ສຳນັກຂ່າວຕ່າງປະເທດ ລາຍງານໃນວັນທີ 15 ກຸມພາຜ່ານມານີ້ວ່າ ເຈົ້າໜ້າທີ່ຕຳຫລວດອົດສະຕຣາລີ ໄດ້ຖະແຫລງຜົນງານ ສາມາດກວດພົບ ແລະ ຍຶດຢາໄອ້ ລວມມູນຄ່າສູງເຖິງ 1.25 ຕື້ໂດລາອົດສະຕຣາລີ ຫລື ປະມານ 890.5 ລ້ານໂດລາສະຫະລັດຯ ຊຶ່ງສານເສບຕິດ methylamphetamine ນ້ຳໜັກກວ່າ 720 ກິໂລກຣາມ ໄດ້ຖືກເຊື່ອງໄວ້ກັບຊິລິໂຄນ ສຳລັບເສີມໜ້າເອິກແມ່ຍິງ ແລະ ວັດຖຸງານສີລະປະອື່ນໆອີກ ຊຶ່ງການກວດພົບຄັ້ງນີ້ ແມ່ນເປັນການກວດພົບ ສານເສບຕິດ methylamphetamine ຄັ້ງໃຫຍ່ທີ່ສຸດໃນປະຫວັດສາດຂອງອົດສະຕຣາລີ.

ພ້ອມດຽວກັນນີ້, ເຈົ້າໜ້າທີ່ຕຳຫລວດ ຍັງໄດ້ຈັບກຸມຜູ້ຖືກຫາຈຳນວນ 4 ຄົນ ທີ່ກ່ຽວຂ້ອງກັບຄະດີດັ່ງກ່າວ ຊຶ່ງໃນນັ້ນ ເປັນຊາວຮົງກົງ 3 ຄົນ ແລະ ຊາວຈີນ 1 ຄົນ.