spot_img
Homeຂ່າວທ້ອງຖິ່ນປະທານ ອພສ ປະຕິບັດສາສະນະກິດ ທີ່ຫຼວງພະບາງ

ປະທານ ອພສ ປະຕິບັດສາສະນະກິດ ທີ່ຫຼວງພະບາງ

Published on

ພຣະອາຈານໃຫຍ່ ມະຫາງອນ ດຳຣົງບຸນ ປະທານສູນກາງ ອພສ ປະຕິບັດສາສະນະກິດ ທີ່ແຂວງຫຼວງພະບາງ

12508890_444086699130590_699293060493608605_n

ການປະຕິບັດສາສະນະກິດທີ່ແຂວງຫລວງພຣະບາງ ຂອງພຣະອາຈານໃຫຍ່ ມະຫາງອນ ດຳຣົງບຸນ ປະທານສູນກາງ ອພສ. ລະຫ່າງວັນທີ 18-20/01/2016,  ກ່ອນເດີນທາງກັບຄືນນະຄອນຫລວງວຽງຈັນ ວັນທີ 20/01/2016 ພຣະອາຈານໃຫຍ່ ໄດ້ເດີນທາງໄປຂາບຄາຣະວະພຣະບາງພຸດທະລາວັນ ທີ່ຫໍພຣະບາງໃນພຣະບໍຣົມມະຫາຣາຊວັງ, ເດີນທາງໄປຂາບຄາຣະວະ ພຣະມ່ານ ທີວັດຊຽງທອງ ແລະ ໄປຢ້ຽມຊົມ ວັດສັງຄະໂລກ ທີ່ພຣະເຈົ້າມະຫາຊີວິດ ໂພທິສາຣະຣາຊ ຊົງສ້າງຂຶ້ນໃສ່ສະຖານທີ່ຫໍຜີຫລວງ ເພື່ອປະກາດຍົກເລີກໃນການນັບຖືຜີຫໍ ຜີໂຮງ…ຫລັງຈາກນັ້ນກໍ່ໄດ້ເດີນທາງກັບນະຄອນຫລວງວຽງຈັນ ໂດຍມີປະທານ ອພສ. ແຂວງຫລວງພຣະບາງພ້ອມດ້ວຍຄະນະ ແລະ ແນວລາວສ້າງຊາດແຂວງຫລວງພຣະບາງພ້ອມດ້ວຍຄະນະ ນຳສົ່ງເຖິງສະໜາມບິນ ແລະເດີນທາງກັບດ້ວຍການບິນລາວ ໂດຍສະຫວັດດີພາບ,

ສູນກາງ ອພສ. ຂໍຂອບໃຈເປັນຢ່າງສູງມາຍັງ ປະທານ ອພສ.ແຂວງຫລວງພຣະບາງພ້ອມດ້ວຍຄະນະ ແນວລາວສ້າງຊາດແຂວງຫລວງພຣະບາງ ອົງການຈັດຕັ້ງທຸກພາກສ່ວນ ຕລອດເຖິງຍາດໂຍມຊາວແຂວງຫລວງພຣະບາງ ທີ່ໄດ້ໃຫ້ການຕ້ອນຮັບພຣະອາຈານໃຫຍ່ ພ້ອມດ້ວຍຄະນະຜູ້ຕິດຕາມ ດ້ວຍຄວາມອົບອຸ່ນ ຕລອດໄລຍະເວລາທີ່ປະຕິບັດສາສະນະກິດໃນຄັ້ງນີ້.

ສາສະນະກິດສຳຄັນ ໃນຄັ້ງນີ້ ປະກອບມີ:

19/01/2016 ພຣະອາຈານໃຫຍ່ ມະຫາງອນ ດຳຣົງບຸນ ປະທານສູນກາງ ອພສ. ໄດ້ເມດຕາເປັນປະທານໃນພິທີເຖຣາພິເສກ (ຫົດສົງ) ສະຫລອງສະມະນະສັກ ພຣະອັກຄະມະຫາສັດທຳມະໂຊຕິກະທະຊະ ທີ່ລັດຖະບານປະເທດມຽນມາຖວາຍແກ່ ສາທຸໃຫຍ່ບຸນທັນ ປຸນຍະກາມະເຖຣະ ທີ່ປຶກສາ ອພສ. ແຂວງຫລວງພຣະບາງ ເຈົ້າອະທິການ ວັດປ່າໂພນເພົາ ວະນາຣາມ ເມືອງຫລວງພຣະບາງ ແຂວງຫລວງພຣະບາງ.

ໃນວັນດຽວກັນ ພຣະອາຈານໃຫຍ່ ມະຫາງອນ ດຳຣົງບຸນ ປະທານສູນກາງ ອພສ. ໄດ້ເມດຕາໄປຢ້ຽມຢາມ ສຳນັກຮຽນ ວັດຜາໂອ ເມືອງຫລວງພຣະບາງ ແຂວງຫລວງພຣະບາງ, ສາທຸໃຫຍ່ອ່ອນແກ້ວ ກິດຕິພັດໂທ ປະທານ ອພສ. ແຂວງ, ເຈົ້າສຳນັກຮຽນ ພ້ອມດ້ວຍພຣະສົງສາມະເນນ ໄດ້ຖວາຍການຕ້ອນຮັບຢ່າງອົບອຸ່ນ ພ້ອມດຽວກັນນີ້ ພຣະອາຈານໃຫຍ່ ໄດ້ຖວາຍເງິນສ່ວນຕົວຈຳນວນ 5,000,000 ກີບ ເພື່ອອຸປະຖຳສຳນັກຮຽນດັ່ງກ່າວ, ຫລັງຈາກນັ້ນ ພຣະອາຈານໃຫຍ່ ໄດ້ເດີນທາງໄປຢ້ຽມຢາມ ວັດພູຄວາຍ ເມືອງແລະແຂວງຫລວງພຣະບາງ ຢ້ຽມຊົມສະຖານທີ່ ທີ່ຈະສ້າງໂຮງຮຽນສົງ ແຫ່ງໃໝ່ ແລະ ຕຽມຈະເປີດການຝຶກປະຕິບັດກຳມະຖານ ລະຫວ່າງ 25-31/01/2016 ນີ້, ສາທຸໃຫຍ່ຈັນທະຣິນ ຈິນນະທັມໂມ ຮອງປະທານ ອພສ. ແຂວງ ເຈົ້າອະທິການວັດ ໄດ້ຖວາຍການຕ້ອນຮັບຢ່າງອົບອຸ່ນ.

12512536_444086732463920_4441624107265826321_n

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...