spot_img
Homeຂ່າວການພັດທະນາບໍ່ມີຍຸກໃດສະ​ໄໝໃດທີ່ປະເທດຊາດໄດ້ຮັບການພັດທະນາຄືຍຸກນີ້

ບໍ່ມີຍຸກໃດສະ​ໄໝໃດທີ່ປະເທດຊາດໄດ້ຮັບການພັດທະນາຄືຍຸກນີ້

Published on

ໃນໂອກາດດໍາເນີນກອງປະຊຸມໃຫຍ່ຄັ້ງທີ 10 ຂອງພັກປະຊາຊົນປະຕິວັດລາວ, ບັນດາຜູ້ແທນທີ່ເຂົ້າຮ່ວມກອງປະຊຸມຕ່າງກໍໄດ້ມີຄວາມຄິດເຫັນທີ່ເປັນເອກະພາບວ່າ: ບໍ່ມີຍຸກໃດສະໃໝໃດທີ່ປະເທດພວກເຮົາໄດ້ຮັບການພັດທະນາຄືຍຸກສະໃໝນີ້.

ສະຫາຍພົນໂທ ຈັນສະໝອນ ຈັນຍາລາດ ກໍາມະການສູນກາງພັກ,ລັດຖະມົນຕີຊ່ວຍວ່າການກະ ຊວງປ້ອງກັນປະເທດ ໃຫ້ສໍາພາດວ່າ: ກອງປະຊຸມຄັ້ງນີ້ສຸດທີ່ມີຄວາມໝາຍສໍາຄັນທາງດ້ານປະຫວັດ ສາດຂອງຊາດຢ່າງຍິ່ງ, ເຊິ່ງແມ່ນໄລຍະທີ່ພັກຈະໄດ້ສືບຕໍ່ນໍາພາປະເທດຊາດກ້າວສູ່ໄລຍະໃໝ່ແຫ່ງການພັດທະນາໄປຕາມທິດຍືນຍົງ ແລະ ກ້າວຂຶ້ນບົນເສັ້ນທາງສັງຄົມນິຍົມ. ສໍາລັບການຈັດຕັ້ງປະຕິ ບັດມະຕິ 9 ຂອງພັກໃນໄລຍະຜ່ານມາແມ່ນ

ພວກເຮົາໄດ້ພ້ອມກັນຜັນຂະຫຍາຍເນື້ອໃນ 4 ບຸກທະລຸຂອງພັກຢ່າງໜັກແໜ້ນ ແລະ ມີຜົນສໍາເລັດອັນຍິ່ງໃຫຍ່ທີ່ບໍ່ເຄີຍມີມາກ່ອນໃນປະຫວັດສາດຂອງຊາດເຮົາ, ປະຊາຊົນລາວບັນດາເຜົ່າມີຄວາມສາມັກຄີປອງດອງ, ມີຄວາມຢູ່ດີກິນດີ ແລະ ຍູທ່າງທໍາມະຫາກິນພາຍໃຕ້ລະບອບໃໝ່ປະຊາທິປະໄຕ.

ສະຫາຍ ຮອງເລຂາຄະນະພັກກະຊວງສຶກສາທິການ ແລະ ກິລາ ດຣ ກອງສີ ແສງມະນີ ກ່າວວ່າ: ກອງປະຊຸມຄັ້ງນີ້ແມ່ນຂີດໝາຍຂອງການພັດທະນາປະເທດ ແລະ ຊີ້ໃຫ້ເຫັນຄວາມໜັກແໜ້ນເຂັ້ມແຂງ ແລະ ມີຫລັກການຂອງພັກ,ເຫັນໄດ້ຄວາມສາມັກຄີຮັກແພງພາຍໃຕ້ການນໍາພາຂອງພັກ, ຄືຄັນທຸງທີ່ນໍາພາປະເທດຊາດກ້າວໄປສູ່ຄວາມຈະເລີນວັດທະນາ. ໃນນາມສະມາຊິກພັກຜູ້ໜຶ່ງ, ຂ້າ ພະເຈົ້າສຸດທີ່ມີຄວາມພູມໃຈເປັນຢ່າງຍິ່ງທີ່ເຫັນປະເທດຊາດໄດ້ຮັບການພັດທະນາເຕີບໃຫຍ່ເຂັ້ມແຂງ, ພັກໄດ້ນໍາພາປະເທດຊາດມາຮອດປັດຈຸບັນແມ່ນມີຜົນສໍາເລັດຫລາຍດ້ານ, ເວົ້າສະເພາະຂະແໜງສຶກສາທິການ ແລະ ກິລາ ແມ່ນມີການຫັນປ່ຽນຢ່າງຕັ້ງໜ້ານັບທັງດ້ານປະລິມານ ແລະ ຄຸນນະພາບ ແລະ ເຊື່ອໝັ້ນວ່າພາຍຫລັງໄດ້ຜັນຂະຫຍາຍມະຕິກອງປະຊຸມໃຫຍ່ຄັ້ງນີ້ຍິ່ງຈະເຮັດໃຫ້ການພັດທະນາໃນຂົງເຂດວຽກງານອື່ນໆມີບາດກ້າວພົ້ນເດັ່ນຂຶ້ນຫລາຍກວ່າເກົ່າ.

ສະຫາຍເລຂາຄະນະພັກ, ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ ດຣ ຄໍາມະນີ ອິນທິລາດ ກ່າວວ່າ: ກອງປະຊຸມຄັ້ງນີແມ່ນມີຄວາມສໍາຄັນຢ່າງຍິ່ງ, ເຊິ່ງເປັນການຮັບຮອງເອົາແຜນພັດທະນາເສດຖະກິດ-ສັງຄົມ, ຍຸດທະສາດການພັດທະນາປະເທດ ແລະ ເປັນບາດລ້ຽວໃໝ່ເພື່ອນໍາເອົາປະເທດຊາດພວກເຮົາຫລຸດພົ້ນອອກຈາກຄວາມທຸກຍາກໃນຕໍ່ໜ້າ, ຂ້າພະເຈົ້າມີຄວາມພາກພູມໃຈຫລາຍທີ່ໄດ້ເຫັນປະເທດຊາດພວກເຮົາມີການພັດທະນາຢ່າງກ້າວກະໂດດຫລາຍດ້ານ, ເວົ້າສະເພາະຂະແໜງພະລັງງານ ແລະ ບໍ່ແຮ່ ມາຮອດໄລຍະນີ້ຖືວ່າມີການເຕີບໃຫຍ່ຂະຫຍາຍຕົວໄວ

ແບບບໍ່ເຄີຍມີມາກ່ອນໃນປະຫວັດສາດຂອງຊາດ, ປັດຈຸບັນພວກເຮົາມີເຂື່ອນໄຟຟ້າທີ່ສໍາເລັດການກໍ່ສ້າງແລ້ວທັງໝົດ 38 ແຫ່ງ, ມີກໍາລັງຕິດຕັ້ງ 6.265 ເມກາວັດ, ເພີ່ມຂຶ້ນ 3 ເທົ່າເມື່ອທຽບໃສ່ໄລຍະປີ 2010 ແລະ ສໍາລັບແຜນພັດທະນາໃນຂະແໜງພະລັງງານ ແລະ ບໍ່ແຮ່ ໃນ 5 ປີຂ້າງໜ້ານີ້ແມ່ນຕ້ອງຮັບປະກັນການພັດທະນາທີ່ຍືນຍົງ, ມີໄຟຟ້າຊົມໃຊ້ພຽງພໍໃນທົ່ວປະເທດ ແລະ ສົ່ງອອກ ເພື່ອນໍາເງິນຕາຕ່າງປະເທດເຂົ້າມາພັດທະນາປະເທດ, ເຊິ່ງຄາດວ່າຮອດປີ 2020 ຈະມີເຂື່ອນໄຟຟ້າສໍາເລັດການກໍ່ສ້າງຫລາຍກວ່າ 60 ແຫ່ງ, ມີກໍາລັງຕິດຕັ້ງຫລາຍກວ່າ 10 ພັນເມກາວັດ ແລະ ສາ ມາດຜະລິດກະແສໄຟຟ້າໄດ້ຫລາຍກວ່າ 60 ພັນລ້ານກິໂລວັດໂມງຕໍ່ປີ.

ສະຫາຍ ຄໍາຜາຍ ສີລາຊາ ນັກທຸລະກິດທີ່ໄດ້ເຂົ້າຮ່ວມກອງປະຊຸມມີຄໍາເຫັນວ່າ: ກອງ

ປະຊຸມໃຫຍ່ຂອງພັກຄັ້ງນີ້ແມ່ນປະຫວັດສາດຂອງພັກທີ່ມີລັກສະນະໜັກແໜ້ນເຂັ້ມແຂງ, ເຮັດໃຫ້ປະຊາຊົນລາວບັນດາເຜົ່າ, ເວົ້າສະເພາະຂົງເຂດທຸລະກິດມີຄວາມເຊື່ອໝັ້ນຕໍ່ການນໍາພາອັນສະຫລາດສ່ອງໃສຂອງພັກຢ່າງໜັກແໜ້ນ, ເຊິ່ງມັນໄດ້ສະແດງອອກໃນແນວທາງນະໂຍບາຍຂອງພັກທີ່ມີຕໍ່ຫົວໜ່ວຍທຸລະກິດລ້ວນແຕ່ສອດຄ່ອງກັບສະພາບເງື່ອນໄຂຕົວຈິງຂອງປະເທດເຮົາ ແລະ ສາກົນໃນແຕ່ລະໄລຍະ, ຂ້າພະເຈົ້າມີຄວາມພາກພູມໃຈທີ່ສຸດທີ່ເຫັນພັກຂອງພວກເຮົານໍາພາປະເທດຊາດຈົນມີຄວາມຈະເລີນຮຸ່ງເຮືອງ, ໂດຍສະເພາະໃນບົດລາຍງານການເມືອງຂອງສະຫາຍເລຂາທິການໃຫຍ່ ຈູມມາລີ ໄຊຍະສອນ ໄດ້ຢັ້ງຢືນວ່າ: ປະເທດພວກເຮົາໄດ້ຮັບການພັດທະນາຫລາຍກວ່າຍຸກໃດສະໃໝໃດ.

ແຫ່ລງຂ່າວ

ລພນ

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...