ທ່ຽງຄືນຂອງວັນທີ 5 ຕໍ່ໃສ່ວັນທີ 6 ກຸມພາ 2014 ນີ້ ໄດ້ເກີດເຫດໄຟໄໝ້ຕະຫຼາດຫຼັກຊາວ ເມືອງຄຳເກີດ ແຂວງບໍລິຄຳໄຊ ເປັນຄັ້ງທີ 2 ພາຍໃນເວລຫ່າງກັນບໍ່ຮອດ 2 ປີ. ສ່ວນສາເຫດແລະຄວາມເສຍຫາຍ ຍັງພວມຢູ່ໃນການຄົ້ນຄວ້າເກັບກຳຂໍ້ມູນຂອງເຈົ້າໜ້າທີ່ທີ່ກ່ຽວຂ້ອງຢູ່.
ເຫດໄຟໄໝ້ຄັ້ງກ່ອນເກີດຂຶ້ນໃນຄືນຂອງວັນທີ 27 ກັນຍາ 2014 ເຮັດໃຫ້ເກີດຄວາມເສຍຫາຍຢ່າງໜັກ.
ຕະຫຼາດແຫ່ງນີ້ຖືວ່າເປັນຕະຫຼາດໃຈກາງຂອງຫຼັກຊາວ ເມືອງຄຳເກີດ ແລະເປັນຕະຫຼາດທີ່ໃຫຍ່ຫຼາຍ ແລະສ່ວນທີ່ຖືໄຟໄໝ້ນັ້ນແມ່ນສ່ວນທີ່ເປັນຮ້ານໄມ້ ຂາຍເຄື່ອງແຫ້ງ ເຄື່ອງຍ່ອຍ ຜ້າແພ ເກີບ ແລະຂາຍອາຫານສົດ. ຕະຫຼາດແຫ່ງນີ້ເຄີຍຖືກໄຟໄໝ້ຄັ້ງໃຫຍ່ຄັ້ງໜຶ່ງແລ້ວໃນປະມານຊຸມປີ 1990.