ຂປລ. ບໍລິສັດ ເບຍລາວ ຈໍາກັດ ໄດ້ນໍາສະເໜີຜະລິດຕະພັນເຄື່ອງດື່ມ ໃນເຄືອຂອງກຸ່ມຄາວສເບີກ Somer sby ແລະ Kronenbourg 1664 ທີ່ຈະໄດ້ນໍາເຂົ້າມາວາງຈໍາໜ່າຍທີ່ ສປປ ລາວ ໃຫ້ແກ່ລູກຄ້າໃນກຸ່ມເປົ້າໝາຍໃນທ້ອງຕະຫລາດຢູ່ 200 ກວ່າຮ້ານ. ເບື້ອງຕົ້ນ ແມ່ນຢູ່ນະຄອນຫລວງວຽງຈັນ ແລະ ຫລວງພະບາງ. ພິທີດັ່ງກ່າວໄດ້ຈັດຂຶ້ນໃນວັນທີ 4 ກຸມພານີ້ ທີ່ນະຄອນຫລວງວຽງຈັນ ໂດຍມີທ່ານ ກິດສະໜາ ວົງໄຊ ຜູ້ອໍານວຍການໃຫຍ່ບໍລິສັດ ເບຍລາວ ຈໍາກັດ, ມີບັນດາຮອງຜູ້ອໍານວຍການ, ພ້ອມດ້ວຍແຂກທັງພາຍໃນ ແລະ ຕ່າງປະເທດເຂົ້າຮ່ວມ.
ທ່ານ ຜູ້ອໍານວຍການໃຫຍ່ ບໍລິສັດເບຍລາວ ຈໍາກັດ ກ່າວວ່າ: ເພື່ອເຮັດໃຫ້ການດໍາເນີນທຸລະກິດຂອງບໍລິສັດ ເບຍລາວ ຈໍາກັດ ມີຄວາມສອດຄ່ອງກັບສະພາບເສດຖະກິດສັງຄົມ ແລະ ເຮັດໃຫ້ຜູ້ບໍລິໂພກ ມີທາງເລືອກຫລາຍຂຶ້ນ,ທັງເປັນການຕອບສະໜອງຄວາມຕ້ອງການ ຕໍ່ກຸ່ມຜູ້ບໍລິໂພກໃນຍຸກ AEC ສະ ນັ້ນ, ບໍລິສັດເບຍລາວ ຈໍາກັດ ໄດ້ນໍາເຂົ້າຜະລິດຕະພັນໃໝ່ທີ່ມີຕົ້ນກໍາເນີດຈາກເອີຣົບ ທີ່ເປັນຜະລິດຕະພັນ Premium ລະດັບສາກົນ ທີ່ນອນຢູ່ໃນເຄືອຜະລິດຕະພັນຂອງກຸ່ມ ຄາວສເບີກ.
ສໍາລັບຜະລິດຕະພັນ Somersby ມີຕົ້ນກໍາເນີດມາຈາກປະເທດເດັນມາກ ແລະ ເປັນຜະລິດຕະພັນ Cifer ທີ່ຂາຍດີທີ່ສຸດໃນກຸ່ມຜະລິດຕະພັນໃນເຄືອຂອງ Carlsberg ທີ່ມີອັດຕາການເຕີບໂຕໄວທີ່ສຸດໃນໂລກ ໃນປີ 2014. Somersby ເປັນເຄື່ອງດື່ມທີ່ຜະລິດຈາກໝາກ Apple ດື່ມງ່າຍໃຫ້ ລົດຊາດດີ ແລະ ເປັນເຄື່ອງດື່ມທີ່ໄດ້ຮັບຄວາມນິ ຍົມຫລາຍໃນບັນດາປະເທດເອີຣົບ ແລະ ມີຈໍາໜ່າຍ ໃນຫລາຍກວ່າ 50 ປະເທດທົ່ວໂລກ.
Kronenbourg 1664 ມີຕົ້ນກໍາເນີດຈາກປະເທດຝຣັ່ງ ເປັນເບຍຍີ່ຫໍ້ອັນດັບ 5 ທີ່ເກົ່າແກ່ທີ່ສຸດໃນໂລກ ທີ່ຍັງຄົງມີຂາຍ. Kronenbourg 1664 ທີ່ບໍລິສັດເບຍລາວນໍາເຂົ້າມາຈໍາໜ່າຍມີ 2 ປະເພດ ຄື: Kronenbourg 1664 Blanc ເປັນເບຍທີ່ຜະລິດມາຈາກເຂົ້າສາລີ ແລະ ເຂົ້າມ່ານ(Wheat ແລະ Barley Malt) ມີສ່ວນປະສົມທາດເຫລົ້າ 5%; ສ່ວນ Kronenbourg 1664 Larger ເປັນເບຍທີ່ຜະລິດມາຈາກເຂົ້າມ່ານ (Barley Malt) ມີສ່ວນປະສົມຂອງທາດເຫລົ້າ 5% ເຊັ່ນດຽວກັນ.
ແຫລ່ງຂ່າວ:
