ສຳນັກຂ່າວຕ່າງປະເທດລາຍງານວານນີ້ ວັນທີ 10 ກຸມພາ 2016 ວ່າ ໄດ້ເກີດເຫດສະຫຼົດໃຈຂຶ້ນ ເມື່ອເຮືອບິນຂະໜາດນ້ອຍຂອງກອງທັບມຽນມາປະສົບອຸບັດເຫດຕົກລົງກາງທົ່ງນາ ໃກ້ກັບສະໜາມບິນເນປິດໍ ເມືອງຫຼວງໃໝ່ຂອງມຽນມາ ຫຼັງບິນຂຶ້ນຈາກເດິ່ນບິນເນປິດໍບຶດດຽວ ເຊິ່ງໃນເຮືອບິນລຳດັ່ງກ່າວມີນັກບິນແລະທະຫານລວມ 5 ຄົນ ເສຍຊີວິດ 4 ຄົນ ແລະບາດເຈັບສາຫັດ 1 ຄົນ.

ອີງຕາມການເລົ່າຂອງຜູ້ເຫັນເຫດການບອກວ່າ ເຮືອບິນລຳດັ່ງກ່າວໄດ້ເກີດໄຟໄໝ້ ຫຼັງຈາກທະຍານຂຶ້ນຈາກສະໜາມບິນເນປິດໍ ກ່ອນຈະດິ່ງຫົວລົງສູ່ພື້ນດິນ ຈົນເຮືອບິນແຫຼກກະຈາຍລະອຽດພ້ອມທັງເກີດໄຟລຸກໄໝ້.