ວັນທີ 12 – 13 ມັງກອນນີ້, ກົມອາຊຽນກະຊວງການຕ່າງປະເທດໄດ້ຮ່ວມກັບອົງການຊ່ວຍເຫຼືອເພື່ອການພັດທະນາສາກົນອາເມຣິກາ ( USAID ) ແລະ ສຳນັກງານຜູ້ຕ່າງໜ້າສະຫະລັດອາເມຣິກາປະຈຳອາຊຽນຈັດສຳມະນາເພື່ອກຽມຄວາມພ້ອມໃຫ້ແກ່ ສປປ ລາວ ໃນການເປັນປະທານອາຊຽນປີ 2016 ນີ້, ຂຶ້ນໃນນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານຫົວໜ້າກົມອາຊຽນ, ກະຊວງການຕ່າງປະເທດ ແລະ ທ່ານຫົວໜ້າອົງການ USAID ປະຈຳພາກພື້ນອາຊີ, ໂດຍມີນັກຄົ້ນຄວ້າ ແລະ ນັກສຳມະນາກອນຈາກກອງເລຂາອາຊຽນ ແລະ ພາກສ່ວນກ່ຽວຂ້ອງເຂົ້າຮ່ວມຫຼາຍກວ່າ 60 ທ່ານ .
ທ່ານ ຫົວໜ້າກົມອາຊຽນກ່າວວ່າ: ການສຳມະນາຄັ້ງນີ້ແມ່ນໜຶ່ງໃນບັນດາກິດຈະກຳເພື່ອສົ່ງເສີມຄວາມເຂົ້າໃຈໃຫ້ແກ່ພະນັກງານຈກຂະແໜງການຕ່າງໆກ່ຽວກັບວຽກງານທີ່ກຽວພັນກັບການເປັນປະທານອາຊຽນຂອງລວໃນປີ 2016 ແລະ ຄວາມຮູ້ກ່ຽວກັບປະຊາຄົມອາຊຽນກໍຄືວິໄສທັດຂອງປະຊາຊົມເສດຖະກິດອາຊຽນຮອດປີ 2025 ແລະ ບັນດາຂົງເຂດວຽກງານການຮ່ວມມືອາຊຽນ ແລະ ສິ່ງທ້າທາຍຕ່າງໆຂອງລາວເຊັ່ນ: ຄວາມແຕນໂຕນດ້ານການພັດທະນາພາຍໃນອາຊຽນ, ການເຊື່ອມຈອດ, ວຽກງານຄຸ້ມຄອງໄພພິບັດ, ການຫຼຸດຜ່ອນຄວາມທຸກຍາກ, ການຄ້າມະນຸດ, ບັນຫາຢາເສບຕິດ, ການຮ່ວມມືພາຍນອກ, ການສະເໜີຂໍ້ລິເລິ່ມ ແລະ ບູລິມະສິດ, ຂັ້ນຕອນພິທີການຂອງອາຊຽນ, ພ້ອມທັງລົງເລິກການເຊື່ອມໂຍງເສດຖະກິດຂອງ ສປປ ລາວ ເຂົ້າພາກພື້ນເພື່ອສ້າງຄວາມພ້ອມໃຫ້ແກ່ການເປັນປະທານອາຊຽນຂອງລາວຢ່າງຮອບດ້ານ, ສິ່ງສຳຄັນແມ່ນການປະຕິບັດຕາມຄຳຂວັນອາຊຽນໃນປີ 2016 ນີ້ໂດຍການຫັນວິໄສທັດໃຫ້ເປັນຮູບປະທຳເພື່ອຄວາມເຂັ້ມແຂງຂອງປະຊາຄົມອາຊຽນ, ຊຶ່ງຜ່ານມາກົມອາຊຽນກະຊວງການຕ່າງປະເທດກໍເຄີຍຈັດສຳມະແບບດັ່ງກ່າວມາແລ້ວຫຼາຍຄັ້ງ ແລະ ສັງເກດເຫັນວ່າພະນັກງານມີຄວາມເຂົ້າໃຈກ່ຽວກັບວຽກງານອາຊຽນຫຼາຍຂື້ນ.
ແຫລ່ງຂ່າວ:
