ຕອນແລງຂອງວັນທີ 13 ມັງກອນ 2016 ທີ່ຜ່ານມາ ລາວໂທລະຄົມໄດ້ຈັດກິດຈະກຳ Random ຫາຜູ້ໂຊກດີ ເພື່ອມອບໂຊກຄືນກຳໄລແຫ່ລູກຄ້າ ໃນໂປຣໂມຊັ່ນ ເບີຫຼັກ 5 ທ້າຝັນ ແຈກໂຊກ 2 ຊັ້ນ. ພິທີດັ່ງກ່າວຈັດຂຶ້ນທີ່ ຕະຫຼາດໂພນສະຫວ່າງ ເມືອງຈັນທະບູລີ ນະຄອນຫຼວງວຽງຈັນ. ເຂົ້າຮ່ວມພິທີມີ ທ່ານ ຖາວອນ ສົມສະກຸນ ຮອງຜູ້ອຳນວຍການໃຫຍ່ ລາວ ໂທລະຄົມ, ທ່ານ ດວງຈິດ ສະຫວັດບຸນມີ ວ່າການຫົວໜ້າບັນນາທິການ ໜັງສືພິມປະຊາຊົນ, ນາຍບ້ານ ບ້ານໂພນສະຫວ່າງ ພ້ອມສື່ມວນຊົນ ແມ່ຄ້າຊາວຂາຍ ແລະລູກຄ້າລາວໂທລະຄົມເຂົ້າຮ່ວມຈຳນວນຫຼວງຫຼາຍ.
ການຈັດງານມອບໂຊກໃນຄັ້ງນີ້ ໄດ້ມີຜູ້ໄດ້ຮັບລາງວັນຈຳນວນຫຼວງຫຼາຍ ແຕ່ທີ່ໃຫຍ່ກວ່າໝູ່ແມ່ນ ລາງວັນລົດເກັງ ຮຸນໄດເອັກເຊັນບຣູ ເຊິ່ງຜູ້ໂຊກດີຄັ້ງນີ້ ໄດ້ແກ່ ທ່ານ ແມວ ປະຊາຊົນເມືອງໝື່ນ ແຂວງວຽງຈັນ ເບີໂທລະສັບ: 020 541436xx ເຊິ່ງເປັນລູກຄ້າທີ່ໃຊ້ເບີລາວໂທລະຄົມມາເປັນເວລາ 6 ປີແລ້ວ.
ລາວໂທລະຄົມຍັງບອກວ່າ ລູກຄ້າລາວໂທລະຄົມແຕ່ລະທ່ານ ເປັນຜູ້ມີໂອກາດ ແລະອາດຈະໂຊກດີໃນຄັ້ງຕໍ່ໄປ ເພາະລາວໂທລະຄົມຈະສືບຕໍ່ໂຄງການ ເບີຫຼັກ 5 ທ້າຝັນ ແຈກໂຊກໄປເລື້ອຍໆ
ລາວໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ
ຮູບແລະຂ່າວໂດຍ: ແອັດມິນຊຽງ