ສຳນັກຂ່າວຕ່າງປະເທດ ລາຍງານໃນວັນທີ 14 ມັງກອນຜ່ານມານີ້ວ່າ ກຸ່ມຕິດອາວຸດຊາວເຄີດ ພີເຄເຄ ໄດ້ກໍ່ເຫດໂຈມຕີ ດ້ວຍລະເບີດລົດ ໃສ່ບໍລິເວນສະຖານີຕຳຫລວດເຂດຊີນາ ແຂວງດິຢາບາກີ ປະເທດຕວກກີ ເມື່ອເວລາ 11:30 ໂມງ ຕາມເວລາໃນທ້ອງຖິ່ນ ຂອງວັນທີ 14 ມັງກອນ 2015 ສົ່ງຜົນເຮັດໃຫ້ ມີຜູ້ເສຍຊີວິດ 5 ຄົນ ແລະ ໄດ້ຮັບບາດເຈັບອີກ 39 ຄົນ.
ທັງນີ້ ກຸ່ມພີເຄເຄ ແມ່ນກຸ່ມຕິດອາວຸດຂອງຊາວເຄີດ ໃນປະເທດຕວກກີ ຊຶ່ງລັດຖະບານຕວກກີ, ສະຫະລັດອາເມຣິກາ ແລະ ສະຫະພາບເອີຣົບ ຂຶ້ນບັນຊີໃຫ້ເປັນກຸ່ມກໍ່ການຮ້າຍ ໂດຍໄດ້ລະບຸວ່າ ກຸ່ມດັ່ງກ່າວກຳລັງຕໍ່ສູ້ ເພື່ອການປົກຄອງຕົນເອງ ແລະ ເພື່ອສິດທິຂອງຊາວເຄີດ ໃນປະເທດຕວກກີ ໃຫ້ຫລາຍຂຶ້ນ.
