ລາຄາ​ນໍ້າມັນ​ດິບ​ຢູ່ຕະຫຼາດ​ເວສ​ເທັກ​ຊັສ ງວດ​ສົ່ງ​ມອບ​ລ່ວງໜ້າ​ເດືອນ​ກຸມພາ​ຫຼຸດ​ລົງ​ໄປ​ຢູ່​ທີ່ 29,93 ​ໂດ​ລາ​ຕໍ່​ບາ​ເຣລ ຕໍ່າ​ສຸດ​ນັບ​ຕັ້ງ​ແຕ່​ເດືອນ​ພະຈິກ​ປີ 2003 ກ່ອນ​ທີ່​ຈະ​ເພີ່ມ​ຂຶ້ນ​ມາ​ປິດ​ຢູ່​ທີ່ 30,44 ​ໂດ​ລາ​ຕໍ່​ບາ​ເຣລ ຫຼຸດ​ລົງ​ຈາກ​ວັນ​ທີ 12 ຢູ່​ທີ່ 97 ​ເຊ​ນ ສ່ວນ​ລາຄາ​ນ້ຳມັນ​ດິບ​ເບຣນທະ​ເລ​ເໜືອ​ຫຼຸດ​ລົງ 69 ​​ເຊ​ນປິດ​ຢູ່​ທີ່ 30,86 ​ໂດ​ລາ​ຕໍ່​ບາ​ເຣລ ສາ​ເຫດ​ສຳຄັນ​ເກີດ​ຈາກ​ພາວະ​ນ້ຳມັນ​ດິບ​ລົ້ນຕະຫຼາດ ​ເນື່ອງ​ຈາກ​ກຸ່ມ​ປະ​ເທດ​ຜູ້​ຜະລິດ ​ແລະ ສົ່ງ​ອອກນ້ຳມັນ(​ໂອ​ເປັກ)ນຳ​ໂດ​ຍຊາ​ອຸ​ດິດອາຣັບບີ​ຍັງ​ບໍ່​ຍອມ​ຫຼຸດ​ກຳລັງ​ການ​ຜະລິດ ​ເພື່ອ​ຫວັງ​ຕ້ອງການ​ຍາດ​ຊີງ​ຕະຫຼາດ​ຈາກ​ອາ​ເມ​ລິ​ກາ ​ແຕ່​ນັກວິ​ເຄາະ​ມອງ​ວ່າ ມີ​ຄວາມ​ເປັນ​ໄປ​ໄດ້​ທີ່​ຈະ​ໄດ້​ເຫັນ​ລາຄາ​ນ້ຳ​ມັນ​ດິບ​ຫຼຸດລົງ​ເຖິງ 20 ​ໂດ​ລາ​ຕໍ່​ບາ​ເຣລ ຈາກ​ປັດ​ໄຈ​ຄວາມ​ຂັດ​ແຍ້​ງລະຫວ່າງ​ຊາ​ອຸ​ດິດອາຣັບບີ ​ແລະ ອີຣານ ຊຶ່ງ​ຈະ​ເຮັດ​ໃຫ້ພາວະ​ນ້ຳມັນ​ລົ້ນຕະຫຼາດ​ຮຸນ​ແຮງ​ຂຶ້ນ​ໃນ​ປີ​ນີ້.

ຂະນະ​ທີ່​ອີຣານຈະ​ກັບ​ມາ​ເດີນ​ໜ້າ​ສົ່ງ​ອອກ​ນ້ຳມັນ ຫຼັງ​ຈາກ​ທີ່​ປະ​ເທດ​ຕາ​ເວັນ​ຕົກ​ຍົກ​ເລີກ​ມາດ​ຕະການ​ລົງ​ໂທດ​ຫຼ້າ​ສຸດ, ນີ​ເຊຣີຊຶ່ງ​ເປັນ​ປະ​ເທດ​ຜູ້​ສົ່ງ​ອອກ​ນ້ຳມັນ​ລາຍ​ໃຫຍ່​ຂອງ​ອາ​ຟຣິກາ​ຮຽກຮ້ອງ​ໃຫ້​ກຸ່ມ​ໂອ​ເປັກ​ຈັດ​ກອງ​ປະຊຸມ​ສຸກ​ເສີນ​ໃນ​ຕົ້ນ​ເດືອນ​ມີນາ​ທີ່​ຈະ​ມາ​ເຖິງ​ນີ້​ເພື່ອ​ພິຈາລະນາ​ຫຼຸດ​ກຳລັງ​ການ​ຜະລິດ​ບໍ່​ໃຫ້​ລາຄາ​ນ້ຳມັນ​ຕົກ​ຕໍ່າລົງ​ໄປ​ກ່ວາ​ນີ້(ຕາມ​ຂ່າວ​ຕ່າງປະ​ເທດ).

ທີ່ມາ: