ບາງຕອນສຳຄັນຂອງບົດປະກອບຄຳເຫັນຂອງ ສະຫາຍ ພົນໂທ ຈັນສະໝອນ ຈັນຍາລາດ ກຳມະການສູນກາງພັກຮອງເລຂາຄະນະພັກກະຊວງປ້ອງ ກັນປະເທດ ຕໍ່ກອງປະຊຸມໃຫຍ່ ຄັ້ງທີ X ຂອງພັກ, 18/1/2016
ກອງທັບປະຊາຊົນລາວ ພາຍ ໃຕ້ການນຳພາເດັດຂາດ, ໂດຍກົງ ແລະ ຮອບດ້ານຂອງພັກ, ເປັນເຄື່ອງມືອັນ ແຫຼມຄົມ ແລະ ໄວ້ໃຈໄດ້ຂອງພັກ, ເປັນເສົາຄ້ຳອັນແໜ້ນແກ່ນ ໃຫ້ແກ່ພາ ລະກິດປົກປັກຮັກສາປະເທດຊາດ, ປົກ ປັກຮັກສາລະບອບໃໝ່ ປະຊາທິປະໄຕ ປະຊາຊົນ, ໃນ 5 ປີຜ່ານມາ ກອງທັບ ເຮົາ ໄດ້ພ້ອມກັບປະຊາຊົນລາວບັນດາເຜົ່າຈັດຕັ້ງ ປະຕິບັດມະຕິກອງປະຊຸມ ໃຫຍ່ ຄັ້ງທີ IX ຂອງພັກ ໃນຂົງ ເຂດວຽກງານ ປກຊ-ປກສ ຢ່າງ ຕັ້ງໜ້າ, ຍາດໄດ້ຜົນສຳເລັດ ໃນຫຼາຍດ້ານສະແດງອອກຄື ດັ່ງນີ້:
1. ໄດ້ສຸມໃສ່ປະຕິບັດໜ້າທີ່ປັບປຸງ,
ກໍ່ສ້າງກຳລັງປະກອບອາວຸດ ປະຊາຊົນ ໃຫ້ມີຄວາມໜັກ ແໜ້ນດ້ານການເມືອງ, ແນວ ຄິດ, ເຂັ້ມແຂງດ້ານການຈັດ ຕັ້ງ, ໂດຍເອົາຄຸນທາດ ການ ເມືອງເປັນອັນຕົ້ນຕໍກ່ອນໝູ່ ຕິດພັນການ ເຄື່ອນໄຫວປະ ຕິບັດໜ້າທີ່ປ້ອງກັນຊາດ, ປ້ອງກັນຄວາມສະຫງົບ ເຮັດ ໃຫ້ປະເທດຊາດມີສະຖຽນລະ ພາບທາງດ້ານການເມືອງ, ສັງຄົມມີຄວາມສະຫງົບຢ່າງ ໜັກແໜ້ນ, ສຸມໃສ່ປະຕິບັດ ມາດຕະການຫັນເອົາກຳລັງ ລົງກໍ່ສ້າງຮາກຖານການເມືອງ ແບບທາງເລິກ ແລະ ທາງ ກວ້າງຕາມ 4 ເນື້ອໃນ 4 ຄາດໝາຍ, ສ້າງທ່າສະໜາມ ປກຊ-ປກສ 3 ຂັ້ນຕິດພັນກັບ ການສ້າງບ້ານ-ກຸ່ມບ້ານພັດ ທະນາ ແລະ ວຽກງານສາມ ສ້າງ ໂດຍສຸມໃສ່ບໍລິເວນຈຸດ ສຸມທີ່ລັດຖະບານມອບໝາຍ ໃຫ້ ແລະ ຈຸດສຸມຂອງກົມກອງ -ທ້ອງຖິ່ນ. ຜ່ານການລົງກໍ່ສ້າງ ຮາກຖານການເມືອງ ໄດ້ເຮັດ ໃຫ້ປະຊາຊົນບັນດາເຜົ່າຮັບ ຮູ້ເຊື່ອມຊຶມແນວທາງແຜນນະ ໂຍບາຍຂອງພັກ, ມີຄວາມຕື່ນ  ຕົວປົກປັກຮັກສາ ແລະ ພັດ ທະນາບ້ານຊ່ອງຂອງຕົນ, ຊີ ວິດການເປັນຢູ່ນັບມື້ດີຂຶ້ນກວ່າ ເກົ່າ.
2. ໄດ້ປະສານສົມທົບກັບ ຂະແໜງການທີ່ກ່ຽວຂ້ອງກຳ ລັງ ປກສ ແລະ ອຳນາດການ ປົກຄອງທ້ອງຖິ່ນ ຕັ້ງໜ້າແກ້ ໄຂບັນດາໜໍ່ແໜງຄວາມບໍ່ສະ ຫງົບ, ຢູ່ບາງບໍລິເວນຂອງປະ ເທດຢ່າງທັນການ, ປ້ອງກັນ ບັນດາເປົ້າໝາຍທີ່ສຳຄັນ, ແຂກຕ່າງປະເທດ, ບັນດາກອງ ປະຊຸມລະດັບສາກົນ, ບັນດາ ວັນບຸນສຳຄັນຂອງພັກ ແລະ ຂອງຊາດ, ເປັນຕົ້ນແມ່ນ: ປ້ອງ ກັນວັນສະເຫຼີມສະຫຼອງວັນ ສ້າງຕັ້ງພັກ ຄົບຮອບ 60 ປີ, ວັນສະຖາປະນາ ສປປ ລາວ ຄົບຮອບ 40 ປີ ມີຄວາມສະ ຫງົບປອດໄພ 100%.
3. ໄດ້ເອົາໃຈໃສ່ຢ່າງຕັ້ງ ໜ້າວຽກງານກໍ່ສ້າງພັກ-ພະ ນັກງານຕິດພັນກັບການກໍ່ສ້າງ ກອງຮາກຖານເຂັ້ມແຂງໜ່ວຍ ພັກຮູ້ນຳພາຮອບດ້ານ, ຮັບປະ ກັນວຽກງານພັກ, ວຽກງານ ການເມືອງ ສອດຫ້ອຍຕິດພັນ ກັບທຸກການເຄື່ອນໄຫວປະຕິ ບັດໜ້າທີ່ຂອງກອງທັບ.
4. ໄດ້ຕັ້ງໜ້າອົບຮົມຫັດ ແອບຊ້ອມຮົບປະສານເຫຼົ່າອິນ ຊີແດງ 3, 4, 5, ແນໃສ່ຍົກລະ ດັບທາງດ້ານສິລະປະຍຸດ ຍຸດ ທະວິທີ ທີ່ສາມາດສູ້ຮົບໄດ້ທຸກ ຂະໜາດ, ທຸກກໍລະນີ, ຊີ້ນຳໆ ພາປະຕິບັດທິດທາງກຸ້ມຕົນ ເອງ, ເພິ່ງຕົນເອງ, ສ້າງຄວາມ ເຂັ້ມແຂງດ້ວຍຕົນເອງ ເຮັດໃຫ້ ຊີວິດການເປັນຢູ່ຂອງກອງທັບ ດີຂຶ້ນກວ່າເກົ່າ.
5. ໄດ້ຕັ້ງໜ້າສຸມກຳລັງ ແລະ ພາຫະນະເຂົ້າຮ່ວມການ ຕ້ານໄພພິບັດ, ເປັນຕົ້ນແມ່ນ ຊ່ວຍເຫຼືອປະຊາຊົນຕ້ານໄພ ນ້ຳຖ້ວມ ແລະ ປົວແປງເຮືອນ ຊານສະຖານທີ່ຂອງປະຊາຊົນ ທີ່ຖືກເສຍຫາຍໃຫ້ຄືນສູ່ປົກ ກະຕິ.
6. ໄດ້ຕັ້ງໜ້າປະຕິບັດ ຢ່າງຖືກຕ້ອງແນວທາງຕ່າງປະ ເທດຂອງພັກ, ແນໃສ່ເພີ່ມມິດ- ຫຼຸຸດຜ່ອນສັດຕູ, ເພີ່ມທະວີພົວ ພັນຮ່ວມມືກັບກອງທັບບັນດາ ເພື່ອນມິດຍຸດທະສາດ, ສັງຄົມ ນິຍົມພົວພັນຮ່ວມມືກັບກອງ ທັບປະເທດໃກ້ຄຽງ ແລະ ປະ ເທດອື່ນໆ ຕາມຄວາມເໝາະ ສົມຢ່າງມີການເລືອກເຟັ້ນ ເພື່ອຍາດແຍ່ງເອົາການຊ່ວຍ ເຫຼືອມາພັດທະນາກອງທັບໃຫ້ ເຕີບໃຫຍ່ເຂັ້ມແຂງ.
ຄຽງຄູ່ກັບຜົນງານນັ້ນ ກໍ ຍັງມີບາງດ້ານຄົງຄ້າງທີ່ຈະ ຕ້ອງໄດ້ເອົາໃຈໃສ່ແກ້ໄຂ ເປັນ ຕົ້ນແມ່ນປະກົດການຫຍໍ້ທໍ້ ຕ່າງໆ ຍັງບໍ່ທັນໄດ້ຮັບການແກ້ ໄຂເທົ່າທີ່ຄວນ. ການເຂົ້າຮ່ວມ ເຮັດໜ້າທີ່ປ້ອງກັນຊາດ-ປ້ອງ ກັນຄວາມສະຫງົບ ຍັງມີບາງ ບ່ອນເຮັດບໍ່ທັນກວ້າງຂວາງ ແລະ ເລິກເຊິ່ງແທ້, ການປັບ ປຸງກໍ່ສ້າງກຳລັງ ເຖິງວ່າໄດ້ເອົາ ໃຈໃສ່ເຮັດຫຼາຍ ແຕ່ການຫັນ ປ່ຽນຍັງຊັກຊ້າ, ສະຕິຕໍ່ການ ຈັດຕັ້ງລະບຽບວິໄນຈຳນວນ ໜຶ່ງຍັງບໍ່ທັນເຂັ້ມງວດ, ລະດັບ ສິລະປະຍຸດ ຢຸດທະວິທີວິຊາ ສະເພາະບໍ່ທັນສູງແທ້, ການ ປະກອບພາຫະນະອຸປະກອນ ທີ່ທັນສະໄໝ ແລະ ຈຳເປັນຍັງ ບໍ່ທັນຕອບສະໜອງໄດ້ໝົດ.
ເພື່ອຕອບສະໜອງກັບ ຄວາມຮຽກຮ້ອງຕ້ອງການຂອງ ສະພາບການ ແລະ ໜ້າທີ່ການ ເມືອງທີ່ພັກ ແລະ ລັດມອບ ໝາຍໃຫ້ ເພື່ອໃຫ້ມະຕິກອງປະ ຊຸມໃຫຍ່ ຄັ້ງທີ X ຂອງພັກໄດ້ ຮັບການຈັດຕັ້ງປະຕິບັດຢ່າງມີ ໝາກມີຜົນຕົວຈິງ, ໜ້າທີ່ຂອງ ກຳລັງປະກອບອາວຸດປະຊາ ຊົນລາວໃນຊຸມປີຕໍ່ໜ້ານີ້ແມ່ນ: “ເດັດດ່ຽວປະຕິບັດໜ້າທີ່ຂອງ ຕົນຢ່າງມີປະສິດທິຜົນ, ຮັບປະ ກັນລັກສະນະເດັດຂາດ, ເຂັ້ມ ງວດ, ໄຫວພິບ ແລະ ຄ່ອງ ແຄ້ວ ເພື່ອປົກປັກຮັກສາປະ ເທດຊາດ, ປົກປັກຮັກສາລະ ບອບໃໝ່ ປະຊາທິປະໄຕ ປະ ຊາຊົນເຂົ້າຮ່ວມຢ່າງຕັ້ງໜ້າ ການພັດທະນາເສດຖະກິດ, ວັດທະນະທຳ-ສັງຄົມຂອງ ຊາດ” ໂດຍສຸມໃສ່ປະຕິບັດບັນ ດາວຽກງານ ແລະ ຄາດໝາຍ ສູ້ຊົນຄືດັ່ງຕໍ່ໄປນີ້:
1. ກ່ອນອື່ນໝົດ ຈະນຳ ເອົາມະຕິກອງປະຊຸມໃຫຍ່ ຄັ້ງ ທີ X ຂອງພັກ ສຶກສາອົບຮົມ ໃຫ້ສະມາຊິກພັກ, ພະນັກງານ, ນັກຮົບໃນທົ່ວກອງທັບ ເຮັດໃຫ້ ທຸກຄົນເຊື່ອມຊຶມກຳແໜ້ນ ແລະ ເປັນເຈົ້າການຫັນໃຫ້ເປັນ ແຜນງານລະອຽດຂອງແຕ່ລະ ຂະແໜງການ, ເຫຼົ່າລົບ, ສຶກ ສາອົບຮົມໃຫ້ທຸກຄົນຍົກສູງສະ ຕິຊາດ, ເອກະລາດເປັນເຈົ້າ ຕົນເອງ, ຕິດພັນກັບເສັ້ນທາງ ສັງຄົມນິຍົມຢ່າງບໍ່ຫວັ່ນໄຫວ, ເດັດດ່ຽວປະສານສົມທົບແໜ້ນ ກັບກຳລັງປ້ອງກັນຄວາມສະ ຫງົບ ແລະ ຄະນະພັກ, ອຳ ນາດການປົກຄອງທຸກຂັ້ນ ເຮັດທຸກສິ່ງທຸກຢ່າງ ເພື່ອຮັບ ປະກັນໃຫ້ປະເທດຊາດມີສະ ຖຽນລະພາບດ້ານການເມືອງ, ມີຄວາມສະຫງົບ ແລະ ປອດ ໄພທາງສັງຄົມ, ສ້າງເງື່ອນໄຂ ເອື້ອອຳນວຍໃຫ້ແຜນພັດທະ ນາເສດຖະກິດ-ສັງຄົມ ໄດ້ຮັບ ການຈັດຕັ້ງປະຕິບັດຢ່າງເປັນ ປົກກະຕິ, ຕໍ່ເນື່ອງ, ມີໝາກຜົນ ຕົວຈິງ.
2. ເພື່ອເສີມຂະຫຍາຍ ບົດບາດເປັນຫຼັກແຫຼ່ງໃນການ ປະຕິບັດໜ້າທີ່ປ້ອງກັນຊາດ- ປ້ອງກັນຄວາມສະຫງົບທົ່ວ ປວງຊົນຮອບດ້ານຂອງພັກ, ກອງທັບຈະພ້ອມກັບບັນດາ ຂະແໜງການຂອງລັດ ແລະ ອຳນາດການປົກຄອງທ້ອງຖິ່ນ, ສືບຕໍ່ຫັນລົງກໍ່ສ້າງຮາກຖານ ການເມືອງໃຫ້ບັນລຸຕາມ 4 ເນື້ອໃນ, 4 ຄາດໝາຍ, ເຂົ້າ ຮ່ວມພັດທະນາບັນດາຈຸດສຸມ, ສ້າງບ້ານ-ກຸ່ມບ້ານພັດທະນາ ຕິດພັນກັບການສ້າງທ່າສະ ໜາມປ້ອງກັນຊາດ-ປ້ອງກັນ ຄວາມສະຫງົບທົ່ວປວງຊົນ ຮອບດ້ານຂອງພັກ, ຕິດພັນ ກັບວຽກງານສາມສ້າງ. ຊ່ວຍ ຮາກຖານປັບປຸງລະບົບການ ເມືອງປະຊາທິປະໄຕ ປະຊາ ຊົນໃຫ້ໜັກແໜ້ນ ແລະ ເຂັ້ມ ແຂງ, ຊ່ວຍເຫຼືອປະຊາຊົນພັດ ທະນາບ້ານຊ່ອງ, ຮັບປະກັນ ຊີວິດອິນຊີ ແລະ ຄວາມສະ ຫງົບສຸກຂອງປະຊາຊົນບັນດາ ເຜົ່າ.
3. ຕັ້ງໜ້າປັບປຸງກໍ່ສ້າງ ກຳລັງທັງສາມປະເພດກຳລັງ ໃຫ້ໜັກແໜ້ນທາງດ້ານການ ເມືອງ, ແນວຄິດ, ເຂັ້ມແຂງ ດ້ານການຈັດຕັ້ງ, ຕັ້ງໜ້າອົບ ຮົມຫັດແອບກຽມພ້ອມສູ້ຮົບ, ປະກອບ ແລະ ນຳໃຊ້ພາຫະ ນະອາວຸດທີ່ທັນສະໄໝ, ສ້າງ ກອງທັບໃຫ້ກາຍເປັນກອງທັບ ປະຕິວັດ, ກອງທັບປະຊາຊົນ ໂດຍປະຊາຊົນ ແລະ ເພື່ອປະ ຊາຊົນ, ມີລະບຽບວິໄນເຂັ້ມ ງວດ ແລະ ມີແບບແຜນທັນສະ ໄໝ, ເສີມຂະຫຍາຍມູນເຊື້ອ ແຫ່ງຄວາມເດັດດ່ຽວ, ໜຽວ ແໜ້ນ, ອົງອາດກ້າຫານ ແລະ ສູ້ຮົບມີໄຊ, ບໍ່ຫວັ່ນໄຫວຄອນ ແຄນຕໍ່ສະພາບການ ແລະ ຂໍ້ ຫຍຸ້ງຍາກໃດໆ, ຍາມໃດກໍຍົກ ສູງສະຕິກຽມພ້ອມຕອບຕ້ານ ແລະ ແກ້ໄຂທຸກກໍລະນີທີ່ແຕະ ຕ້ອງເຖິງບົດບາດການນຳພາ ຂອງພັກ, ເຖິງຄວາມເປັນເອ ກະລາດ, ອຳນາດອະທິປະໄຕ ຂອງຊາດ ແລະ ຜົນປະໂຫຍດ ຂອງປະຊາຊົນ. ຕັ້ງໜ້າອົບຮົມ ຫັດແອບຍົກລະດັບຍຸດທະສິນ ໃຫ້ມີຄວາມຊຳນິຊຳນານ, ຍົກ ລະດັບຄວາມຮູ້ທາງດ້ານທິດ ສະດີ ແລະ ວິທະຍາສາດເຕັກ ນິກໃຫ້ທຽບທັນກັບການຂະ ຫຍາຍຕົວຂອງຍຸກສະໄໝ. ເຊີດຊູນ້ຳໃຈ “ກຸ້ມຕົນເອງ, ເພິ່ງຕົນເອງ, ສ້າງຄວາມເຂັ້ມ ແຂງດ້ວຍຕົນເອງ ແລະ ປະ ຢັດມັດທະຍັດ” ຊອກທຸກວິທີ ການເຮັດໃຫ້ຊີວິດການເປັນຢູ່ ຂອງກອງທັບໃຫ້ນັບມື້ດີຂຶ້ນ.
ກອງທັບປະຊາຊົນລາວ  ຍາມໃດກໍຮັບປະກັນຄວາມຕັ້ງ ຕໍ່ບໍລິສຸດ, ຈົງຮັກພັກດີຢ່າງສຸດ ຊຶ້ງຕໍ່ພັກ, ຕໍ່ປະເທດຊາດ ແລະ ຕໍ່ລະບອບປະຊາທິປະໄຕ ປະ ຊາຊົນ. ສະກັດກັ້ນ ແລະ ຕອບ ຕ້ານທຸກຖ້ອຍທຳນອງ ແລະ ທັດສະນະຍຸບຍອບ, ຖືເບົາບົດ ບາດການນຳພາຂອງພັກ, ປະຕິບັດຕາມຄຳສັ່ງສອນຂອງ ບັນດາຜູ້ນຳຂອງພັກຢູ່ສະເໝີ, ຈະສຶກສາອົບຮົມພະນັກງານ, ນັກຮົບເຮັດຫຼ້ອນໜ້າທີ່ຂອງ ຕົນ, “ຍາກປານໃດກໍຈະບຸກ, ທຸກປານໃດກໍຜ່ານຜ່າ, ເຖິງຈະ ເສຍສະຫຼະກໍບໍ່ຢ້ານບໍ່ກົວ” ພ້ອມແລ້ວທີ່ຈະເສຍສະຫຼະ ເພື່ອປົກປ້ອງຄວາມເປັນເອກະ ລາດ, ອຳນາດອະທິປະໄຕ ແລະ ລະບອບໃໝ່ໄວ້ຢ່າງໝັ້ນ ຄົງ.
4. ຮັບປະກັນໃຫ້ພັກນຳ ພາກອງທັບເດັດຂາດ, ໂດຍກົງ ແລະ ຮອບດ້ານ, ສູ້ຊົນສ້າງ ກອງຮາກຖານເຂັ້ມແຂງ-ໜ່ວຍພັກຮູ້ນຳພາຮອບດ້ານ ຫຼື ຮູ້ນຳພາຢ່າງມີວິທະຍາສາດ ໃຫ້ໄດ້ຕາມຄາດໝາຍ, ພົວ ພັນສາມັກຄີຊ່ວຍເຫຼືອປະຊາ ຊົນ ເພີ່ມພູນຜະລິດຜົນແກ້ໄຂ ຊີວິດການເປັນຢູ່ໃຫ້ດີຂຶ້ນ ເລື້ອຍໆ, ປະກອບສ່ວນຢ່າງ ຕັ້ງໜ້າເຂົ້າໃນການພັດທະນາ ເສດຖະກິດ-ສັງຄົມຂອງລັດ, ເພີ່ມທະວີຄວາມສາມັກຄີພາຍ ໃນໃຫ້ແໜ້ນໜາ, ສະກັດກັ້ນ ແລະ ຕ້ານທຸກກົນອຸບາຍແບ່ງ ແຍກລະຫວ່າງກອງທັບ ກັບ ປະຊາຊົນ ແລະ ລະຫວ່າງເຜົ່າ ຂອງບັນດາອິດທິກຳລັງປໍລະ ປັກ ແລະ ກຸ່ມຄົນບໍ່ຫວັງດີ. ສຶກສາອົບຮົມໃຫ້ທຸກຄົນຮັບ ຮູ້, ເຂົ້າໃຈຢູ່ສະເໝີວ່າ: ການ ເພີ່ມທະວີຄວາມສາມັກຄີ ປວງ ຊົນທັງຊາດ, ສືບຕໍ່ພາລະກິດ ປ່ຽນແປງໃໝ່, ບູລະນະລະ ບອບປະຊາທິປະໄຕ ປະຊາ ຊົນຕາມຈຸດໝາຍສັງຄົມນິຍົມ ແມ່ນໜ້າທີ່ ແລະ ສະຕິຮັບຜິດ ຊອບຂອງໝົດທຸກຄົນ.
5. ເພີ່ມທະວີຄວາມສາ ມັກຄີ ແລະ ການພົວພັນຮ່ວມ ມືຮອບດ້ານກັບກອງທັບບັນ ດາປະເທດເພື່ອນມິດຍຸດທະ ສາດອ້າຍນ້ອງ, ພົວພັນຮ່ວມມື ກັບບັນດາປະເທດໃກ້ຄຽງ, ຕັ້ງໜ້າກະກຽມການເປັນເຈົ້າ ພາບທີ່ດີ ບັນດາກອງປະຊຸມ ອາຊຽນ, ອາຊຽນບວກກັບປະ ເທດຕ່າງໆ ໃນປີ 2016 ໃນ ຂົງເຂດການທະຫານ. ເຂົ້າ ຮ່ວມບັນດາກອງປະຊຸມປຶກສາ ຫາລືກ່ຽວກັບຄວາມໝັ້ນຄົງຢູ່ ພາກພື້ນ ແລະ ໃນໂລກ, ກັບ ບັນດາປະເທດໃນສະມາຄົມ ອາຊຽນ ແລະ ອື່ນໆ ເພື່ອເສີມ ສ້າງສັນຕິພາບ, ມິດຕະພາບ ແລະ ຄວາມໄວ້ເນື້ອເຊື່ອໃຈ ຊຶ່ງກັນ ແລະ ກັນ ບົນພື້ນຖານ ປະຕິບັດຖືກຕ້ອງຫຼັກ 5 ປະ ການຢູ່ຮ່ວມກັນໂດຍສັນຕິ.

ແຫ່ລງຂ່າວ