ໃນວັນທີ 5 ກຸມພາຜ່ານມາທີ່ກະຊວງຖະແຫຼງຂ່າວ,ວັດທະນະທຳແລະທ່ອງທ່ຽວໄດ້ຈັດກອງປະຊຸມປຶກສາຫາລືແລະລາຍງານເຖິງຄວາມພ້ອມ ໃນການເປັນປະທານກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນທີ່ ສປປ ລາວ ເປັນເຈົ້າພາບ, ໂດຍການໃຫ້ກຽດເຂົ້າຮ່ວມໂດຍ ທ່ານ ປິ່ນປາດຖະໜາ ພັນທະມາລີ ຫົວໜ້າກົມສື່ມວນຊົນ, ເຈົ້າໜ້າທີ່ ອາວຸໂສວັດທະນະທຳ-ສັງຄົມ ຂອງ ສປປ ລາວ, ທ່ານ ວົງເທບ ອາທະໄກວັນວາທີ ຮອງເລຂາທິການໃຫຍ່ອາ ຊຽນ ຮັບຜິດຊອບວຽກງານປະຊາຄົມວັດ ທະນະທຳ-ສັງຄົມອາຊຽນ ພ້ອມດ້ວຍຄະນະ ແລະພະນັກງານທີ່ກ່ຽວຂ້ອງເຂົ້າ ຮ່ວມ.
ທ່ານ ປິ່ນປາດຖະໜາ ພັນທະມາລີ ໄດ້ຖືໂອກາດນີ້ລາຍງານເຖິງຄວາມພ້ອມໃນການເປັນປະທານກອງປະຊຸມສະພາປະ ຊາຄົມວັດທະນະທຳ-ສັງຄົມອາຊຽນວ່າ: ໂດຍລວມແລ້ວ ສປປ ລາວ ໄດ້ກະກຽມ ແຜນບູລິມະສິດ ສຳລັບປີ 2016 ມີທັງ ໝົດ 8 ແຜນບູລິມະສິດຄື: 1 ຜັນຂະຫຍາຍ ວິໄສທັດປະຊາຄົມອາຊຽນ 2025, 2 ຮັດແຄບຄວາມແຕກໂຕນທາງດ້ານການ ພັດທະນາ, 3 ການອຳນວຍຄວາມສະດວກດ້ານການຄ້າ, 4 ການພັດທະນາວິ ສາຫະກິດຂະໜາດນ້ອຍ ແລະກາງ, 5 ການພັດທະນາການທ່ອງທ່ຽວ, 6 ການເຊື່ອມຈອດດ້ານການຂົນສົ່ງ ແລະໂລຈິສ ຕິກ, 7 ຖະແຫຼງການວຽງຈັນ ວ່າດ້ວຍ ການສົ່ງເສີມວຽກທີ່ມີຄຸນຄ່າ (ການປ່ຽນ ແປງເສດຖະກິດໃນລະບົບໃນອາຊຽນ), 8 ສົ່ງເສີມການຮ່ວມມືພາກພື້ນ ເພື່ອອະນຸ ລັກປົກປັກຮັກສາ ແລະສົ່ງເສີມມໍລະດົກ ວັດທະນະທຳອາຊຽນ, ທັງໝົດນີ້ ສຳລັບເສົາຄ້ຳວັດທະນະທຳ-ສັງຄົມ ແມ່ນຮັບຜິດຊອບ 2 ແຜນບູລິມະສິດຄື: ຂໍ້ 7 ແລະຂໍ້ 8,ໂດຍມອບໃຫ້ກະຊວງແຮງງານສະຫວັດ ດີການສັງຄົມ 1 ແຜນບູລິມະສິດ ແລະ ກົມມໍລະດົກ, ກະຊວງ ຖວທ 1 ແຜນບູລິມະສິດ ເປັນເຈົ້າການປະສານງານກັບ ກະຊວງ ແລະຂະແໜງການທີ່ກ່ຽວຂ້ອງໃນການຮ່າງເອກະສານ ຊຶ່ງໃນປະຈຸບັນ ແມ່ນຢູ່ໃນຂັ້ນຕອນຂອງການລວບລວມ ຂໍ້ມູນຕ່າງໆ.
ນອກນັ້ນ ລັດຖະບານ ສປປ ລາວ ໄດ້ ແຕ່ງຕັ້ງຄະນະຮັບຜິດຊອບ ແລະຊີ້ນຳລວມລະດັບຊາດ ແລະໄດ້ມອບໝາຍໃຫ້ ແຕ່ລະເສົາຄ້ຳທັງສາມເປັນເຈົ້າການໃນການແຕ່ງຕັ້ງບຸກຄະລາກອນຂອງຕົນເພື່ອຮັບຜິດຊອບ ແລະຈັດຕັ້ງປະຕິບັດກອງ ປະຊຸມທີ່ກະຊວງ ແລະຂະແໜງການ ຕ່າງໆຈະເປັນເຈົ້າພາບ, ພ້ອມດຽວກັນ ນັ້ນ ກະຊວງ ຖວທ ກໍໄດ້ກະກຽມ ແລະ ດຳເນີນການແຕ່ງຕັ້ງບຸກຄະລາກອນ ໂດຍ ປະກອບມີ ຜູ້ຕາງໜ້າຈາກຫຼາຍພາກ ສ່ວນທີ່ຂຶ້ນກັບເສົາຄ້ຳວັດທະນະທຳ-ສັງ ຄົມອາຊຽນລາວ ເຂົ້າຮ່ວມເພື່ອຮັບຜິດ ຊອບ.
ທ່ານ ປິ່ນປາດຖະໜາ ພັນທະມາລີຍັງໃຫ້ຮູ້ຕື່ມອີກວ່າ: ສຳລັບກອງປະຊຸມເຈົ້າໜ້າທີ່ອາວຸໂສ ໂຊກາ ຄັ້ງທີ 20, ກອງ ປະຊຸມສະພາປະຊາຄົມວັດທະນະທຳ-ສັງ ຄົມ ຄັ້ງທີ 15 ຮອບທີ 1 ຈະໄດ້ຈັດຂຶ້ນ ທີ່ແຂວງຫຼວງພະບາງ ໃນລະຫວ່າງວັນທີ 28-31 ພຶດສະພາ 2016 ສ່ວນ ກອງປະປະຊຸມເຈົ້າໜ້າທີ່ອາວຸດໂສ ໂຊກາ ຄັ້ງທີ 21 ແລະກອງປະຊຸມ ສະພາປະຊາ ຄົມວັດທະນະທຳ-ສັງຄົມ ຄັ້ງທີ 16 ຮອບ ທີ 2 ຈະໄດ້ຈັດໃສ່ວັນທີ 3-6 ກັນຍາ 2016 ທີ່ນະຄອນຫຼວງວຽງຈັນໂດຍຈັດຄູ່ກັບກອງປະຊຸມສຸດຍອດອາຊຽນ ຄັ້ງທີ 28 ແລະ29.
ທີ່ມາ: