວງສາທາລະນະສຸກ ໄດ້ຈັດພິທີປະກາດຍົກຍ້າຍ ລັດຖະມົນຕີວ່າການ ກະຊວງສາທາລະນະສຸກ ໄປຮັບໜ້າທີ່ໃໝ່ ແລະ ແຕ່ງຕັ້ງລັດຖະມົນຕີຊ່ວຍວ່າການຄົນໃໝ່ຂຶ້ນ ທີ່ກະຊວງດັ່ງກ່າວ, ໂດຍການເຂົ້າຮ່ວມຂອງ ທ່ານ ຈັນສີ ໂພສີຄຳ ກຳມະການກົມການເມືອງສູນກາງພັກ ໂດຍອີງຕາມຄຳສັ່ງຂອງ ກົມການເມືອງສູນກາງພັກ ລະບັບເລກທີ 26/ກມສພ, ລົງວັນທີ 17 ຕຸລາ 2015 ແລະ ລັດຖະດຳລັດຂອງ ປະທານປະເທດສະບັບເລກທີ 213/ປປທ ລົງວັນທີ 15 ທັນວາ 2015 ວ່າດ້ວຍການຍົກຍ້າຍ ພະນັກງານການນຳຂັ້ນສູງ ໄປຮັບໜ້າທີ່ໃໝ່, ໂດຍໄດ້ຍົກຍ້າຍສະຫາຍ ສຈ ດຣ ເອກສະຫວ່າງ ວົງວິຈິດ ກຳມະການສູນກາງພັກ ໄປຮັບໜ້າທີ່ໃໝ່ຢູ່ຫ້ອງວ່າການລັດຖະບານ, ດັ່ງນັ້ນຫ້ອງວ່າການສູນກາງພັກ, ຄະນະຈັດຕັ້ງສູນກາງພັກ, ບັນດາກະຊວງ ແລະ ດຳລັດນາຍົກ ລັດຖະມົນຕີ ວ່າດ້ວຍການແຕ່ງຕັ້ງ ລັດຖະມົນຕີຊ່ວຍວ່າການກະຊວງສາທາລະນະສຸກ, ສະບັບເລກທີ 41 / ນຍ ລົງວັນທີ 12 ກຸມພາ 2016, ໂດຍໄດ້ແຕ່ງຕັ້ງສະຫາຍ ຄຳພອນ ພຸດທະວົງ ເປັນລັດຖະມົນຕີຊ່ວຍວ່າການ ກະຊວງສາທາລະນະສຸກຜູ້ໃໝ່ ແລະ ພ້ອມນັ້ນ ໃນພິທີຍັງໄດ້ທາບທາມບັນດາພະນັກງານລັດຖະກອນ ແລະ ສະມາຊິກພັກຂອງກະຊວງສາທາລະນະສຸກ ເພື່ອຄັດເລືອກເອົາລັດຖະມົນຕີຊ່ວຍວ່າ ການກະຊວງສາທາລະນະສຸກຄົນໃໝ່, ຊຶ່ງຄາດວ່າການຄັດເລືອກຈະສຳເລັດ ໃນໄວໆນີ້.
ແຫລ່ງຂ່າວ:
