ວັນທີ 21 ມັງກອນນີ້ ທີ່ຫໍປະຊຸມແຫ່ງຊາດ ນະຄອນ ຫຼວງຮ່າໂນ້ຍ ແຫ່ງ ສສ ຫວຽດນາມ, ສະຫາຍ ເຈືອງເຕິນຊາງ ປະທານປະເທດຫວຽດນາມ ໄດ້ເປັນປະທານກ່າວເປີດກອງ ປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກກອມມູນິດ ຫວຽດນາມ ຂຶ້ນຢ່າງເປັນທາງ ການ, ໂດຍການເປັນກຽດເຂົ້າ ຮ່ວມຂອງ ສະຫາຍ ຫງວຽນ ຝູຈ້ອງ ເລຂາທິການໃຫຍ່ພັກ ກອມມູນິດ ຫວຽດນາມ, ສະ ຫາຍ ເຈືອງເຕິນຊາງ ປະທານ ປະເທດ, ສະຫາຍ ຫງວຽນ ເຕິນຢຸງ ນາຍົກລັດຖະມົນຕີ, ສະຫາຍ ຫງວຽນຊິງຮຸ່ງ ປະ ທານສະພາແຫ່ງຊາດຫວຽດ ນາມ ພ້ອມດ້ວຍອະດີດການ ນຳພັກ-ລັດຂັ້ນສູງ, ກຳລັງປະ ກອບອາວຸດ,  ຕາງໜ້າອົງການ ຈັດຕັ້ງມະຫາຊົນ ພ້ອມດ້ວຍ ອຳນາດການປົກຄອງນະຄອນ ຫຼວງຮ່າໂນ້ຍ. ນອກນັ້ນຍັງມີ ບັນດາທູຕານຸທູດ ປະຈຳ ຮ່າ ໂນ້ຍ ແລະ ອົງການຈັດຕັ້ງສາ ກົນເຂົ້າຮ່ວມຢ່າງຫຼວງຫຼາຍ.
ກອງປະຊຸມຄັ້ງນີ້ ມີຄະ ນະຜູ້ແທນສົມບູນເຂົ້າຮ່ວມຈຳ ນວນ 1.510 ສະຫາຍທີ່ຕາງ ໜ້າໃຫ້ສະມາຊິກພັກໃນທົ່ວ ປະເທດທັງໝົດ 4,5 ລ້ານຄົນ. ໃນກອງປະຊຸມ, ທ່ານ ຫງວຽນ ຝູຈ້ອງ ເລຂາທິການໃຫຍ່ພັກ ກອມມູນິດຫວຽດນາມ ໄດ້ຜ່ານບົດລາຍງານການເມືອງ ແລະ ຕີລາຄາຄືນການຈັດຕັ້ງປະຕິ ບັດ ມະຕິກອງປະຊຸມໃຫຍ່ ຄັ້ງ ທີ XI ຂອງພັກ, ການປ່ຽນແປງ ໃໝ່ໄລຍະ 30 ປີ ແລະ ມາດຕະ ການໃນການພັດທະນາປະເທດ ຊາດ, ການສ້າງສາ ແລະ ປົກ ປັກຮັກສາປະເທດຊາດໃນ 5 ປີຂ້າງໜ້າ.
ຫົວຂໍ້ຂອງກອງປະຊຸມ ແມ່ນ “ເພີ່ມທະວີວຽກງານກໍ່ ສ້າງພັກໃຫ້ເຂັ້ມແຂງ, ໂປ່ງໃສ, ເສີມຂະຫຍາຍກຳລັງແຮງທົ່ວ ປວງຊົນ ແລະ ປະຊາທິປະໄຕ ສັງຄົມນິຍົມ, ຊຸກຍູ້ຄວາມເຂັ້ມ ແຂງຮອບດ້ານ, ເປັນເອກະ ພາບວຽກງານປ່ຽນແປງໃໝ່; ປົກປັກຮັກສາປະເທດຊາດໃຫ້ ໝັ້ນຄົງ, ປົກປັກຮັກສາສະພາບ ແວດລ້ອມແຫ່ງສັນຕິພາບ, ຍືນຍົງ, ສູ້ຊົນນຳພາປະເທດ ຊາດກາຍເປັນປະເທດອຸດສາ ຫະກຳ ແລະ ທັນສະໄໝໂດຍ ພື້ນຖານ”.
ນອກຈາກນີ້ ກອງປະຊຸມ ຈະມີການປຶກສາຫາລື ແລະ ຜ່ານຖະແຫຼງການຕ່າງໆທີ່ສຳ ຄັນເຊັ່ນ: ລາຍງານການເມືອງ ຂອງຄະນະບໍລິຫານງານສູນ ກາງພັກ ສະໄໝທີ XI; ສະຫຼຸຸບ ຄືນຜົນງານການປະຕິບັດໜ້າທີ່ ໃນການພັດທະນາເສດຖະກິດ- ສັງຄົມ 5 ປີ (2011-2015) ທີ່ ສາມາດບັນລຸໄດ້ ໂດຍສະ ເພາະພື້ນຖານເສດຖະກິດມີ ການພັດທະນາຢ່າງຕໍ່ເນື່ອງ, ການເມືອງມີຄວາມໝັ້ນຄົງ, ສັງຄົມມີຄວາມສະຫງົບປອດ ໄພ. ຂະນະດຽວກັນ ກໍໄດ້ວາງ ທິດທາງໜ້າທີ່ແຜນການພັດ ທະນາເສດຖະກິດ-ສັງຄົມ 5 ປີ (2016-2020), ຮອດປີ 2020 ເຮັດໃຫ້ຫວຽດນາມ ກາຍເປັນ ປະເທດອຸດສາຫະກຳ ແລະ ທັນສະໄໝ, ປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາ ທິປະໄຕ, ຍຸຕິທຳ ແລະ ສີວິໄລ.

ແຫ່ລງຂ່າວ