spot_img
Homeຂ່າວທ້ອງຖິ່ນຊຳເໜືອຕິດ -3 ອົງສາ ເກີດຫິມະຕົກແລ້ວ

ຊຳເໜືອຕິດ -3 ອົງສາ ເກີດຫິມະຕົກແລ້ວ

Published on

ອີງຕາມການລາຍງານຂອງສື່ ສັງຄົມອອນໄລນ໌ ເມື່ອວັນທີ 24 ມັງກອນ 2016 ນີ້ ໃຫ້ຮູ້ວ່າສະພາບອາກາດໜາວຢູ່ທາງແຂວງຫົວພັນ ກໍຄືບັນດາແຂວງທາງພາກເໜືອ ມີອາກາດໜາວຢ່າງຮ້າຍແຮງ ແລະອຸນຫະພູມຫຼຸດລົງຢ່າງໄວ ຈົນເຖິງຂັ້ນຫິມະຕົກເລີຍ.

ມື້ວານນີ້ເວລາ 13:00 ນາທີ (ວັນທີ 24 ມັງກອນ) ສະພາບອາກາດທີ່ລາຍງານເທິງໜ້າຈໍໂທລະສັບ ສະແດງໃຫ້ເຫັນວ່າອາກາດຢູ່ຫົວພັນໜາວເຢັນທີ່ສຸດໃນຮອບປີຄື ອຸນຫະພູມຢູ່ທີ່ -3 ອົງສາ (ລົບສາມອົງສາ) ສົ່ງຜົນໃຫ້ໃນເຂດດັ່ງກ່າວເກີດໝອກກະຈ່າຕົກ (ໝອກຂຸ້ນ) ຫຼືຫຼາຍຄົນເຂົ້າໃຈວ່າເປັນຫິມະຕົກລົງມາ.

12625806_713250242143905_1150567706_n

ຕໍ່ສະພາບອາກາດໜາວທີ່ເລິ່ມແຮງແຕ່ວັນທີ 23 ມັງກອນເປັນຕົ້ນມາ ນອກຈາກໄດ້ສ້າງຄວາມຫຍຸ້ງຍາກໃນການດຳລົງຊີວິດຂອງພໍ່ແມ່ປະຊາຊົນແລ້ວ ຍັງສົ່ງຜົນຢ່າງຮ້າຍແຮງຕໍ່ສັດລ້ຽງ ເຊັ່ນ ງົວ, ຄວາຍ, ໝູ, ໝາ, ເປັດ, ໄກ່… ລົ້ມຕາຍເປັນຈຳນວນຫຼວງຫຼາຍ, ໃນຂະນະທີ່ຫຼາຍຄົນຄາດວ່າຕົ້ນໄມ້ກິນໝາກທີ່ພໍ່ແມ່ປະຊາຊົນປູກກໍຈະຫ່ຽວແຫ້ງຕາຍຕື່ມອີກໃນບໍ່ດົນ.

12522985_834312943345664_8994057972867437857_n

ອີງຕາມການແຈ້ງເຕືອນຂອງກົມອຸຕຸນິຍົມ ແລະອຸທົກກະສາດ ກະຊວງຊັບພະຍາກອນທຳມະຊາດແລະສິ່ງແວດລ້ອມ ເມື່ອວັນທີ 22 ມັງກອນ ທີ່ຜ່ານມາ ໃຫ້ຮູ້ວ່າ ອາກາດຈະເລິ່ມໜາວແຮງຕັ້ງແຕ່ວັນທີ 23 ມັງກອນ ຈົນເຖິງວັນທີ 27 ມັງກອນ ເຊິ່ງຈະມີຝົນໃນລະດັບຄ່ອຍຫາປານກາງ ແລະມີລົມແຮງໃນບາງທ້ອງຖິ່ນ. ດັ່ງນັ້ນ, ຈຶ່ງຂໍໃຫ້ພໍ່ແມ່ປະຊາຊົນ ໄດ້ຮັກສາສຸຂະພາບຂອງຕົນໃຫ້ດີ ໂດຍສະເພາະແມ່ນເດັກນ້ອຍແລະຜູ້ເຖົ້າ ລວມທັງສັດລ້ຽງຕ່າງໆ ກໍຄວນຈະຕ້ອງໄດ້ເຂົ້າຢູ່ໃນບ່ອນຮົ່ມແລະມີຄວາມອົບອຸ່ນ ເພື່ອຫຼີກລ້ຽງຈາກການບາດເຈັບແລະລົ້ມຕາຍ.

12548904_834322636678028_598645746602386621_n
ບ້ານໜອງຄ້າງ
12642834_908348945900906_1346462594113716599_n
ບ້ານນາສາລາ

ແນວໃດກໍຕາມ, ທ່າມກາງດ້ານຄວາມເໜັບໜາວ ແລະສ້າງຜົນເສຍຫາຍແກ່ປະຊາຊົນ ກໍຍັງມີອີກດ້ານໜຶ່ງທີ່ສວຍງາມ ນັ້ນກໍຄືທະເລໝອກ ທີ່ເປັນວິວທິວທັດທີ່ສວຍງາມທີ່ສຸດ ໃນເວລາຂີ່ລົດຜ່ານຕາມເສັ້ນທາງຈະສາມາດເບິ່ງເຫັນວິວທີ່ສວຍງາມນັ້ນໄດ້.
12540974_833302233446735_2865558928432242615_n946170_834343606675931_8815619586259421867_n 12573094_834151020028523_3799800575622287746_n 12644938_834312913345667_3112119812537311855_n

12494991_834151053361853_5095056412875143736_n

ສຳນັກຂ່າວລາວໂພສຕ໌
ຮູບປະກອບຂ່າວຈາກເພຈ: ຄິດຮອດຊຳເໜືອ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...