Homeຂ່າວເຫດການຜູ້ແທນກອງປະຊຸມໃຫຍ່ຄັ້ງທີ X ຂອງພັກຢ້ຽມຊົມເຂດເສດຖະກິດສະເພາະບຶງທາດຫລວງ

ຜູ້ແທນກອງປະຊຸມໃຫຍ່ຄັ້ງທີ X ຂອງພັກຢ້ຽມຊົມເຂດເສດຖະກິດສະເພາະບຶງທາດຫລວງ

Published on

ໃນວັນທີ 21 ມັງກອນນີ້, ຄະນະຜູ້ແທນຈາກທ້ອງຖິ່ນຕ່າງໆໃນທົ່ວປະເທດທີ່ມາຮ່ວມກອງປະຊຸມໃຫຍ່ຄັ້ງທີ X ຂອງພັກ, ໄດ້ເຄື່ອນ ໄຫວຢ້ຽມຊົມເຂດພັດທະນາແລະໂຄງການທີ່ພົ້ນເດັ່ນຢູ່ນະຄອນຫລວງວຽງຈັນຄື: ໂຄງການພັດທະນາເຂດເສດຖະກິດສະເພາະບຶງທາດຫລວງຢູ່ເມືອງໄຊເສດຖາ ແລະສະຖານີຄວບຄຸມດາວທຽມພາກພື້ນດິນຢູ່ເມືອງຫາດຊາຍຟອງ.

ໃນໂອກາດນີ້, ຄະນະຜູ້ແທນໄດ້ຮັບຟັງການລາຍງານຫຍໍ້ກ່ຽວກັບສະພາບການພັດທະນາຈາກຄະນະຮັບຜິດຊອບຂອງແຕ່ລະໂຄງການເຊັ່ນ: ເຂດເສດຖະກິດສະເພາະບຶງທາດຫລວງແມ່ນໜຶ່ງໃນ 8 ເຂດ

ເສດຖະກິດສະເພາະທົ່ວປະເທດທີ່ໄດ້ເລີ່ມລົງພັດທະນາມາແຕ່ປີ 2011 ໃນເນື້ອທີ່ 365 ເຮັກຕາ, ເພື່ອສ້າງເປັນເຂດອຸດສະຫະກໍາ,ການຄ້າ ແລະ ການບໍລິການຕ່າງໆ, ມາຮອດປັດຈຸບັນການ​ກໍ່ສ້າງມີຄວາມຄືບໜ້າປະມານ 40% ແລະ ໄດ້ລົງທຶນພັດທະນາໄປແລ້ວຫລາຍກວ່າ 134 ລ້ານໂດລາສະຫະລັດ, ມີ 11 ບໍລິສັດໄດ້ເຂົ້າໄປລົງທຶນ, ໂດຍໄດ້ສໍາເລັດການກໍ່ສ້າງເສັ້ນທາງເຊື່ອມຕໍ່ຈາກທາງ T4 ແຕ່ສາມແຍກໄຟແດງໂພນທັນເຂົ້າຫາເຂດ, ສໍາເລັດການຂຸດໜອງນໍ້າໃຫຍ່,ກໍ່ສ້າງຫ້ອງການສໍານັກງານ, ຫໍພັກພະນັກງານແລະພວມເລັ່ງດໍາເນີນການສ້າງຕຶກອາຄານສູງ 18 ຊັ້ນຈໍານວນ 12ຫລັງທີ່ມີມູນຄ່າຫລາຍກວ່າ 174 ລ້ານໂດລາສະຫະລັດ, ສ້າງວຽກເຮັດງານທໍາໃຫ້ປະຊາຊົນໄດ້ຫລາຍຮ້ອຍຄົນ, ໄດ້ມອບອາກອນ ແລະ ຄ່າທໍານຽມຕ່າງໆໃຫ້ລັດຖະບານແລ້ວຫລາຍກວ່າ 60 ລ້ານໂດລາສະຫະລັດ.

ສ່ວນໂຄງການດາວທຽມລາວ, ແມ່ນໄດ້ສົ່ງຂຶ້ນສູ່ວົງໂຄຈອນໂລກໃນວັນທີ 21 ພະຈິກ 2015 ດ້ວຍຜົນສໍາເລັດຈົບງາມທີ່ສະຖານີສົ່ງດາວທຽມເມືອງຊີຊາງ, ແຂວງຊີສວນ ສປ ຈີນ ເພື່ອຕ້ອນຮັບການສະເຫລີມສະຫລອງວັນສະຖາປານາສາທາລະນະລັດປະຊາທິປະໄຕປະຊາຊົນລາວຄົບຮອບ 40 ປີ, ນອກຈາກນີ້ຍັງແມ່ນໝາກຜົນຂອງການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະ ຊາຊົນສອງຊາດລາວ-ຈີນ. ດາວທຽມດັ່ງກ່າວມີສະຖານີຄວບຄຸມບັນຊາພາກພື້ນດິນຢູ່ຫລັກ 14 ເມືອງຫາດຊາຍຟອງ, ມີ 22 ຊ່ອງສັນຍານ ແລະກວມເອົາ 15 ປະເທດອ້ອມຂ້າງ, ຊຶ່ງຸຈະຖືກນໍາໃຊ້ເຂົ້າໃນວຽກງານສື່ສານຂອງພາກລັດ ແລະບໍລິການສັງຄົມກໍຄືການໃຫ້ບໍລິການເຊົ່າຊ່ອງສັນຍານແກ່ຕ່າງປະເທດເຊັ່ນ: ການບໍລິການຜ່ານດາວທຽມວຽກງານສື່ສານໃນເຂດຊົນນະບົດ, ໂທລະພາບຜ່ານດາວທຽມ, ການສຶກສາ, ການແພດທາງໄກແລະວຽກງານຟື້ນຟູໄພພິບັດຕ່າງໆ, ໂດຍມີໄລຍະການນໍາໃຊ້ງານ​ເປັນ​ເວລາ15 ປີ.

ແຫ່ລງຂ່າວ

ລພນ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...