spot_img
Homeຂ່າວເຫດການບັນດາທູດປະເທດເພື່ອນມິດ ເຂົ້າຍື່ນສານຕາຕັ້ງຕໍ່ປະທານປະເທດ

ບັນດາທູດປະເທດເພື່ອນມິດ ເຂົ້າຍື່ນສານຕາຕັ້ງຕໍ່ປະທານປະເທດ

Published on

ທ່ານ ຈູມ​ມາລີ ໄຊ​ຍະ​ສອນ ປະທານ​ປະເທດ​ແຫ່ງ ​ສປປ ລາວ ໄດ້​ຕ້ອນຮັບ​ການ​ເຂົ້າ​ຍື່ນ​ສານ​ຕາຕັ້ງ ​ຂອງ​ບັນດາ​ເອກ​ອັກ​ຄະ​ລັດ​ຖະທູດ​ປະເທດ​ເພື່ອນ​ມິດ ໃນ​ວັນ​ທີ 11 ກຸມພາ 2016 ຢູ່​ທຳ​ນຽບ​ປະທານປະເທດ ເນື່ອງ​ໃນ​ໂອກາດ​ທີ່​ໄດ້ຮັບ​ການ​ແຕ່ງຕັ້ງ ​ໃຫ້​ມາ​ດຳລົງຕຳແໜ່ງ​ເປັນ​ເອກ​ອັກ​ຄະ​ລັດ​ຖະທູດ​ວິສາມັນ ​ຜູ້​ມີ​ອຳນາດ​ເຕັມ ຄົນໃໝ່ ປະຈຳ​ລາວ ເຊິ່ງ​ມີ​ລາຍ​ລະອຽດຄື: ເວລາ 9:00 ໂມງ ໄດ້ຕ້ອນຮັບ​ການ​ເຂົ້າ​ຍື່ນ​ສານ​ຕາ​ຕັ້ງ​ຂອງ​ທ່ານ Takeshi Hikihara ເອກ​ອັກ​ຄະ​ຣາ​ຊະ​ທູດ​ວິສາມັນ ຜູ້​ມີ​ອຳນາດ​ເຕັມແຫ່ງ​ປະເທດຍີ່ປຸ່ນ ເຊິ່ງ​ມີ​ສຳນັກງານ​ສະຖານທູດ​ຢູ່​ນະຄອນຫຼວງ​ວຽງ​ຈັນ ລາວ-ຍີ່ປຸ່ນ ໄດ້​ສ້າງຕັ້ງ​ສາຍ​ພົວພັນ​ການ​ທູດ​ນຳ​ກັນ ວັນ​ທີ 5 ມີນາ 1955.

ເວລາ 9:30 ໂມງ ໄດ້​ຕ້ອນຮັບ​ການ​ເຂົ້າ​ຍື່ນ​ສານ​ຕາ​ຕັ້ງ​ຂອງທ່ານ Noppadon Theppitak ເອກ​ອັກ​ຄະ​ຣາ​ຊະ​ທູດ​ວິສາມັນ ຜູ້ມີ​ອຳນາດ​ເຕັມ​ແຫ່ງ​ປະເທດ​ໄທ ເຊິ່ງ​ມີ​ສຳນັກງານ​ສະຖານທູດຢູ່ນະຄອນຫຼວງ​ວຽງ​ຈັນ ລາວ-ໄທ ໄດ້​ສ້າງຕັ້ງ​ສາຍ​ພົວພັນ​ການ​ທູດນຳ​ກັນ ວັນ​ທີ 19 ທັນວາ 1950.

ເວລາ 10:30 ໂມງ ໄດ້​ຕ້ອນຮັບ​ການ​ເຂົ້າ​ຍື່ນ​ສານ​ຕາ​ຕັ້ງ​ຂອງທ່ານ Stanislav Opiela ເອກອັກ​ຄະ​ລັດ​ຖະ​ທູດ​ວິສາມັນ ​ຜູ້​ມີ​ອຳນາດ​ເຕັມ​ແຫ່ງ​ປະເທດ​ສະ​ໂລ​ວັກ ເຊິ່ງ​ມີ​ສຳນັກງານ​ສະຖານທູດ​ຢູ່ບາງກອກ ປະເທດ​ໄທ ລາວ-ສະໂລ​ວັກ ໄດ້​ສ້າງຕັ້ງ​ສາຍ​ພົວພັນການ​ທູດ​ນຳ​ກັນ ວັນ​ທີ 5 ກັນຍາ 1962.

ເວລາ 11:00 ໂມງ ໄດ້​ຕ້ອນຮັບ​ການ​ເຂົ້າ​ຍື່ນ​ສານ​ຕາ​ຕັ້ງ​ຂອງທ່ານ Filimone Kau ເອກ​ອັກ​ຄະລັດ​ຖະ​ທູດ​ວິສາມັນ ​ຜູ້​ມີ​ອຳນາດເຕັມ​ແຫ່ງ​ປະເທດ​ຟິ​ຈິ ເຊິ່ງ​ມີ​ສຳນັກ​ງານ​ສະຖານທູດ​ຢູ່ເຊ​ອູນ ສ ເກົາຫຼີ ລາວ-ຟິ​ຈິ ໄດ້​ສ້າງຕັ້ງສາຍ​ພົວພັນ​ການ​ທູດ​ນຳ​ກັນ ວັນທີ 27 ສິງຫາ 2010.

ເວລາ 14:30 ໂມງ ໄດ້​ຕ້ອນຮັບ​ການ​ເຂົ້າ​ຍື່ນ​ສານ​ຕາ​ຕັ້ງ​ຂອງທ່ານ Patrick Simiyu ເອກ​ອັກຄະ​ລັດ​ຖະ​ທູດ​ວິສາມັນ​ ຜູ້​ມີ​ອຳນາດ​ເຕັມ​ແຫ່ງ​ປະເທດ​ເຄນ​ຢາ ເຊິ່ງ​ມີ​ສຳນັກງານ​ສະຖານທູດ​ຢູ່ບາງກອກ ລາວ-ເຄນ​ຢາ ໄດ້​ສ້າງຕັ້ງ​ສາຍ​ພົວພັນ​ການ​ທູດ​ນຳ​ກັນ ວັນ​ທີ 11 ທັນວາ 2008.

ເວລາ 15:00 ໂມງ ໄດ້​ຕ້ອນຮັບ​ການ​ເຂົ້າ​ຍື່ນ​ສານ​ຕາ​ຕັ້ງ​ຂອງທ່ານ Felix Denegri Boza ເອກອັກ​ຄະ​ລັດ​ຖະ​ທູດ​ວິສາມັນ ​ຜູ້​ມີອຳນາດ​ເຕັມ​ແຫ່ງ​ປະເທດ​ເປ​ຣູ ເຊິ່ງ​ມີ​ສຳນັກງານ​ສະຖານທູດ​ຢູ່ບາງກອກ ລາວ-ເປ​ຣູ ໄດ້​ສ້າງຕັ້ງສາຍ​ພົວພັນ​ການ​ທູດ​ນຳ​ກັນ​ວັນ​ທີ 27 ເມສາ 1989.

ເວລາ 15:30 ໂມງ ໄດ້​ຕ້ອນຮັບ​ການ​ເຂົ້າ​ຍື່ນ​ສານ​ຕາ​ຕັ້ງ​ຂອງທ່ານ Staffan Herrstrom ເອກອັກ​ຄະ​ລັດ​ຖະ​ທູດ​ວິສາມັນ ​ຜູ້​ມີ​ອຳນາດ​ເຕັມ​ແຫ່ງ​ປະເທດ​ຊູ​ແອດ ເຊິ່ງ​ມີ​ສຳນັກງານ​ສະຖານທູດ​ຢູ່ບາງກອກ ລາວ-ຊູ​ແອດ ໄດ້​ສ້າງຕັ້ງ​ສາຍ​ພົວພັນ​ການ​ທູດ​ນຳ​ກັນ ວັນ​ທີ 10 ຕຸລາ 1964.

ເວລາ 16:00 ໂມງ ໄດ້​ຕ້ອນຮັບ​ການ​ເຂົ້າ​ຍື່ນ​ສານ​ຕາ​ຕັ້ງ​ຂອງທ່ານ Benjamin King ເອກ​ອັກຄະ​ລັດ​ຖະ​ທູດ​ວິສາມັນ ​ຜູ້​ມີ​ອຳນາດ​ເຕັມ​ແຫ່ງ​ປະເທດ​ນູ​ແວນ​ເຊລັງ ເຊິ່ງ​ມີ​ສຳນັກງານ​ສະຖານທູດ​ຢູ່​ບາງກອກ ລາວ-ນູ​ແວນເຊ​ລັງ ໄດ້​ສ້າງຕັ້ງ​ສາຍ​ພົວພັນການ​ທູດ​ນຳ​ກັນ ວັນ​ທີ 7 ກຸມພາ 1963.

ເວລາ 16:30 ໂມງ ໄດ້ຕ້ອນຮັບ​ການ​ເຂົ້າ​ຍື່ນ​ສານ​ຕາ​ຕັ້ງຂອງ​ທ່ານ​ນາງ Kshenuka Dhireni ເອກ​ອັກ​ຄະ​ລັດ​ຖະ​ທູດວິສາມັນ ​ຜູ້​ມີ​ອຳນາດ​ເຕັມ​ແຫ່ງ​ປະເທດ​ສີ​ລັງກາ ເຊິ່ງ​ມີ​ສຳນັກງານສະຖານທູດ​ຢູ່​ບາງກອກ ລາວ-ສີ​ລັງກາ ໄດ້​ສ້າງຕັ້ງ​ສາຍ​ພົວພັນການ​ທູດ​ນຳ​ກັນ ວັນ​ທີ 20 ກໍ​ລະກົດ 1965.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...