ສຳນັກຂ່າວຕ່າງປະເທດ ລາຍງານໃນວັນທີ 10 ກຸມພາຜ່ານມານີ້ວ່າ ອີງຕາມ​ດັດ​ຊະ​ນີ​ລາ​ຄາ​ ການ​ບໍ​ລິ​ການ​ທ່ອງ​ທ່ຽວ ທີ່ຈັດໂດຍ​​ເວັບ​ໄຊ priceoftravel.com ຊຶ່ງ​ເປັນ​ເວັບ​ໄຊ​ຕີ​ລາ​ຄາ​ຈັດ​ອັນ​ດັບ 31 ນະ​ຄອນ​ໃນ​ອາ​ຊີ ດ້ວຍ​ການອີງ​ໃສ່​ລາ​ຄາ​ໃຊ້​ສອຍ​ໃນ​ທ້ອງ​ຕະຫລາດ​ແລ້ວ ໄດ້ເປີດເຜີຍວ່າ ນະຄອນຫລວງຮ່າ​ໂນ້ຍ ແລະ ນະ​ຄອນ​ໂຮ່​ຈິ​ມິນ​ຂອງ​ຫວຽດ​ນາມ ນອນຢູ່ໃນ​ກຸ່ມ 3 ນະ​ຄອນ​ ຂອງ​ບັນ​ຊີ​ລາຍ​ຊື່​ສະ​ຖານ​ທີ່​ທ່ອງ​ທ່ຽວ ທີ່ມີ​ລາ​ຄາ​ເໝາະ​ສົມ​ທີ່​ສຸດ​ໃນ​ພາກ​ພື້ນ ໂດຍແຫລ່ງຂ່າວໄດ້ລະບຸວ່າ ນັກທ່ອງທ່ຽວຕ້ອງ​ຈ່າຍ​ເງິນ​ພຽງ 20 ໂດລາເທົ່ານັ້ນ ກໍສາ​ມາດ​ກິນອາຫານ, ໄດ້​ພັກ​ຜ່ອນ​ຢູ່​ໂຮງ​ແຮມ ແລະ ທ່ຽວ​ຊົມ​ທິດ​ທັດ​ທຳ​ມະ​ຊາດໄດ້.