ສຳນັກຂ່າວຣອຍເຕີລາຍງານເມື່ອວັນທີ 10 ກຸມພາ ທາງການຈີນປະກາດຢືນຢັນພົບຜູ້ຕິດເຊື້ອໄວຣັສຊິກາຜູ້ທຳອິດໃນປະເທດ ຫຼັງຜູ້ຕິດເຊື້ອຫາກໍເດີນທາງກັບຈາກທະວີບອາຟຣິກາໃຕ້.
ສຳນັກຂ່າວສິນຫົວອ້າງອີງຂໍ້ມູນຂອງຄະນະກຳມາທິການວາງແຜນຄອບຄົວ ແລະສຸຂະພາບແຫ່ງຊາດຈີນລະບຸວ່າ ຜູ້ຕິດເຊື້ອເປັນຊາຍອາຍຸ 34 ປີ ຈາກເຂດກວນຊຽນ ໃນມົນທົນຈຽງຊີ ທາງຕາເວັນອອກຂອງປະເທດ ໂດຍຜູ້ຕິດເຊື້ອຖືກັກຕົວໃນໂຮງໝໍແຫ່ງໜຶ່ງຕັ້ງແຕ່ວັນທີ 6 ກຸມພາ ຂໍ້ມູນເສີມວ່າຊາຍຄົນດັ່ງກ່າວເລີ່ມຟື້ນຟູຈົນລະດັບອຸນຫະພູມຮ່າງກາຍປົກກະຕິ ແລະ ຜື່ນເລີ່ມຈາງລົງ.
ກົມສາທາລະນະສຸກປະຈຳຈີນຮົງກົງ ທີ່ຜູ້ຕິດເຊື້ອມີປະຫວັດເດີນທາງມາຈາກທະວີບອາຟຣິກາໃຕ້ກັບເຂົ້າປະເທດ ອອກຖະແຫຼງວ່າ ຈີນເຮັດວຽກໃນເມືອງຕົງກວນຂອງມົນທົນກວາງຕຸ້ງ ຂະນະດຽວກັນດ່ານຄວບຄຸມພະຍາດຕິດຕໍ່ລະຫວ່າງປະເທດຂອງຈີນຮົງກົງຍົກລະດັບມາດຕະການກວດກາໃນສະໜາມບິນເພື່ອຕອບສະໜອງຕໍ່ເຫດການທີ່ເກີດຂຶ້ນ.
ນອກຈາກນີ້ ເຈົ້າໜ້າທີ່ລະດັບສູງໃນຮົງກົງເປີດເຜີຍຕໍ່ຜູ້ສື່ຂ່າວວ່າ ກົມສາທາລະນະສຸກ ແລະອາຫານກຳລັງກວດສອບປະຫວັດການເດີນທາງຂອງຜູ້ຕິດເຊື້ອຈາກລັດຖະບານ.
ຖະແຫຼງການລະບຸວ່າ ມີຄວາມສ່ຽງທີ່ເຊື້ອຊິກາຈະແພ່ກະຈາຍໃນທ້ອງຖິ່ນຫາເຊື້ອກະຈາຍເຂົ້າຈີນຮົງກົງ ແຕ່ຈົນເຖິງປະຈຸບັນຍັງບໍ່ພົບຜູ້ຕິດເຊື້ອໄວຣັສຊິກາໃນຈີນຮົງກົງແຕ່ຢ່າງໃດ.