ສຳນັກຂ່າວຕ່າງປະເທດ ລາຍງານໃນວັນທີ 28 ມັງກອນຜ່ານມານີ້ວ່າ ສະມາຄົມອຸດສາຫະກຳ ພະລັງງານແສງຕາເວັນແຫ່ງປະເທດຈີນ (CPIA) ໄດ້ເປີດເຜີຍເມື່ອວັນທີ 21 ມັງກອນ 2016 ລະບຸວ່າ ສະຖິຕິການຜະລິດໄຟຟ້າ ດ້ວຍພະລັງງານແສງຕາເວັນ (photovoltaic – PV) ພາຍໃນປະເທດຈີນ ໄດ້ເພີ່ມຂຶ້ນ 15 ກິກະວັດ ຫລື ປະມານ 40% ເມື່ອປຽບທຽບເປັນລາຍປີ ສົ່ງຜົນເຮັດໃຫ້ປະລິມານການຜະລິດສຸດທິ ມີທັງໝົດ 43 ກິກະວັດ ພາຍໃນປີ 2015 ຜ່ານມາ ຊຶ່ງເປັນປະລິມານການຜະລິດໄຟຟ້າ ດ້ວຍພະລັງານແສງຕາເວັນ ສູງທີ່ສຸດໃນໂລກ ແຊງໜ້າປະເທດເຢຍລະມັນ ທີ່ຄອງອັນດັບໜຶ່ງຂອງໂລກໃນດ້ານດັ່ງກ່າວ.

ສຳນັກງານບໍລິຫານພະລັງງານແຫ່ງຊາດ (NEA) ຂອງຈີນ ໄດ້ລະບຸວ່າ ປະເທດຈີນໄດ້ຕັ້ງເປົ້າເພີ່ມພະລັງງານສະອາດ (non-fossil energy) ໃຫ້ໄດ້ກວມ 15% ຂອງການຊົມໃຊ້ພະລັງງານພື້ນຖານຂອງປະເທດ ກ່ອນປີ 2020 ຊຶ່ງເມື່ອຮອດເວລານັ້ນຄາດວ່າ ການຜະລິດພະລັງງານແສງຕາເວັນຂອງຈີນ ຈະສູງຂຶ້ນເຖິງລະດັບ 150 ກິກະວັດ.