ຍ້ອນກັບໄປເມື່ອເດືອນທັນວາປີກາຍນີ້ ເກມ Grand Theft Auto: Liberty City Stories ໄດ້ລົງໃຫ້ຫຼິ້ນໃນຮ້ານຄ້າຂອງລະບົບ iOS ມາກ່ອນແລ້ວ, ແຕ່ມາມື້ນີ້ພ້ອມທີ່ຈະໃຫ້ລະບົບປະຕິບັດການ Android ໄດ້ສຳຜັດກັນແລ້ວ!
ສຳລັບເກມ GTA: Liberty City Stories ເປີດໂຕຄັ້ງທຳອິດແມ່ນໃນເຄື່ອງເກມ PlayStation Portable ໃນປີ 2005, ໃນເວີຊັ່ນ iOS ແລະ Android, ທາງທີມງານ Rockstar ກໍໄດ້ປັບເພີ່ມຄວາມລະອຽດດ້ານສະພາບແວດລ້ອມ ພື້ນຜິວລວມໄປເຖິງແສງແລະເງົາໃຫ້ເໝາະກັບໜ້າຈໍສຳຜັດ ແລະການຄວບຄຸມຕ່າງໆກໍຖືກອອກແບບມາເພື່ອໜ້າຈໍສຳຜັດ ແລະຍັງຮອງຮັບການຕໍ່ມືເກມເຂົ້າໃນການຫຼິ້ນອີກນຳ
ໜຶ່ງຄຸນສົມບັດທີ່ເປັນຕາສົນໃຈຫຼາຍທີ່ທາງ Rockstar ໄດ້ນຳສະເໜີຄືການຊິງຂໍ້ມູນຂ້າມແພລັດຟອຣມ. ເຊິ່ງຈະເຮັດໃຫ້ເຮົາສາມາດຫຼິ້ນພາລະກິດໃດກໍໄດ້ເທິງເຄື່່ອງຫຼິ້ນ PS 2 ຫຼື PS 3, ແລະສາມາດມາຫຼິ້ນຕໍ່ຈາກສະມາດໂຟນ iOS/Android ໄດ້!!
*ສຳລັບໂທລະສັບສະເປັກຕ່ຳ ແລະກາງບາງລຸ້ນ ຄົງຈະຫຼິ້ນບໍ່ໄດ້ແນ່ນອນ (ລອງກັບ Huawei P8 Lite ແລ້ວເຂົ້າຫຼິ້ນບໍ່ໄດ້ ^^) ຕ້ອງຖ້າໃຫ້ທາງ Rockstar ອອກມາແກ້ໄຂໃຫ້ກ່ອນ ລວມໄປເຖິງຜູ້ທີ່ໃຊ້ Android 6 ກໍມີອາການດຽວກັນ
ສຳລັບລິ້ງດາວໂຫຼດ Grand Theft Auto: Liberty City For Android
ໃຜທີ່ສົນໃຈກໍຮີບຊື້ໄວ້ເດີ້ເພາະຕອນນີ້ຢູ່ໃນຊ່ວງຫຼຸດລາ 40℅ ລາຄາໃນຕອນນີ້ແມ່ນ $3.99 ເທົ່ານັ້ນ!!
ທີ່ມາ:phonearena