spot_img
Homeຂ່າວເຫດການອົງການໄອຍະການຍົກສູງ ຄຸນນະພາບການຕິດຕາມ ກວດກາ ປະຕິບັດກົດໝາຍ

ອົງການໄອຍະການຍົກສູງ ຄຸນນະພາບການຕິດຕາມ ກວດກາ ປະຕິບັດກົດໝາຍ

Published on

ສະຫາຍ ຄຳສານ ສຸວົງ ກຳມະການ ສູນກາງພັກ ເລຂາຄະນະ ບໍລິຫານງານພັກ ປະທານ ອົງການໄອຍະການປະຊາ ຊົນສູງສຸດ ໄດ້ປະກອບ ຄຳເຫັນກ່ຽວກັບການຍົກ ສູງຄຸນນະພາບການຕິດ ຕາມກວດກາ ການປະຕິບັດກົດໝາຍ ແລະສັ່ງຟ້ອງ ຜູ້ຖືກຫາຂັ້ນສານ ຕາມກົດໝາຍຕໍ່ກອງປະຊຸມໃຫຍ່ ຄັ້ງທີ X ຂອງພັກປະຊາຊົນ ປະຕິວັດລາວ ເມື່ອວັນ ທີ 19 ມັງກອນຜ່ານມາ ຊຶ່ງໄດ້ກ່າວວ່າ: ອົງການໄອ ຍະການປະຊາຊົນ ໄດ້ເປັນເຈົ້າການໃນການຕິດຕາມ ກວດກາ ການປະຕິບັດກົດໝາຍໃນ 5 ຂົງເຂດຕົ້ນຕໍ ຄື: ຕິດຕາມກວດກາ ການເຄົາລົບ ແລະ ການປະ ຕິບັດກົດໝາຍ ຂອງສຳນັກງານອົງການລັດ, ອົງການ ຈັດຕັ້ງມະຫາຊົນ, ອົງການຈັດຕັ້ງສັງຄົມ, ວິສາຫະ ກິດ ແລະ ພົນລະເມືອງ, ຕິດຕາມກວດກາ ການປະ ຕິບັດກົດໝາຍຂອງ ອົງການສືບສວນ ສອບສວນ ແລະ ສັ່ງຟ້ອງຄະດີຂຶ້ນສານ ຄືການດຳເນີນຄະດີຢູ່ສານ, ການກວດກາການ ຈັດຕັ້ງ ປະຕິບັດຄຳຕັດສິນຂອງສານ ແລະ ຕິດຕາມ ກວດກາ ການປະຕິບັດກົດໝາຍຢູ່ຄ້າຍ ຄຸມຂັງດັດສ້າງ.
ຜ່ານການຈັດຕັ້ງປະຕິບັດ ໃນ 5 ປີຜ່ານມາ ອົງການໄອ ຍະການປະຊາຊົນ ໄດ້ຮັບສຳ ນວນຄະດີອາຍາ ແລະ ແພ່ງ ຂັ້ນຕົ້ນທັງໝົດ 30.067 ເລື່ອງ ໃນນັ້ນ ແກ້ໄຂແລ້ວ 29.746 ເລື່ອງ, ໄດ້ຄັດຄ້ານຄຳຕັດສິນ ແລະ ຄຳພິພາກສາຂອງສານ ທັງໝົດ 96 ເລື່ອງ. ໄປຄຽງຄູ່ ກັນນັ້ນ ອົງການໄອຍະການປະ ຊາຊົນຂັ້ນຕ່າງໆ ໄດ້ເອົາໃຈ ໃສ່ໃນການຈັດຕັ້ງປະຕິບັດຄຳ ຕັດສິນຂອງສານ ທີ່ໃຊ້ໄດ້ເດັດ ຂາດແລ້ວ ຊຶ່ງເຫັນໄດ້ວ່າໃນ ດ້ານພື້ນຖານການຈັດຕັ້ງປະ ຕິບັດຄຳຕັດສິນຂອງສານ ແມ່ນ ເປັນໄປຕາມຂັ້ນຕອນ, ລະ ບຽບການ, ມີຄວາມຖືກຕ້ອງ ສອດຄ່ອງ ແລະ ມີຄວາມສັກ ສິດ. ໃນໄລຍະ 5 ປີຜ່ານມາ ຄະດີທີ່ສານຂັ້ນຕົ້ນຕັດສິນ ແລ້ວ ແຕ່ຄູ່ຄວາມຂໍອຸທອນໄປ ຍັງສານອຸທອນ ເທົ່າກັບ 28,8% ຂອງຈຳນວນຄະດີຂັ້ນ ຕົ້ນທັງໝົດ, ສານຂັ້ນອຸທອນ ພິພາກສາແລ້ວ ແຕ່ຄູ່ຄວາມຂໍ ລົບລ້າງຂັ້ນສານ ເທົ່າກັບ 18,10% ຂອງຈຳນວນຄະດີອຸ ທອນທັງໝົດ, ສານຂັ້ນລົບລ້າງ ພິພາກສາແລ້ວ ແຕ່ຄູ່ຄວາມຂໍ ຮື້ຟື້ນມີ 814 ເລື່ອງ, ໃນນັ້ນຄູ່ ຄວາມບໍ່ພໍໃຈ ຍັງຮ້ອງຟ້ອງຂໍ ຄວາມເປັນທຳຈາກສະພາແຫ່ງ ຊາດມີ 357 ເລື່ອງ. ໃນນີ້ ອົງ ການໄອຍະການປະຊາຊົນ ໄດ້ ກວດກາຄືນຄຳພິພາກສາຂອງ  ສານປະຊາຊົນສູງສຸດທັງໝົດ 332 ເລື່ອງ ແລະ ຕົກລົງຮື້ຟື້ນ ຄະດີຄືນໃໝ່ຈຳນວນ 89 ເລື່ອງ. ການຕິດຕາມກວດກາ ປະຕິບັດກົດໝາຍຢູ່ຄ້າຍຄຸມ ຂັງດັດສ້າງ ໂດຍປະສານສົມ ທົບກັບແຕ່ລະຄ້າຍຄຸມຂັງດັດ ສ້າງ ເພື່ອແນະນຳແກ້ໄຂກໍລະ ນີຕ່າງໆ ທີ່ລະເມີດກົດໝາຍ ຢ່າງເປັນເຈົ້າການ ແລະ ແນະ ນຳການປະຕິບັດນະໂຍບາຍ ມະນຸດສະທຳຂອງພັກ-ລັດ ຖື ເອົາການລົງໂທດ ສົມທົບການ ສຶກສາອົບຮົມເອົາການສຶກສາ ອົບຮົມ ສົມທົບການປະຕິບັດ ນະໂຍບາຍອະໄພຍະໂທດສຳ ລັບຜູ້ມີຄວາມກ້າວໜ້າ ໃນ ການດັດສ້າງຕົນເອງ. ໃນ 5 ປີ ຜ່ານມາໄດ້ອະໄພຍະໂທດ, ປ່ອຍຕົວ, ຜ່ອນໂທດ ໃຫ້ແກ່ ນັກໂທດຜູ້ມີຄວາມກ້າວໜ້າ ໃນວັນຊາດທີ 2 ທັນວາຂອງ ແຕ່ລະປີ ໄດ້ທັງໝົດ 3.072 ຄົນ, ຍິງ 791 ຄົນ. ໃນນັ້ນ ອະ ໄພຍະໂທດປ່ອຍຕົວມີ 750 ຄົນ, ອະໄພຍະໂທດຜ່ອນໂທດ ມີ 3.222 ຄົນ.
ທັງໝົດນັ້ນ ແມ່ນສະແດງ ໃຫ້ເຫັນວ່າຄຸນນະພາບການ ກວດກາຕິດຕາມການປະຕິ ບັດກົດໝາຍ ແລະ ການສັ່ງ ຟ້ອງຄະດີຂອງອົງການໄອຍະ ການປະຊາຊົນຂັ້ນຕ່າງໆ ໄດ້ ຮັບການປັບປຸງຍົກລະດັບເປັນ ກ້າວໆ ແລະ ໂດຍພື້ນຖານ ແມ່ນຮັບປະກັນຄວາມຖືກ ຕ້ອງຍຸຕິທຳ.

ແຫ່ລງຂ່າວ

ປຊຊ

ບົດຄວາມຫຼ້າສຸດ

ພະຍາກອນອາກາດ ແຕ່ເວລາ 07 ໂມງ ຂອງວັນທີ 28/03/2025 ຫາ ເວລາ 07 ໂມງ ຂອງວັນທີ 29/03/2025

ກົມອຸຕຸແຈ້ງເຕືອນສະພາບອາກາດ 28/3/25 ພາກເໜືອຈະມີອາກາດຮ້ອນ-ຮ້ອນເອົ້າ ສ່ວນພາກກາງມີເນື້ອທີ່ຝົນປົກຫຸ້ມ 50%. ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກ ຂອງປະເທດລາວ ດ້ວຍກໍາລັງອ່ອນ ຫາປານກາງ, ສົມທົບກັບກະແສລົມ ຕາເວັນຕົກພັດປົກຄຸມ, ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນ ພ້ອມມີ ໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ລະພາກ...

ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ

ເພື່ອຍົກລະດັບການຂົນສົ່ງ ຂອງ ສປປ ລາວ ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ. ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ ເພື່ອຍົກລະດັບການຂົນສົ່ງ ຂອງ ສປປ ລາວ ຮອງຮັບການນໍາເຂົ້າ - ສົ່ງອອກ, ສົ່ງອອກຕໍ່ ແລະ ຜ່ານແດນ...

ພະຍາກອນອາກາດ ປະຈໍາວັນທີ 27 ມີນາ 2025, ເວລາ 12 ໂມງ 00

ຮ້ອນຈັດອາກາດຕອນສວາຍ ພາກເໜືອມີອຸນຫະພູມສູງສຸດ 40 ອົງສາ ສ່ວນພາກໃຕ້ມີເນື້ອທີ່ຝົນປົກຫຸ້ມ 50% ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກພັດປົກຄຸມ, ຊຶ່ງຈະເຮັດໃຫ້ ອາກາດຍັງສືບຕໍ່ຮ້ອນ ພ້ອມມີຫມອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ ລະພາກ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ...

ເກົາຫຼີໃຕ້ປະເຊີນກັບໄຟປ່າຄັ້ງທີ່ຮ້າຍແຮງທີ່ສຸດ ຫຼ້າສຸດເສຍຊີວິດແລ້ວ 24 ຄົນ

ສະຖານະການໄຟປ່າທາງພາກຕາເວັນອອກສຽງໃຕ້ ລຸກລາມຢ່າງໄວວາ ຫຼ້າສຸດເສຍຊີວິດທັງໝົດ 24 ຄົນ ແລະ ບາດເຈັບອີກຫຼາຍຄົນ. ສຳນັກຂ່າວຕ່າງປະເທດລາຍງານໃນວັນທີ 27 ມີນາ 2025 ກ່ຽວກັບສະຖານະການໄຟປ່າຄັ້ງຮ້າຍແຮງທີ່ສຸດໃນພາກຕາເວັນອອກສຽງໃຕ້ຂອງເກົາຫຼີໃຕ້ ທີ່ຍັງຄົງລຸກລາມເຜົາວັດເກົ່າແກ່ ແລະ ໄໝ້ອາຄານມໍລະດົກໂລກ...