ອຸຕຸນິຍົມ ແລະອຸທົກກະສາດໄທ ແຈ້ງວ່າ ໃນໄລຍະວັນທີ 1-4 ກຸມພາ 2016 ບໍລິເວນຄວາມກົດອາກາດສູງກຳລັງປານກາງອີກຮອບໜຶ່ງຈາກປະເທດຈີນ ຈະແຜ່ລົງມາປົກຄຸມພາກເໜືອ, ພາກຕາເວັນອອກສ່ຽງເໜືອ ແລະທະເລຈີນໃຕ້ ເຮັດໃຫ້ບໍລິເວນດັ່ງກ່າວ ມີຝົນເກີດກຂຶ້ນ ແລະອຸນະຫພູມຈະຫຼຸດລົງ 2-4 ອົງສາເຊນຊຽດ.

ຈາກສະພາບອາກາດດັ່ງກ່າວນັ້ນ ມີຄວາມເປັນໄປໄດ້ສູງທີ່ພາກເໜືອ ແລະພາກຕາເວນອອກສ່ຽງເໜືອຂອງລາວ ບໍລິເວນພູສູງ ຈະມີອາກາດໜາວເຢັນລົງອີກ 2-4 ອົງສາ ເຊັ່ນດຽວກັນ.

ດັ່ງນັ້ນ, ຈຶ່ງຂໍໃຫ້ພໍ່ແມ່ປະຊາຊົນຕິດຕາມສະພາບອາກາດໃຫ້ດີ ແລະເບິ່ງແຍງສຸຂະພາບໃຫ້ແຂງແຮງ ໃຫ້ຮ່າງກາຍອົບອຸ່ນຢູ່ສະເໝີ ໂດຍສະເພາະແມ່ນໄລຍະວັນທີ 1-4 ກຸມພາ 2016 ທີ່ຈະເຖິງນີ້.

ໃນຂະນະທີ່ໜ່ວຍງານປ້ອງກັນແລະບັນເທົາສາທາລະນະໄພແຫ່ງຊາດຂອງໄທ ກໍໄດ້ອອກແຈ້ງການ “ດ່ວນທີ່ສຸດ!”ເຕືອນໃນຂອບເຂດທົ່ວປະເທດວ່າ ອາກາດຈະເຢັນລົງ 2-4 ອົງສາ ແລະຈະມີລົມພັດແຮງ ເຊິ່ງຈະເປັນຜົນກະທົບຕໍ່ສຸຂະພາບ ແລະຊັບສິນຂອງປະຊາຊົນໄດ້ ຕະຫຼອດອາທິດທຳອິດຂອງເດືອນກຸມພາ.

ທີ່ມາຂອງຂ່າວ: http://www.tmd.go.th/thailand.php