Dropbox ແລະ Microsoft ໄດ້ປະກາດເປີດໂຕຄວາມສາມາດໃນການແກ້ໄຂໄຟລ Office Online ແບບອອນລາຍທີ່ຖືກເກັບໄວ້ເທິງ Dropbox ແລ້ວ. ດ້ວຍຄວາມສາມາດນີ້ເອງ ຈະສາມາດເຮັດໃຫ້ທີມງານທີ່ຢູ່ໃນທີມດຽວກັນກັບເຮົາສາມາດແກ້ໄຂແລະເພີ່ມຕື່ມ ໃສ່ໄຟລເອກກະສານໄດ້ໂດຍທີ່ບໍ່ຈຳເປັນຕ້ອງຖ້າໃຫ້ຄົນໜຶ່ງເຮັດແລ້ວແລະໃຫ້ຄົນຕໍ່ໄປເຮັດຕໍ່. ເຊິ່ງຖືໄດ້ວ່າເປັນຄວາມສາມາດໃໝ່ທີ່ສະດວກສະບາຍຫຼາຍກໍເວົ້າໄດ້ເພາະທຸກຄົນສາມາດແກ້ໄຂໄຟລເອກກະສານໄດ້ພ້ອມໆກັນ ເຮັດໃຫ້ສາມາດສົ່ງໄຟລເອກກະສານໄດ້ທັນເວລາອີກນຳ. ສຳລັບວິທີເຮັດນັ້ນ:
“ຈາກເວັບໄຊ dropbox.com, ເປີດແອັບ Microsoft Word, Excel, ຫຼື PowerPoint ຫຼືໄຟລໃດໆກໍໄດ້ໃນໂຟນເດີ້ທີ່ໃຊ້ຮ່ວມກັນ (Shared Folder) ທີ່ໃຊ້ກັບບໍລິການ Office Online. ຫຼັງຈາກນັ້ນເຈົ້າສາມາດແກ້ໄຂໄຟລເອກກະສານຮ່ວມກັນກັບສະມາຊິກຄົນອື່ນໆໃນ Shared Folder ຜ່ານບຣາວເຊີ້. ເຈົ້າຈະສາມາດເຫັນການປ່ຽນແປງໄຟລເອກກະສານທີ່ຄົນອື່ນເຮັດແລະສາມາດໃຫ້ຄວາມເຫັນໃນຂະນະແກ້ໄຂໄຟລດຽວກັນໄດ້. ທຸກໆການປ່ຽນແປງຈະຖືກບັນທຶກລົງ Dropbox ໂດຍອັດຕະໂນມັດ, ເຖິງວ່າເຈົ້າຈະປິດໄຟລນັ້ນໄປແລ້ວຄົນອື່ນໆກໍຍັງສາມາດແກ້ໄຂເອກກະສານໄດ້ຕໍ່ໄປ”
ທັງສອງບໍລິສັດຈະຍັງສາມາດເຮັດວຽກຮ່ວມກັນເພື່ອເຮັັດໃຫ້ການແບ່ງປັນໄຟລ Dropbox ງ່າຍຂຶ້ນເທິງ Outlook.com. ໃນໄວໆນີ້ເອງເຈົົ້າຈະສາມາດເລືອກໄຟລ Dropbox ໂດຍບໍ່ຕ້ອງກັງວົນກັບຂີດຈຳກັດໄຟລແນບອີກຕໍ່ໄປແລ້ວ, ແລະເຈົ້າຈະສາມາດເຂົ້າເຖິງໄຟລບໍ່ວ່າຈະຢູ່ເທິງໂຕະເຮັັດວຽກຫຼືຢູ່ຕາມຫົນທາງ ເພາະສາມາດແກ້ໄຂໄຟລອອນລາຍໄດ້ແລ້ວ, ແລະການປ່ຽນແປງສຳລັບ Outlook.com ຈະມາໃນອາທິດທີ່ຈະມາຮອດນີ້.
ທີ່ມາ: windowscentral,Dropbox