ສຳນັກຂ່າວຕ່າງປະເທດ ລາຍງານໃນວັນທີ 10 ກຸມພານີ້ວ່າ ໃນມື້ວານນີ້ (9 ກຸມພາ) ເກີດເຫດລົດໄຟໂດຍສານ 2 ຂະບວນ ຕຳກັນແບບປະສານງາ ທີ່ລັດບາວາເຣຍ ປະເທດເຢຍລະມັນ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 8 ຄົນ ແລະ ບາດເຈັບອີກ 150 ຄົນ ໃນນັ້ນ 15 ຄົນມີອາການສາຫັດ.

ເຈົ້າໜ້າທີ່ຕຳຫລວດເຢຍລະມັນລະບຸວ່າ ເປັນອຸບັດເຫດຄັ້ງຮຸນແຮງທີ່ສຸດໃນຮອບຫລາຍປີ ທີ່ເກີດຂຶ້ນໃນພື້ນທີ່ດັ່ງກ່າວ ຊຶ່ງຫ່າງຈາກນະຄອນມິວນິກ ໄປທາງຕາເວັນອອກສຽງໃຕ້ ປະມານ 60 ກິໂລແມັດເທົ່ານັ້ນ ໂດຍສາເຫດຂອງອຸບັດເຫດຄັ້ງນີ້ ແມ່ນຍັງບໍ່ທັນຮູ້ຊັດເຈນ.