ບໍລິສັດບີທີພີຂອງອິຕາລີລາຍງານວ່າ ໄດ້ເຮັດສັນຍາໃນເບື້ອງຕົ້ນກັບອີຣານເພື່ອກໍ່ສ້າງໂຮງໝໍ 5 ແຫ່ງ ຫຼັງຈາກນານາຊາດຍົກເລີກມາດຕະການລົງໂທດທີ່ມີຕໍ່ອີຮານຕາມຂໍ້ຕົກລົງໂຄງການນິວເຄລຍໃນປີທີ່ຜ່ານມາ.
ບໍລິສັດເປສຊິນາ ຄອສຕຣູຊິໂອນີ (ບີທີພີ) ຈະກໍ່ສ້າງໂຮງໝໍ 3 ແຫ່ງທຳອິດຊຶ່ງມີຕຽງຈຳນວນ 1 ພັນຕຽງໃນນະຄອນຫຼວງເຕຫະຣານ ສ່ວນໂຮງໝໍອີກ 2 ແຫ່ງທີ່ມີ 500 ຕຽງຈະກໍ່ສ້າງໃນເມືອງຣັຊ ແລະ ເມືອງນິຊາປູ ພາກ ທຸລະກິດອິຕາລີມີຄວາມຫວັງກັນຫຼາຍຂຶ້ນຫຼັງຈາກຍົກເລີກມາດຕະການລົງໂທດຕໍ່ອີຣານໃນທ້າຍອາທິດທີ່ຜ່ານມາ ຫຼັງຈາກຂໍ້ຕົກລົງນິວເຄລຍມີຜົນບັງຄັບໃຊ້, ກ່ອນໜ້ານີ້ ທ່ານ ຄາໂລກາເລນດາ ລັດຖະມົນຕີຊ່ວຍວ່າການກະຊວງພັດທະນາເສດຖະກິດເປັນຜູ້ນຳຕົວແທນພາກທຸລະກິດລາຍໃຫຍ່ຂອງອິຕາລີປະກອບດ້ວຍບໍລິສັດ 178 ຄົນ ສະມາຄົມທຸລະກິດ 20 ຄົນ ແລະ ກຸ່ມສະຖາບັນການເງິນ 12 ຄົນ ເດີນທາງຢ້ຽມຢາມອີຣານໃນເດືອນພະຈິກປີທີ່ຜ່ານມາ.
ທ່ານ ນາງເຟເດຣິກາ ກຸຍດີ ລັດຖະມົນຕີຊ່ວຍວ່າການກະຊວງພັດທະນາເສດຖະກິດອິຕາລີກ່າວວ່າ ອິຕາລີເປັນປະເທດຮຸ້ນສ່ວນທາງເສດຖະກິດ ແລະ ການຄ້າລາຍໃຫຍ່ຂອງອີຣານມາຕັ້ງແຕ່ກ່ອນມີການລົງໂທດ ໂດຍມູນຄ່າການຄ້າທະວີພາຄີໃນເວລານັ້ນປະມານ 7,7 ຕື້ໂດລາ (ຕາມຂ່າວຕ່າງປະເທດ).
ທີ່ມາ: