ພິທີ​ມອບ-ຮັບການ​ອຸປະຖຳເຄື່ອງ​ຊ່ວຍເຫຼືອ ​ຕ້ານ​ໄພ​ໜາວ ເຂດ​ພາກ​ເໜືອ ໄດ້​ຈັດ​ຂຶ້ນ​ວັນ​ທີ 10 ກຸມພາ 2016 ຜ່ານ​ມາ ທີ່​ກະຊວງ​ສຶກ​ສາ​ທິ​ການ ແລະ ກີລາ (​ສສກ) ນະຄອນຫຼວງ​ວຽງ​ຈັນ ໂດຍ​ການ​ກ່າວ​ມອບ​ຂອງ​ທ່ານ ວິຊັນ ນະ​ລົງ​ສັກ ຮອງ​ຜູ້​ອຳນວຍການ​ບໍ​ລິສັດ ລາວ​ເວີນອະ​ສັງ​ຫາລິ​ມະ​ຊັບ ແລະ ກ່າວ​ຮັບ​ຂອງທ່ານ ບົວ​ລານ ສິລິ​ປັນຍາ ລັດ​ຖະມົນຕີ​ຊ່ວຍ​ວ່າການກະຊວງ​ສຶກສາ​ທິ​ການ ແລະ ກີລາ ມີ​ບັນດາຫົວໜ້າ​ກົມ-ຮອງ​ຫົວໜ້າ​ກົມ ແລະ ພະນັກງານ​ຂອງ​ທັງ 2 ພາກສ່ວນ​ທີ່​ກ່ຽວຂ້ອງ​ ເຂົ້າ​ຮ່ວມເປັນ​ສັກຂີ​ພິຍານ.

ເຊິ່ງ​ເຄື່ອງ​ທີ່​ນຳມາ​ມອບ​ຄັ້ງ​ນີ້ ປະກອບ​ມີຜ້າຫົ່ມ 4 ພັນ​ຜືນ ຖົງມື 9 ພັນ​ຄູ່ ແລະ ຖົງຕີນ 9 ພັນ​ຄູ່ ລວມ​ມູນ​ຄ່າ 102 ລ້ານ​ກີບ ທາງ​ກະຊວງ​ສຶກ​ສາທິ​ການ ແລະ ກີລາ ຈະ​ຈັດ​ສົ່ງ​ໃຫ້ 3 ແຂວງພາກ​ເໜືອຄື: ແຂວງ​ອຸດົມ​ໄຊ ຫົວພັນ ແລະ ແຂວງ​ຊຽງຂວາງ ເພື່ອ​ຕ້ານ​ໄພ​ໜາວ​ທີ່​ເກີດຂຶ້ນ​ໃນ​ປັດຈຸບັນ.