ສຳນັກຂ່າວຕ່າງປະເທດ ລາຍງານໃນວັນທີ 12 ກຸມພາຜ່ານມານີ້ວ່າ ເກີດເຫດກຸ່ມມືປືນ ດັກຊຸ້ມຍິງໂຈມຕີລົດກະບະຄັນໜຶ່ງ ດ້ວຍປືນອາກ້າ ໃນເຂດເທດສະບານເມືອງຊານ ອິກນາຊິໂອ ທາງພາກຕາເວັນຕົກສຽງເໜືອ ຂອງປະເທດແມັກຊິກ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 13 ຄົນ ໃນນັ້ນເປັນແມ່ຍິງ 4 ຄົນ.
ທັງນີ້ ເຈົ້າໜ້າທີ່ຕຳຫລວດແມັກຊິກລະບຸວ່າ ພື້ນທີ່ດັ່ງກ່າວແມ່ນເປັນເຂດອິດທິພົນ ຂອງກຸ່ມພໍ່ຄ້າຢາເສບຕິດ ຊຶ່ງຕາມສະຖິຕິແລ້ວ ໃນໄລຍະ 10 ປີຜ່ານມາ ມີຜູ້ເສຍຊີວິດ ແລະ ສູນຫາຍຫລາຍກວ່າ 100,000 ຄົນ ພາຍໃນປະເທດນີ້ ເນື່ອງຈາກຄວາມຮຸນແຮງ ຂອງຂະບວນການຄ້າຂາຍຢາເສບຕິດ.