ຫຼ້າສຸດນີ້ CEO ຂອງ Telegram ໄດ້ຢືນຢັນກັບຜູ້ໃຊ້ຜ່ານທາງ Twitter ວ່າພວກເຂົາກຳລັງວາງແຜນທີ່ຈະເຮັດ Universal Windows App ແລ້ວ. ເຊິ່ງເປັນຂ່າວດີຫຼາຍສຳລັບແຟນໆ Windows ເພາະຕອນນີ້ແອັບ Telegram ມີສະເພາະເທິງ Windows Mobile ເທົ່ານັ້ນ ຖ້າຫາກວ່າໄວໆນີ້ຈະສາມາດໃຊ້ງານເທິງ Windows 10 PC ກໍຄົງເປັນສິ່ງທີ່ດີຫຼາຍ.
ສຳລັບໃຜທີ່ບໍ່ຮູ້ວ່າແອັບພິເຄຊັ່ນ Telegram ນັ້ນມີໄວ້ເຮັດຫຍັງເຮົາມາຖືໂອກາດນີ້ທຳຄວາມຮູ້ຈັກນຳກັນເລີຍຄື: ເປັນແອັບພິເຄຊັ່ນທີ່ໄວ້ສຳລັບແຊັດທົ່ວໄປແຕ່ສາມາດສ້າງກຸ່ມແຊັດດ້ວຍສະມາຊິກໄດ້ຫຼາຍເຖິງ 200 ຄົນ (ສາມາດສ້າງໄດ້ສູງສຸດເຖິງ 1000 ຄົນ) ເພື່ອທີ່ຈະໄດ້ຕິດຕໍ່ສື່ສານກັບໝູ່ຄູ່ໃນຮອບດຽວຫຼາຍໆຄົນ, ສາມາດແບ່ງປັນວີດີໂອໄດ້ຫຼາຍເຖິງ 1GB, ສາມາດສົ່ງຮູບຫຼາຍໆຮູບຈາກເວັບ ແລະສົ່ງຕໍ່ໄຟລສື່ທີີ່ໄດ້ຮັບໄດ້ໃນທັນທີ. ສຳລັບຂໍ້ຄວາມທັງໝົດນັັ້ນຈະຖືກບັນທຶກໄວ້ເທິງບໍລິການອອນໄລ ເຊິ່ງສາມາດກູ້ຄືນຂໍ້ຄວາມໄດ້ງ່າຍບໍ່ວ່າຈະໃຊ້ຢູ່ເຄື່ອງໃດກໍຕາມ. ແອັບພິເຄຊັ່ນດັ່ງກ່າວນີ້ສາມາດຕອບໂຈດໃຫ້ກັບຜູູ້ທີ່ມັກສ້າງກຸ່ມສົ່ງຮູບສົ່ງຄຣິບໃຫ້ກັນໄດ້ເປັນຢ່າງດີເລີຍ (ເຖິງວ່າຕອນນີ້ຈະບໍ່ເປັນທີ່ນິຍົມກັນຫຼາຍໃນກຸ່ມຄົນລາວກໍຕາມ)
ໃຜທີ່ສົນໃຈຢາກລອງໃຊ້ກໍສາມາດດາວໂຫຼດໄດ້ຕາມລິ້ງດ້ານລຸ່ມນີ້ເລີຍ
ທີ່ມາ:winnation