ທ່ານ ດຣ ໄຊສົມພອນ ພົມວິຫານ ຮອງປະທານສະພາ ແຫ່ງຊາດ ໄດ້ຕ້ອນຮັບການ ເຂົ້າຢ້ຽມຄຳນັບຂອງຄະນະຜູ້ ແທນກອງປະຊຸມ 3 ຊາດລາວ, ຫວຽດນາມ ແລະ ກຳປູເຈຍ ພາຍໃຕ້ຫົວຂໍ້ການຄວບຄຸມ ປະລິມານທາດເຫຼົ້າ ຊຶ່ງນຳ ໂດຍທ່ານ ຫງວຽນວັນຕຽນ ສະ ມາຊິກສະພາແຫ່ງຊາດ ສສ ຫວຽດນາມ ຮອງກຳມາທິການ ວັດທະນະທຳ-ສັງຄົມ ພ້ອມ ດ້ວຍຄະນະ ໃນວັນທີ 12 ມັງ ກອນນີ້ ທີ່ຫໍສະພາແຫ່ງຊາດໃນໂອ ກາດທີ່ຄະນະຜູ້ແທນດັ່ງກ່າວ ເດີນທາງມາເຂົ້າຮ່ວມກອງປະ ຊຸມກ່ຽວກັບ ການຄວບຄຸມທາດ ເຫຼົ້າໃນລະຫວ່າງວັນທີ 10 – 1 3 ມັງກອນ ນີ້.
ໃນໂອກາດພົບປະໂອລົມ ທ່ານ ດຣ. ໄຊສົມພອນ ພົມ ວິຫານ ກໍໄດ້ສະແດງຄວາມ ຊົມເຊີຍ ແລະ ຕີລາຄາສູງຕໍ່ ທ່ານ ຫງວຽນວັນຕຽນ ພ້ອມ ດ້ວຍຄະນະ ຊຶ່ງເປັນການປະ ກອບສ່ວນທີ່ສຳຄັນເຂົ້າໃນ ການເສີມຂະຫຍາຍສາຍພົວ ພັນຮ່ວມມືໃຫ້ນັບມື້ນັບແໜ້ນ ແຟ້ນຍິ່ງຂຶ້ນ ແລະ ໃນໂອກາດ ດຽວກັນນີ້ ທ່ານ ຫງວຽນວັນ ຕຽນ ກໍໄດ້ສະແດງຄວາມ ຂອບອົກຂອບໃຈຕໍ່ທ່ານ ດຣ. ໄຊສົມພອນ ພົມວິຫານ ທີ່ໄດ້ ໃຫ້ການຕ້ອນຮັບຢ່າງອົບອຸ່ນ ໃນຄັ້ງນີ້ ພ້ອມທັງລາຍງານຜົນ ການເຄື່ອນໄຫວ ເຮັດວຽກແມ່ນ ໄດ້ຮັບຜົນສຳເລັດເປັນຢ່າງດີ ແລະ ໃນວັນດຽວກັນ ທ່ານ ດຣ ໄຊສົມພອນ ພົມວິຫານ ກໍໄດ້ໃຫ້ກຽດຕ້ອນຮັບການເຂົ້າ ຢ້ຽມຄຳນັບຂອງ ທ່ານ ລີຊາງ ກຸນ ເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ ໃນໂອກາດທີ່ມາດຳລົງຕຳ ແໜ່ງເປັນເອກອັກຄະລັດຖະ ທູດຄົນໃໝ່ ປະຈຳ ສປປ ລາວ.
ແຫ່ລງຂ່າວ
