spot_img
Homeຂ່າວການພັດທະນາຮອງເຈົ້າຄອງ ນ.ວ ລົງຕິດຕາມ ໂຄງການປະຕິສັງຂອນຫໍພະແກ້ວ ໄລຍະທີ I ສຳເລັດ!

ຮອງເຈົ້າຄອງ ນ.ວ ລົງຕິດຕາມ ໂຄງການປະຕິສັງຂອນຫໍພະແກ້ວ ໄລຍະທີ I ສຳເລັດ!

Published on

ໃນ​ວັນ​ທີ 2 ກຸມພາ 2016 ທີ່​ຫໍພະແກ້ວ ທ່ານ ສາຍທອງ ແກ້ວ​ດວງ​ດີ ຮອງ​ເຈົ້າ​ຄອງນະຄອນ​ຫຼວງ​ວຽງ​ຈັນ ແລະ ທ່ານ ຄຳ​ປະດິດ ເຂັມ​ມານິດ ຫົວໜ້າພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ ພ້ອມ​ດ້ວຍ​ຄະນະ ໄດ້​ລົງ​ຕິດຕາມ​ກວດກາ​ໂຄງການກໍ່ສ້າງ​ປະຕິສັງຂອນ​ຫໍພະແກ້ວ ເພື່ອ​ກວດກາ​ສຳ​ຫຼວດ​ຄວາມ​ຄືບໜ້າ​ຂອງ​ການ​ປັບປຸງ ແລະ ບູ​ລະນະ​ຫໍພະແກ້ວ.

ທ່ານ​ຮອງ​ເຈົ້າ​ຄອງ​ນະຄອນຫຼວງ ໄດ້​ກ່າວ​ວ່າ: ໂຄງການ​ປະຕິສັງ​ຂອນ​ຫໍພະແກ້ວ ແມ່ນ​ໄດ້ມອບ​ໃຫ້​ບໍລິສັດ ​ພູນ​ຊັບ​ກໍ່ສ້າງ ເປັນ​ຜູ້​ຮັບຜິດຊອບ​ດຳເນີນ​ການ​ບູລະນະ​ຫໍພະແກ້ວ ໂດຍ​ແບ່ງ​ອອກເປັນ 3 ໄລຍະ ສຳລັບ​ໄລຍະທີ​ໜຶ່ງ​ແມ່ນ​ໄດ້​ເລີ່ມ​ການ​ບູລະນະມາ​ແຕ່​ເດືອນ​ກຸມພາ ປີ 2015 ມາ​ເຖິງ​ປັດຈຸບັນ ໃນ​ໄລຍະ​ທີ I ແມ່ນ​ໄດ້​ສຳເລັດ ເຊິ່ງ​ປະກອບ​ມີຫຼັງຄາ ໂງ ຍອດ​ຊໍ່ຟ້າ ແລະ ເພດານ ພ້ອມ​ທັງ​ກຳລັງ​ດຳເນີນການ​ບູລະນະ​ຕໍ່​ໃນ​ໄລຍະ​ທີ II ໂດຍຈະ​ໄດ້​ສືບຕໍ່​ບູລະນະ​ເສົາ ທາສີ ແລະ ພື້ນ ໂດຍ​ໄດ້​ວາງ​ຄາດໝາຍ​ຈະ​ໃຫ້​ສຳເລັດ​ໃນ​ເດືອນ​ຫົກເພັງ ສ່ວນ​ໄລຍະ​ທີ III ແມ່ນ​ຈະໄດ້​ຕົກແຕ່ງ​ເດີ່ນ ເຮັດ​ຫໍ​ໄວ້​ເຄື່ອງຕ່າງໆ ສຳລັບ​ໄລຍະ​ທີ III ນີ້​ຍັງບໍ່​ໄດ້​ກຳນົດ​ເວລາ​ທີ່​ແນ່ນອນ.

ສຳລັບ​ການ​ບູລະນະ​ໄລຍະທີ​ໜຶ່ງ​ທີ່​ສຳເລັດ​ແລ້ວນີ້​ ທາງ​ຄະນະ​ກຳມະການ​ໂຄງການ​ປະຕິ​ສັງຂອນ​ຫໍພະແກ້ວ ຈະ​ໄດ້​ຈັດ​ສະຫຼຸບຜົນສຳເລັດ​ຂອງ​ໂຄງການ​ບູ​ລະນະ​ໃນ​ໄລຍະ​ທີ I ຂຶ້ນ ໃນ​ມື້​ວັນເພັງ​ເດືອນ​ສາມ ກົງ​ກັບ​ວັນ​ທີ 21-22 ກຸມພາ 2016 ໂດຍ​ຈະ​ໄດ້​ມີການ​ຄົບງັນ ໃສ່​ບາດ ພ້ອມ​ນັ້ນ ກໍ່ຈະ​ໄດ້​ປະກາດ​ໃຫ້​ມວນ​ຊົນ​ໄດ້​ຮັບຮູ້​ເຖິງ​ຜົນສຳເລັດ ​ການ​ບູລະນະ​ຫໍພະແກ້ວ ໃນ​ໄລຍະ​ທີ I ພ້ອມ​ທັງເປີດ​ໃຫ້​ມວນ​ຊົນ​ໄດ້​ເຂົ້າ​ຊົມ ສະນັ້ນ ຈຶ່ງ​ຂໍ​ເຊີນຊວນ​ພໍ່​ແມ່​ປະຊາຊົນ​ຊາວ​ນະຄອນຫຼວງ​ວຽງ​ຈັນ ກໍ່​ຄືຊາວ​ລາວ​ທົ່ວ​ປະເທດ​ ເຂົ້າ​ມາຮ່ວມ​ຊົມ​ຜົນສຳເລັດ​ໃນ​ເບື້ອງ​ຕົ້ນ ສ່ວນ​ໄລຍະ​ທີ 2 ແລະ 3 ແມ່ນຈະ​ໄດ້​ສືບຕໍ່​ປັບປຸງ​ຄືນ ​ເຊິ່ງ​ຍັງ​ຕ້ອງການ​ທຶນຮອນ​ອີກ​ຫຼາຍ​ສົມຄວນ ຖ້າ​ຫາກ​ອອກ​ຕົນ​ຍາດ​ຍົມ​ທ່ານໃດ ​ຫາກ​ມີ​ຈິດໃຈ​ໃສ​ສັດທາ​ ກໍ່ສາມາດ​ມາ​ບໍລິຈາກ​ໄດ້​ທີ່​ຫໍ​ພະແກ້ວ​ແຫ່ງ​ນີ້ ຫຼື ຕິດຕໍ່​ໄດ້​ທີ່​ພະແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງວຽງ​ຈັນ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...