ສຳນັກຂ່າວຕ່າງປະເທດ ລາຍງານໃນວັນທື 28 ມັງກອນນີ້ວ່າ ທ່ານ ແມດິວ ໄດຣເວີ ຜູ້ອຳນວຍການ ຝ່າຍຜະລິດຕະພັນ ແລະ ການແກ້ໄຂບັນຫາຂອງ ກຸ່ມບໍລິສັດ ມາດສະເຕີກາດ (Master Card) ຊຶ່ງເປັນຜູ້ໃຫ້ບໍລິການ ດ້ານບັດເຄຣດິດ ລາຍໃຫຍ່ຂອງໂລກ ໄດ້ອອກມາເປີດເຜີຍວ່າ ດັດຊະນີແຫລ່ງທ່ອງທ່ຽວປາຍທາງ ຍອດນິຍົມທີ່ສຸດ ໃນພາກພື້ນອາຊີປາຊີຟິກ ໃນປີ 2015 ຜ່ານມາ ພົບວ່າ ນະຄອນຫລວງບາງກອກ ຫລື ກຸງເທບມະຫານະຄອນ ປະເທດໄທ ຕິດອັນດັບທີ 1 ຂອງຈຸດໝາຍປາຍທາງ 10 ແຫ່ງ ທົ່ວພາກພື້ນ ທີ່ມີນັກທ່ອງທ່ຽວ ເດີນທາງໄປຢ້ຽມຢາມຫລາຍທີ່ສຸດ.
ພ້ອມດຽວກັນນັ້ນ, ແຂວງພູເກັດ ແລະ ເມືອງພັດທະຍາຂອງໄທ ກໍຕິດອັນດັບທີ 3 ແລະ ອັນດັບທີ 8 ຕາມລຳດັບ ໃນດັດຊະນີດັ່ງກ່າວອີກດ້ວຍ.