<ignore_js_op>
ປະເທດອັງກິດເປີດເຜີຍຄວາມຮ່ວມມືກັບປະເທດເຢຍລະມັນ ໃນໂຄງການການພັດທະນາໃນເຄື່ອຂ່າຍອິນເຕີເນັດ 5G ກາງງານ CeBIT 2014 ເຊິ່ງຢ່າງທີ່ຮູ້ກັນດີຈຸດຂາຍຂອງເທັກໂນໂລຢີນີ້ກໍຄື ຄວາມໄວໃນການດາວໂຫຼດທີ່ໄວຫຼາຍ ເຊັ່ນການດາວໂຫຼດຮູບເງົາແບບເຕັມໄຟລໃນເວລາ 1 ວິນາທີ
ກ່ອນໜ້ານີ້ເອງ ປະເທດຍັກໃຫຍ່ແບບຈີນ ເຊິ່ງນຳໜ້າໂດຍຫົວເວີ່ຍ ແລະເກົາຫຼີໃຕ້ກຳລັງເຊິ່ງຢູ່ໃນລະຫວ່າງການພັດທະນາເທັກໂນໂລຢີ 5G ເຊິ່ງພ້ອມທີ່ຈະໃຊ້ບໍລິການໄດ້ໃນປີ 2020 ຫຼ້າສຸດນີ້ທາງຝັ່ງຍຸໂຣບເລີ່ມໄດ້ມີການເໜັງຕີງໃນເລື່ອງນີ້ແດ່ແລ້ວ ໂດຍນາຍຍົກລັດທະມົນຕີປະເທດອັງກິດຄື ທ່ານ ເດວິດ ແຄເມີຣອນ ເປີດເຜີຍເຖິງໂຄງການການພັດທະນາອິນເຕີເນັດຄວາມໄວສູງ 5G
ນາຍຍົກລັດຖະມົນຕີປະເທດອັງກິດ ໄດ້ເປີດເຜີຍວ່າ ການວິໄຈໂຄງການພັດທະນາ 5G ນີ້ ມີວົງເງິນປະມານ 73 ລ້ານປອນ ໂດຍຫວັງໃຫ້ 5G ນີ້ ເປັນ Internet of Things ຄື: ການເຮັດໃຫ້ອິນເຕີເນັດເປັນສ່ວນສຳຄັນໃນການໃຊ້ຊີວິດ
“ອະນາຄົດອັນໃກ້ນີ້ ອຸປະກອນຢູ່ໃນບ້ານ ອຸປະກອນໄຟຟ້າ ສິ່ງອຳນວຍຄວາມສະດວກຕ່າງໆ ຈະສາມາດນຳໃຊ້ອິນເຕີເນັດເຊື່ອມຕໍ່ໄດ້ແບບໄຮ້ສາຍ ເຊິ່ງເປັນການອຳນວຍເພີ່ມຄວາມສະດວກໃນການໃຊ້ຊີວິດໃນແຕ່ລະມື້”
ໂດຍໃນຄວາມຮ່ວມມືຄັ້ງນີ້ ເດວິດ ແຄເມີຣອນ ເຊື່ອວ່າ ຈະເຮັດໃຫ້ເກີດການກະຕຸ້ນເສດຖະກິດໃນທະວີດຍຸໂຣບໄດ້ເປັນຢ່າງດີ
ໃນຊ່ວງທ້າຍຜູ້ນຳປະທເດອັງກິດ ເຊື່ອວ່າ ການຮ່ວມມືກັນລະຫວ່າງປະເທດອັງກິດແລະເຢຍລະມັນໃນການພັດທະນາ 5G ນີ້ເປັນສິ່ງທີ່ຖືກຕ້ອງແລະເໝາະສົມຫຼາຍເພາະວ່າ ເພາະວ່າອັງກິດມີຄວາມເກັ່ງໃນດ້ານການພັດທະນາຊ໋ອບແວ ແລະໃນແງ່ມຸມມອງຂອງການອອກແບບ ໃນຂະນະດຽວກັນເຢຍລະມັນກໍມີຄວາມຮູ້ ຄວາມຊ່ຽວຊານໃນດ້ານວິສະວະກຳເປັນຢ່າງດີ ຈຶ່ງເປັນການຮ່ວມມືທີ່ຖືກຄູ່ ແລະຈະສົ່ງຜົນໃນການແຂ່ງຂັນໃນຕະຫຼາດໂລກ
ຄວາມຮູ້ກ່ຽວກັບ 5G ເລັກໆນ້ອຍໆຄື:
o 5G ມີຄວາມໄວກວ່າ 4G ພັນເທົ່າ
o ມີຄວາມໄວເຖິງ 1gbps
o ດາວໂຫຼດໄຟລຂະໜາດ 800MB ໃຊ້ເວລາພຽງ 1 ວິນາທີເທົ່ານັ້ນ
o ມີການຄາດການວ່າເທັກໂນໂລຢີ 5G ຂອງເກົາຫຼີໃຕ້ຈະພ້ອມໃຊ້ງານໃນປີ 2020 ແຕ່ວ່າກ່ອນທີ່ຈະເປີດໃຫ້ໃຊ້ງານ ຈະເລີ່ມທົດສອບໃນປີ 2017
o ສ່ວນຂອງຈີນ ທີ່ຫົວເວີ່ຍເປັນຜູ້ພັດທະນານັ້ນ ຄາດວ່າຈະເປີດໃຫ້ບໍລິການໃນປີ 2020 ຄືກັນ
ທີ່ມາ: http://www.deklao.com/forum.php?mod=viewthread&tid=741