ໃນ​ທ້າຍ​ອາທິດ​ຜ່ານ​ມາ​ ໄດ້ມີ​ພິທີການ​ມອບ-ຮັບປັດ​ໄຈ​ທານ ຈາກ​ຄອບຄົວ​ຂອງ​ທ່ານ​ນາງ ຈັນທະ​ລາ ສຸ​ລິ​ສາ ເປັນ​ເງິນສົດ 500.000 ກີບ ທ່ານ​ນາງ ຄຳສຸກ ຈູມ​ມະນີ ຄຳ 1 ສະຫຼຶງ ແລະ ຄອບຄົວ​ທ່ານ​ນາງ ບຸນ​ນອງ ປະຖຳ​ມະ​ວົງ ຄຳ 1 ສະຫຼຶງ ຕາງໜ້າຮັບ​ໂດຍ​ທ່ານ ໂຄຈອນ ແກ້ວ​ມະນີ​ວົງ ຮອງ​ຫົວໜ້າ​ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ ພ້ອມ​ດ້ວຍ​ຍາດ​ໂຍມ​ເຂົ້າ​ຮ່ວມ.

ທ່ານ ໂຄຈອນ ແກ້ວ​ມະນີ​ວົງ ກ່າວ​ວ່າ: ຜູ້​ທີ່​ເຫຼື້ອມ​ໃສ​ໃນ​ພຸດທະ​ສາສະໜາ​ທັງ​ພາຍ​ໃນ ແລະ ຕ່າງປະເທດ ​ຍັງ​ຫຼັ່ງໄຫຼ​ເຂົ້າ​ມາ​ປະກອບ​ສ່ວນ​ປັບປຸງ​ພະ​ທາດຫຼວງ​ທີ່ຊຸດໂຊມ ແລະ ບູລະນະ​ຄືນໃໝ່ ດ້ວຍ​ການ​ໂອບ​ຄຳ​ໃສ່​ຍອດ​ພະທາດຫຼວງ ເນື່ອງ​ໃນ​ໂອກາດ​ຄົບຮອບ 450 ປີ ນັບ​ແຕ່​ພະ​ເຈົ້າ​ໄຊເຊດ​ຖາ ນຳພາ​ປະຊາຊົນ​ບູ​ລະນະ ປັດຈຸບັນ ມີ​ຄຳ​ແລ້ວ​ທັງ​ໝົດ 10 ກິ​ໂລກ​ຣາມ 15 ບາດ 3 ສະຫຼຶງ ກັບ 9 ຫຸນ ສຳລັບ​ຜູ້​ໃຈ​ບຸນ​ທີ່ຕ້ອງການ​ປະກອບສ່ວນ ​ກໍ່​ສາມາດ​ເຂົ້າ​ມາ​ພົວພັນ​ໃນ​ພະ​ແນກຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ​ໄດ້​ໃນ​ໂມງ​ລັດ​ຖະ​ການ.