ຫຼັງຈາກເຫດການກ່ອນໜ້ານີ້ໃນຮູບເງົາ Death Note ໃນປີ 2006 ຄື:
Death Note : Beginning
Death Note : The Last Name
ທີ່ L (L Lawliet) ໄດ້ປິດຄະດີສຸດທ້າຍຂອງຕົນເອງກັບ Kira (Yagami Light) ໂດຍການວັດກັນທີ່ຄວາມສາມາດແລະແຜນຊ້ອນແຜນຂອງທັງສອງຄົນເຮັດໃຫ້ຄະດີນີ້ L ເປັນຝ່າຍຊະນະດ້ວຍການເອົາຊີວິດຕົນເອງເດີມພັນ ຫຼັງຈາກນັ້ນ L ກໍໄດ້ຈູດປຶ້ມ Death Note ທີ່ເປັນຕົ້ນເຫດຂອງເລື່ອງທັັງໝົດນີ້ຖິ້ມແລະຈົບຊີວິດລົງ, ສ່ວນໂລກມະນຸດກໍຄ່ອຍໆກັບມາມີສະພາບແບບເກົ່າກ່ອນທີ່ Kira ຈະປາກົດໂຕຂຶ້ນ.
ນັບຈາກເຫດການດັ່ງກ່າວຜ່ານມາແລ້ວ 10 ປີ ຈົນມາຮອດປີ 2016 ໄດ້ມີ Death Note ຕົກລົງມາສູ່ໂລກໃບນີ້ເຖິງ 6 ຫົວ, ເຊິ່ງມີຫຼາຍໆເຫດການເກີດຂຶ້ນໃນໂລກໃບນີ້ໃນໂລກທີ່ມີຂໍ້ມູນຫຼາກຫຼາຍນີ້ ບໍ່ວ່າຈະເປັນເຫດການເກີດອາຊະຍາກຳໂລກໄຊເບີ້ທົ່ວໂລກນັບເທື່ອບໍ່ຖ້ວນຂຶ້ນ, ດັ່ງນັ້ນຈຶ່ງເຮັດໃຫ້ມີຜູ້ສືບທອດຂອງ Kira ແລະ L ປະກົດໂຕອອກມາ ແຕ່ວ່າວິທີການສືບທອດຕຳນານນັ້ນຍັງຄົງຖືກປິດບັງເປັນຄວາມລັບຢູ່ ການຕໍ່ສູ້ລະຫວ່າງຜູ້ຄອບຄອງ Death Note ຄົນໃໝ່ທີ່ມີເວທີໂລກເປັນເດີມພັນກຳລັງເລີ່ມຕົົ້ນຂຶ້ນແລ້ວ!.
ໃນຮູບເງົາ Death Note 2016 ນີ້ແມ່ນຮູບເງົາທີ່ເຮັດຂຶ້ນເພື່ອສະຫຼອງຄົບຮອບ 10 ປີຂອງຮູບເງົາ Death Note ໃນປີ 2006, ເຊິ່ງກ່ອນໜ້ານີ້ເອງກໍມີ Death Note ແບບຊີຣີທີ່ສາຍໃນຍີ່ປຸ່ນອອກມາ ແລະໃນຕອນນີ້ເຮົາມີລາຍຊື່ນັັກສະແດງຊຸດທຳອິດອອກມາໃຫ້ທຸກຄົນໄດ້ຮູ້ກັນແລ້ວເຮົາມາເບິ່ງນຳກັນເລີຍວ່າ ນັກສະແດງຊຸດທຳອິດມີບົດບາດແລະໜ້າຕາແນວໃດແດ່ ^^. ນັກສະແດງຊຸດທຳອິດທີ່ຖືກປ່ອຍອອກມາແມ່ນມີຢູ່ 3 ຄົົນຄື:
– ໂຊສຸເກະ ອິເຄະມັດສຶ ສະແດງເປັນ ຣິວຊາກິ ຜູ້ສືບທອດຕຳນານຂອງ L ສຸດຍອດນັກສືບຂອງໂລກທີ່ຈົບຊີວິດລົງກັບຄະດີ Kira
– ມາຊາຮິໂກະ ຮິງາຊິເດະ ສະແດງເປັນ ສຶຄຸຣุຸ ມາຊິມະ ຜູ້ຕາມຫາເດດໂນດເພື່ອຈຸດປະສົງບາງຢ່າງ
– ມາຊາກິ ຊຸດະ ສະແດງເປັນ ຢູກິ ຊິອອນ ຜູ້ກໍ່ການຮ້າຍໄຊເບີ້ທີ່ຄອຍຮັບໃຊ້ຄິຣະຢູ່ເບື້ອງຫຼັງ
ສຳລັບ Death Note 2016 ນີ້ແມ່ນໄດ້ຜູ້ກຳກັັບ ຊາໂຕ້ ຊິນສຸເກະ ຜູ້ທີ່ເຄີຍກຳກັັບຮູບເງົາແບບ Gantz, Gantz: Perfect Answer, Library Wars ມາກຳກັບ. ສຳລັບກຳນົດມື້ເຂົ້າສາຍຢ່າງເປັນທາງການຍັງບໍ່ທັນແນ່ນອນເທື່ອ ແຕ່ຈະເລີ່ມສາຍໃນຊ່ວງລະດູໃບໄມ້ຫຼົ່ນທີ່ປະເທດຍີ່ປຸ່ນ ປີ 2016 ນີ້ຢ່າງແນ່ນອນ.
ທີ່ມາ: warnerbros.co.jp, online-station