ເຈົ້າໜ້າທີ ປກສ ເມືອງສຸຂຸມາ ແຂວງຈຳປາສັກໃຫ້ຮູ້ວ່າ: ໃນວັນທີ 30 ມັງກອນ 2016 ນີ້ ໄດ້ຮັບເກີດເຫດຄາດຕະກຳຂື້ນ ທີ່ບ້ານຫຽງ ເມືອງສຸຂຸມາ ແຂວງຈຳປາສັກ ຜູ້ເສຍຊີວິດຊື່ ນາງ ບົວຄຳ ອາຍຸ 51 ປີ, ຢູ່ບ້ານ ແລະ ເມືອງດັ່ງກ່າວ, ສ່ວນຜູ້ກໍ່ເຫດຄາດຕະກຳຄື: ທ້າວ ທອງຄຳ ອາຍຸ 75 ປີ ສັນຊາດໄທ ຢູ່ບ້ານທ່າມ່ວງ ເມືອງເດດອຸດົມ ຈັງຫວັດອຸບົນລາຊະທານີ ຊຶ່ງເປັນຄູ່ຮັກກັນ.
ຜ່ານການສອບສວນ ຄາດຕະກອນຮັບສາລະພາບວ່າ: ຕົນໄດ້ລົງມືຄາດຕະກຳ ນາງ ບົວຄຳ ແທ້ ຍ້ອນຄວາມໂມໂຫ ຕໍ່ການໄລ່ຕົນເອງໜີອອກຈາກເຮືອນ, ພ້ອມທັງບອກວ່າຂ້ອຍມີແຟນໃໝ່ແລ້ວ ຕໍ່ໄປຫ້າມບໍ່ໃຫ້ມາຫາອີກ ຕົນຈຶ່ງເກີດຄວາມຄຽດ ພໍຮອດທ່ຽງຄືນຂອງມື້ດຽວກັນ ຕົນຈຶ່ງໄດ້ລົງມືຄາດຕະກຳ ໃນເວລາທີ່ຜູ້ຕາຍນອນຫຼັບຢູ່ ໂດຍການໃຊ້ມີດປາດຄໍ 1 ບາດ, ຈາກນັ້ນຕົນເອງກໍໄດ້ຫຼົບໜີ ກ່ອນຖືກເຈົ້າໜ້າທີ່ກັກຕົວມາດຳເນີນຄະດີ ໄດ້ ທີ່ດ່ານຜ່ານແດນຊ່ອງຕາອູ່.
ເຈົ້າໜ້າທີ ປກສ ເມືອງດັ່ງກ່າວໃຫ້ຮູ້ອີກວ່າ: ທ້າວ ທອງຄຳ ໄດ້ເຂົ້າມາລາວແຕ່ປີ 2013 ໂດຍໃຊ້ບັດປະຊາຊົນ ເປັນເອກະສານຢັ້ງຢືນ ຂໍອະນຸຍາດເຈົ້າໜ້າທີ່ທັງສອງປະເທດທີ່ປະຈຳຢູ່ດ່ານທ້ອງຖິ່ນ ຊ່ອງຕາອູ ແລະ ໄດ້ມາມັກຮັກກັບ ນາງບົວຄຳ ແລະ ຢູ່ນຳກັນແບບຜົວເມຍໄດ້ໄລຍະໜຶ່ງ.
ແຫລ່ງຂ່າວ:
