Homeຂ່າວເຫດການຜ່ານການຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ IX ຂອງພັກ ໄດ້ເຮັດໃຫ້ວຽກງານ ຖວທ ພົ້ນເດັ່ນຂຶ້ນ

ຜ່ານການຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ IX ຂອງພັກ ໄດ້ເຮັດໃຫ້ວຽກງານ ຖວທ ພົ້ນເດັ່ນຂຶ້ນ

Published on

ເນື່ອງໃນໂອກາດເຂົ້າຮ່ວມກອງປະຊຸມໃຫຽ່ ຜູ້ແທນທົ່ວປະເທດ ຄັ້ງທີ X ຂອງພັກປະຊາຊົນ ປະຕິວັດລາວ ທ່ານ ສຈ. ດຣ. ບໍ່ແສງຄຳ ວົງດາລາ ກຳມະການສູນກາງພັກ ລັດຖະມົນຕີວ່າການກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ໄດ້ໃຫ້ສຳພາດຕໍ່ສື່ມວນຊົນ ໂດຍໄດ້ຍົກໃຫ້ເຫັນຜົນສຳເລັດອັນພົ້ນເດັ່ນຂອງວຽກງານຖະແຫຼງຂ່າວ ວັດທະນະທຳ ແລະ ທ່ອງທ່ຽວ ໃນການຈັດຕັ້ງປະຕິບັດມະຕິກອງປະຊຸມໃຫຽ່ ຄັ້ງທີ IX ຂອງພັກ ມີບາງຕອນທ່ານກ່າວວ່າ ໄລຍະ 5 ປີ ຜ່ານມາ ໄດ້ພະຍາຍາມປະຕິບັດໜ້າທີ່ສ່ວນໃຫຽ່ສຳເລັດ ແລະ ມີໝາກຜົນຢ່າງຈະແຈ້ງໂດຍພື້ນຖານ ໂດຍສະເພາະໄດ້ຈັດຕັ້ງປະຕິບັດຕາມມະຕິຂອງກອງປະຊຸມໃຫຽ່ ຜູ້ແທນທົ່ວປະເທດ ຄັ້ງທີ IX ຂອງພັກ ກໍຄືມະຕິຂອງກອງປະຊຸມໃຫຽ່ ຄັ້ງທີ III ຂອງອົງຄະນະພັກກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ເຊິ່ງໄດ້ພັດທະນາວຽກງານຖະແຫຼງຂ່າວ ວັດທະນະທຳ ແລະ ທ່ອງທ່ຽວ ໄປຢ່າງຕໍ່ເນື່ອງ ມີທັງດ້ານຄຸນະພາບ ແລະ ປະລິມານ ເປັນຕົ້ນແມ່ນວຽກງານສື່ສິ່ງພິມ ແມ່ນໄດ້ຮັບການພັດທະນາເປັນກ້າວໆ ປັດຈຸບັນມີໜັງສືພິມ ແລະ ວາລະສານຫຼາຍກວ່າ 120 ສະບັບ ໂທລະພາບ 37 ສະຖານີ ວິທະຍຸ 53 ສະຖານີ ເຮັດໃຫ້ວຽກງານສື່ມວນຊົນມີຄວາມສຳຄັນຫຼາຍໃນການໂຄສະນາເຜີຍແຜ່ຂໍ້ມູນຂ່າວສານ ແລະ ນໍາສະເໜີບັນຫາຕ່າງໆໃຫ້ແກ່ສັງຄົມໄດ້ຮັບຮູ້ ເປັນຕົ້ນການພັດທະນາເສດຖະກິດ-ສັງຄົມ ການຄ້າ ການລົງທຶນ ການທ່ອງທ່ຽວ ການບໍລິການ ລະບຽບກົດໝາຍ ວັດທະນະທໍາ ສາຍພົວພັນອັນດີງາມ ການໄປມາຫາສູ່ກັນລະຫວ່າງປະເທດບ້ານໃກ້ເຮືອນຄຽງ ແລະ ສາກົນ ຢ່າງບໍ່ຢຸດຢັ້ງ ພ້ອມນີ້ຍັງໄດ້ຊຸກຍູ້ຂະບວນການສ້າງບ້ານວັດທະນະທຳ ປັດຈຸບັນສາມາດສ້າງບ້ານວັດທະນະທຳໄດ້ 4.000 ກວ່າບ້ານ ກວມເອົາ 60% ຂອງຈຳນວນບ້ານໃນທົ່ວປະເທດ ຄອບຄົວວັດທະນະທຳ 700.000 ກວ່າຄອບຄົວ ປະຕິບັດໄດ້ລື່ນຄາດໝາຍທີ່ວາງໄວ້ ນອກຈາກນັ້ນ ຍັງໄດ້ເອົາໃຈໃສ່ສ້າງຂະບວນການສິລະປະວັດທະນະທຳໃນທົ່ວປະເທດ ປົກປັກຮັກສາວັດທະນະທຳອັນດີງາມຂອງຊາດ ຮັກສາມໍລະດົກຂອງຊາດ ຂະຫຽາຍຕານ່າງຫໍພິພິຕະພັນ ວຽກງານທ່ອງທ່ຽວໃນປີ 2013 ເຊິ່ງສະພາການຄ້າເອີຣົບ ໄດ້ຮັບຮອງເອົາປະເທດລາວ ເປັນປະເທດທີ່ໜ້າທ່ອງທ່ຽວທີ່ສຸດໃນໂລກ ຫຼວງພະບາງ ກໍໄດ້ຮັບລາງວັນເປັນນະຄອນທີ່ໜ້າທ່ອງທ່ຽວທີ່ສຸດໃນໂລກ 8 ປີຊ້ອນ ປະລິມານນັກທ່ອງທ່ຽວໃນແຕ່ລະປີກໍມີຈຳນວນເພີ່ມຂຶ້ນ ຫຼ້າສຸດປີ 2015 ມີນັກທ່ອງທ່ຽວເຂົ້າມາຫຼາຍກວ່າ 4.000.000 ກວ່າຄົນ ສາມາດສ້າງລາຍຮັບໄດ້ 670.000.000 ກວ່າໂດລາສະຫະລັດ ອັນເປັນການປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມໃຫ້ມີຄວາມສີວິໄລ ຈະເລີນກ້າວໜ້າ ແລະ ປະຊາຊົນບັນດາເຜົ່າມີຊີວິດການເປັນຢູ່ນັບມື້ດີຂຶ້ນ.

ຂ່າວ/ພາບ: ກິດຕ້າ

ແຫ່ລງຂ່າວ

ວຈທດ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...