spot_img
Homeຂ່າວການພັດທະນາຂົວຂ້າມນໍ້າງື່ມ ບ້ານນາບົງ-ທ່າກົກໄຮ ຂອງຂວັນປະທານກຸ່ມບໍລິສັດລາວເວີນ ລົງມືກໍ່ສ້າງແລ້ວ!

ຂົວຂ້າມນໍ້າງື່ມ ບ້ານນາບົງ-ທ່າກົກໄຮ ຂອງຂວັນປະທານກຸ່ມບໍລິສັດລາວເວີນ ລົງມືກໍ່ສ້າງແລ້ວ!

Published on

ຂປລ. ເລີ່ມລົງມືກໍ່ສ້າງຂົວຂ້າມນໍ້າງື່ມ ລະຫວ່າງບ້ານນາບົງ-​ທ່າກົກໄຮ ຢູ່ເມືອງປາກງື່ມຢ່າງ​​ເປັນທາງການ ພາຍຫລັງກຸ່ມບໍລິສັດລາວເວີນ ຮ່ວມກັບນະຄອນຫລວງວຽງຈັນ, ຈັດພິທີວາງສີລາເລີກໂຄງການກໍ່ສ້າງຂົວດັ່ງກ່າວ ໃນວັນທີ 5 ກຸມພານີ້ ຢູ່ບ້ານດັ່ງກ່າວໂດຍເປັນກຽດເຂົ້າຮ່ວມຂອງທ່ານ ສີນລະວົງ ຄຸດໄພທູນເຈົ້າຄອງນະຄອນຫລວງວຽງຈັນ, ທ່ານ ບຸນຈັນ ສິນທະວົງ ລັດຖະມົນວ່າການກະຊວງໂຍທາກິການແລະ ຂົນສົ່ງ, ທ່ານ ສັກໄຊ ວົງມາລາສິດ ປະທານ​ກຸ່ມ​ບໍລິສັດ​ລາວ​ເວີນ, ພ້ອມ​ບັນດາ​ແຂກທີ່ກ່ຽວຂ້ອງ​ເຂົ້າ​ຮ່ວມ.

​ໂຄງການ​ກໍ່ສ້າງຂົວ​ແຫ່ງ​ດັ່ງກ່າວ ຈະ​ຈັດ​ຕັ້ງ​ປະຕິບັດດໍາ​ເນີນ​ການ​ກໍ່​ສ້າງ​ນັບ​ແຕ່​ມື້​ລົງມື​ວາງ​ສີ​ລາ​ ເລີກ​​ເປັນ​ຕົ້ນ​ໄປ​ລວມ 24 ​ເດືອນ​ ຈະ​ສໍາ​ເລັດ, ມີມູນ​ຄ່າ​ການ​ກໍ່ສ້າງທັງ​ໝົດປະມານ 100 ​ຕື້​ກວ່າກີບ, ມີ​ຄວາມຍາວ 230 ກວ່າ​​ແມັດ.

ທ່ານ ສັກໄຊ ວົງມາລາສິດ ປະທານ​ ກຸ່ມ​ບໍລິສັດ​ລາວ​ເວີນ​ ກ່າວ​ວ່າ: ຂົວ​ແຫ່ງ​ນີ້​ມີ​ຄວາມ​ສໍາຄັນ​ຫລາຍທີ່ສຸດ ເຊິ່ງບໍ່​ພຽງ​ແຕ່ຈະ​​ອໍານວຍ​ຄວາມ​ສະດວກສະບາຍ​​ ໃຫ້​ພໍ່​ແມ່​ປະຊາຊົນ, ນັກ​ຮຽນ​ນັກ​ສຶກສາ ​ແລະ ທຸກ​ຊັ້ນ​ຄົນ​​​ໃຊ້​ສັນຈອນ​ໄປມາ, ແຕ່​ຍັງ​ຊ່ວຍ​ຊຸກ​ຍູ້ການພັດທະນາ​ເສດຖະກິດ-ສັງຄົມ​ ລະຫວ່າ​ງ​ເມືອງ, ນະຄອນຫລວງ ​ແລະ ​ເມືອງ​ອ້ອມ​ຂ້າງ ​ເນື່ອງ​ຈາກ​​ຂົວ​ແຫ່ງ​ດັ່ງກ່າວ, ​ສາມາດ​ເຊື່ອມ​ຈອດ​ກັບ​ເສັ້ນທາງ​ 13 ​ໃຕ້ ​ຈະ​ອຳນວຍ​ຄວາມ​ສະດວກ, ປະຢັດ​ເວລາ​ໃນ​ການ​​ເດີນທາງ ສິ່ງ​ສຳຄັນຈະເຮັດ​ໃຫ້​ປະຊາຊົນ ​ແລະ ​ຊາວ​ຄ້າຂາຍ​ຫັນ​ມາ​ໃຊ້​ຂົວ​​ແຫ່ງ​ນີ້ຫລາຍ​ຂຶ້ນ​ ໃນ​ການ​ຂົນ​ສົ່ງ​ສິນຄ້າ​ ​ແລະ ຜົນ​ຜະລິດ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...