ສຳນັກຂ່າວຕ່າງປະເທດ ລາຍງານໃນວັນທີ 27 ມັງກອນຜ່ານມານີ້ວ່າ ກອງປະຊຸມຄົບຄະນະຄັ້ງປະຖົມມະລຶກ ຂອງຄະນະບໍລິຫານງານສູນກາງ ພັກກອມມູນິດຫວຽດນາມ ຊຶ່ງໄຂຂຶ້ນໃນມື້ວານນີ້ (27 ມັງກອນ 2016) ໄດ້ດຳເນີນການເລືອກຕັ້ງ ກຳມະການກົມການເມືອງສູນກາງພັກ ຈຳນວນ 19 ສະຫາຍ ຊຶ່ງໃນນັ້ນ ໄດ້ລົງຄະແນນເລືອກເອົາ ສະຫາຍ ຫງວຽນຟູຈອງ ດຳລົງຕຳແໜ່ງ ເປັນເລຂາທິການໃຫຍ່ ພັກກອມມູນິດຫວຽດນາມ ອີກວາລະໜຶ່ງ.
ທັງນີ້ ກອງປະຊຸມໃຫຍ່ພັກກອມມູນິດຫວຽດນາມ ຊຶ່ງໄຂຂຶ້ນຢ່າງເປັນທາງການ ໃນວັນທີ 20 ມັງກອນ 2016 ໄດ້ດຳເນີນມາເປັນເວລາ 8 ວັນ ໂດຍມີກຳນົດປິດກອງປະຊຸມຢ່າງເປັນທາງການ ໃນວັນທີ 28 ມັງກອນນີ້.