ແນ່ນອນວ່າຫຼັງຈາກອ່ານຫົວຂໍ້ຂ່າວແລ້ວຫຼາຍໆຄົນຄົງຈະບໍ່ຄຸ້ນເຄີຍກັບຊື່ແບຣນ Chuwi ຢ່າງແນ່ນອນ ເພາະເປັນແບຣນຈາກປະເທດຈີນ ທີ່ມື້ນີ້ໄດ້ເປີດເຜີຍເຖິງແທັບເລັດລະບົົບປະຕິບັດການ Windows 10 ນັ້ນກໍຄື Chuwi Hi12 ເຊິ່ງຈະເປີດໂຕຢ່າງເປັນທາງການໃນມື້ອື່ນນີ້ ຫຼື ວັນທີ 28 ເດືອນມັງກອນ. ເຊິ່ງສິ່ງທີ່ໜ້າສົນໃຈສຳລັບແທັບເລັດລຸ້ນດັ່ງກ່າວນັ້ນກໍຄືໃນສ່ວນຂອງສະເປັກແລະລາຄາທີ່ຖືວ່າສຸດກຸ້ມແລ້ວ. ເຮົາມາເບິ່ງສະເປັກຂອງ Chuwi Hi12 ເລີຍວ່າເປັນຕາສົນໃຈແນວໃດແດ່
ສຳລັບສະເປັກຂອງ Chuwi Hi12 ມີດັ່ງນີ້:
– ໜ້າຈໍຂະໜາດ 12 ນິ້ວ, ຄວາມລະອຽດ 2160 x 1440 (QHD)
– ໃຊ້ງານຊິບປະມວນຜົນ Cherry Trail Z8300 1.44GHz ຄວາມໄວສູງສຸດເຖິງ 1.84 GHz
– ໃຊ້ງານຊິບປະມວນຜົນກຣາບຟິກ Intel Gen8
– RAM 4GB
– ໜ່ວຍຄວາມຈຳພາຍໃນ 64 GB
– ກ້ອງຫຼັງ 5 ລ້ານພິກເຊວ ແລະ ກ້ອງໜ້າ 2 ລ້ານພິກເຊວ
– Bluetooth 4.0
– ພອຣດ USB 3.0 ແລະ ພອຣດ USB 2.0
– Wi-Fi 802.11b/g/n
– ແບັດເຕີຣີ 11000mAh
– Magnetic Docking Keyboard
ທັງໝົດນີ້ລາຄາພຽງແຕ່ $299 (2.430.000 ກີບ) ເບິ່ງຈາກສະເປັກແລະລາຄາແລ້ວຖືວ່າກຸ້ມຄ່າກໍເວົ້າໄດ້ເລີຍ ແລະອີກຢ່າງໜຶ່ງຄື Chuwi ບອກວ່າຍັງຈະນຳສະເໜີຄວາມສາມາດ dual-boot ໃນພາຍຫຼັງອີກນຳ ເຊິ່ງຈະເຮັດໃຫ້ Hi12 ສາມາດສະຫຼັບໃຊ້ງານໄປມາລະຫວ່າງ Windows 10 ແລະ Android 5.1 ໄດ້.
ທີ່ມາ:windowscentral