ລັດຖະບານ​ບຣາຊິ​ນ ​ເຊັນ​ສັນຍາ​ຮ່ວມ​ມື​ກັບ​ໂຮງ​ໝໍ​ເທັກ​ຊັດ​ໃນ​ສະຫະລັດ​ອາ​ເມ​ລິ​ກາ ​ເພື່ອ​ທຳ​ການ​ວິ​ໄຈ​ຄິດ​ຄົ້ນ​ວັກ​ແຊງ​ປ້ອງ​ກັນ​ເຊື້ອ​​ໄວຣັສຊິ​ກາ​ທີ່​ກຳລັງ​ແພ່​ລະບາດຢ່າງ​ໜັກ​ໃນ​ 30 ປະ​ເທດ​ທົ່ວ​ໂລກ ​ໂດຍ​ເປັນ​ການ​ລົງທຶນ​ຮ່ວມ​ກັນ​ຂອງ​ລັດຖະບານ​ທັງ​ສອງ​ປະ​ເທດດ້ວຍ​ທຶນ​ກວ່າ 1.900.000 ​ໂດ​ລາ​ສະຫະລັດ ​ແລະ​ຄາດ​ວ່າ​ຈະທົດ​ສອບ​ຜົນ​ໃຫ້​ໄດ້​ພາຍ​​ໃນ 10 ​ເດືອນ.

ນອກຈາກ​ນີ້ ບຣາ​ຊິ​ນກຽມ​ສົ່ງ​ເຈົ້າ​ໜ້າ​ທີ່​ອີກ​ປະມານ 220.000 ລາຍ ລົງ​ພື້ນ​ທີ່​ເພື່ອ​ກຳຈັດ​ຍຸງ​ລາຍ ຊຶ່ງ​ເປັນ​ພາຫະ​ຂອງ​ໂລ​ກ​ໄວຣັສຊິ​ກາ ​ແລະ​ດຳ​ເນີນ​ການ​ຕໍ່ສູ້​ກັບ​ໂລກ​ດັ່ງກ່າວ​ແບບ​ເຖິງ​ທີ່​ສຸດ.

ທັງ​ນີ້ ​ເຊື້ອ​ໄວຣັສຊິ​ກາ​ສົ່ງ​ຜົນ​ຮ້າຍ​ແຮງ​ຕໍ່​​ເດັກນ້ອຍ​ໃນ​ຄັນ ​ແລະ​ເດັກນ້ອຍ​ເກີດ​ໃໝ່ ​ເຮັດ​ໃຫ້​ສະ​ໝອງ​ມີ​ການ​ພັດທະນາ​ຕໍ່າ​ແລະ​ຫົວ​ນ້ອຍ​ຜິດ​ປົກກະຕິ ​ໂດຍ​ເສັ້ນ​ອ້ອມ​ວົງ​ຫົວ​ເດັກ​ຈະ​ບໍ່​ເກີນ 31,5-32 ຊັງ​ຕີ​ແມັດ.