ຂປລ. ແຂວງຫົວພັນໄດ້ຮັບເຄື່ອງຊ່ວຍເຫລືອບັນເທົາທຸກ, ຕ້ານໄພໜາວ ຈາກ​ບັນດາ​ຫ້າງ​ຮ້ານ ​ແລະ ບໍ​ລິ​ສັດ ລວມມູນຄ່າ 56 ລ້ານກວ່າກີບ. ທ່ານ ດຣ. ຄຳມະນີ ອິນທິລາດ ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ມອບເງິນສ່ວນ ຕົວ ຈຳນວນ 10 ລ້ານກີບ, ຮ້ານອາປິງ ຕົວແທນຈຳໜ່າຍ ໂທລະສັບຫົວເວີຍ ມອບຜ້າຫົ່ມ 175 ຜືນ, ໂສ້ງ 400 ຜືນ ລວມມູນຄ່າ 27 ລ້ານກີບ, ທ່ານ ອາໂກ ນັກທຸລະກິດຈີນ ມອບຜ້າຫົ່ມ 300 ຜືນ ມູນຄ່າ 19 ລ້ານກວ່າກີບ.

ພິທີມອບ-ຮັບ ເຄື່ອງຊ່ວຍເຫລືອດັ່ງກ່າວ ມີຂຶ້ນໃນວັນທີ 26 ມັງກອນນີ້, ໂດຍແມ່ນ ທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາພັກແຂວງ ເຈົ້າແຂວງໆຫົວພັນ ເປັນຜູ້ຮັບ ເຊິ່ງເຄື່ອງຈຳນວນດັ່ງກ່າວ ທີ່ຈະນຳໄປ ມອບໃຫ້ບັນດາ ເມືອງ, ບ້ານ ທີ່ຢູ່ເຂດຫ່າງໄກສອກຫລີກ ທີ່ຖືກ​ຜົນ​ກະທົບ, ປະສົບໄພໜາວດັ່ງກ່າວ. ນອກ​ນັ້ນ ຍັງ​ໄດ້​ຮັບ​ເຄື່ອງ​ຊ່ວຍ​ເຫລືອ ຈາ​ກບຸກຄົນ, ບັນດາຫ້າງ​ຮ້ານ ​ແລະ ບໍລິສັດ ອີກຈຳນວນ​ໜຶ່ງ.

ພ້ອມ ​ດຽວ​ກັນ​ນັ້ນ ພະ​ແນ​ກ​ແຮງ​ງານ ​ແລະ ສະຫວັດດີກາ​ນສັງຄົມ ​ແຂວງ​ຊຽງ​ຂວາງ ​ແລະ ​ແຂວງ ອື່ນໆ ​ໃນ​ຂອບ​ເຂດ​ທົ່ວ​ປະ​ເທດ ກໍ​ໄດ້​ນຳ​ເອົາ​ເຄື່ອງ​ນຸ່ງ​ຫົ່ມ ​ເປັນ​ຕົ້ນ​ເສື້ອ​ກັນ​ໜາວ, ສົ້ງ, ຜ້າພັນ​ຄໍ ​ໄປ​ມອບ​ໃຫ້​ປະຊາຊົນ ທີ່​ປະສົບ​ໄພ​ໜາວ​ເຊັ່ນ​ດຽວ​ກັນ ​ແລະ ຈະ​ສືບ​ຕໍ່​ປຸກລະດົມ ​ໃຫ້ບັນ​ດາ​ບໍລິສັດ ທັງ​ພາກ​ລັດ, ​ເອກະ​ຊົນ, ສຳນັກງານ​-ອົງການ ​ແລະ ຫ້າງ​ຮ້ານຕ່າງໆ ​ໃຫ້​ມີ​ສ່ວນ​ຮ່ວມ​ ໃນ​ການ​ປະກອບສ່ວນ ຊ່ວຍ​ເຫລືອ​ປະຊາ​ຊົນ ຜູ້​ທີ່​ປະສົບໄພ​ໜາວ ​ໃຫ້​ມີ​ຊີ​ວີ​ດ​ເປັນ​ຢູ່ດີ​ຂຶ້ນ.

ແຫລ່ງຂ່າວ: