ມຸມມອງຂອງແຕ່ລະຄົນມີຄວາມແຕກຕ່າງກັນໃນການເບິ່ງໂອກາດທາງດ້ານທຸລະກິດ,ຂະນະທີ່ ຈານທອງ ຊະນະວັນ ຄືນັກ ທຸລະກິດທີ່ມີວິໄສທັດກວ້າງມ້ອງໄກ
ເຫັນທ່າອ່ຽງຂອງປະເທດໃນການພັດທະນາເສດຖະກິດສັງຄົມ ຄືການຂາຍພະລັງງານໃຫ້ຕ່າງ ປະເທດຈິ່ງດຶງກາລະໂອກາດພັດທະນາຕົນເອງດ້ວຍການສ້າງຕັ້ງບໍລິສັດບໍ່ທອງອິນເຕີຈຳກັດຂຶ້ນມາ ເປັນຂອງຕົນເອງເພື່ອສຸມໃສ່ພັດ ທະນາແຫຼ່ງນ້ຳທີ່ມີເງື່ອນໄຂສ້າງ ເປັນເຂື່ອນໄຟຟ້າ ຕາມຄວາມສາມາດໃຫ້ເກີດປະໂຫຍດດ້ານລາຍຮັບໃນອະນາຄົດ.
ທ່ານ ຈານທອງ ຊະນະວັນ ປະທານບໍລິສັດບໍ່ທອງອິນເຕີ ຈຳກັດ ກ່າວວ່າ: ຍ້ອນເຫັນທ່າແຮງຂອງ ປະເທດມີຊັບໃນດິນສິນໃນນ້ຳ, ທຳ ມະຊາດຢ່າງອຸດົມສົມບູນບວກທັງ ລັດວາງຍຸດທະສາດການພັດທະ ນາດ້ານພະລັງງານໃນ ສປປ ລາວ ກາຍເປັນເງື່ອນໄຂສະດວກໃຫ້ ແກ່ການດຳເນີນທຸລະກິດ ຈິ່ງຕັດສິນໃຈສ້າງຕັ້ງບໍລິສັດ ບໍ່ທອງອິນ ເຕີ ຈຳກັດ ນີ້ຂຶ້ນໃນປີ 2003 ເພື່ອ ປະກອບສ່ວນເຂົ້າໃນການພັດທະ ນາສ້າງສາປະເທດຊາດ, ເປົ້າ ໝາຍຄືພັດທະນາເຂື່ອນຂະໜາດ ນ້ອຍໃນ ສປປ ລາວ, ຕາມທິດຊີ້ນຳຂອງພັກ ແລະລັດຖະບານ ພາຍ ຫຼັງສ້າງຕັ້ງຂຶ້ນມາ ກໍໄດ້ຮັບຄວາມ ໄວ້ເນື້ອເຊື່ອໃຈຈາກລັດໃຫ້ເຂົ້າໄປ ປັບປຸງສ້ອມແປງເຂື່ອນໄຟຟ້າເຊ ລະບຳຄືກໍ່ສ້າງຄອງນ້ຳເຂື່ອນໄຟຟ້າເຊລະບຳ ຈາກນັ້ນໄດ້ຮັບໂຄງການພັດທະນາຕະຝັ່ງເຈື່ອນເຂື່ອນ ໄຟຟ້ານ້ຳງື່ມລວມທັງວຽກງານ ກັນຊຶມ ແລະສ້ອມແປງທ້ານເຮືອນ ໂຮງຈັກ ແລະເສັ້ນທາງເຂື່ອນໄຟ ຟ້ານ້ຳເລິກ ໃນປີດຽວກັນຈົນມາ ເຖິງປີ 2011 ຈິ່ງໄດ້ລົງທຶນພັດ ທະນາເສັ້ນທາງຢູ່ແຂວງຫົວພັນ ນັບແຕ່ຊຳເໜືອຫາໜອງຄ້າງ ແລະເຂື່ອນໄຟຟ້າຕາດລ່າງນ້ຳແສນຈົນມີຄວາມສຳເລັດໃນປີ 2013 ແລະເສັ້ນທາງສຳເລັດໃນປີ 2014 ຜ່ານການກໍ່ສ້າງເຂື່ອນໄຟຟ້າຕາດ ລ່າງນ້ຳແສນແມ່ນມີປະໂຫຍດຕໍ່ ສັງຄົມຫຼາຍໄຟຟ້າກໍນຳມາຮັບໃຊ້ປະຊາຊົນ, ເສັ້ນທາງກໍໄດ້ຮັບການ ພັດທະນາປະຊາຊົນທຽວໄປມາ ສະດວກສະບາຍເຮັດໃຫ້ການດຳ ລົງຊີວິດເຂົາເຈົ້າດີຂຶ້ນຫຼາຍ, ສະ ຫຼຸບໄດ້ວ່າການສ້າງເຂື່ອນໄຟຟ້າ ເປັນສິ່ງທີ່ຊ່ວຍໃນການພັດມທະ ນາຊັບພະຍາກອນມະນຸດທີ່ແທ້ຈິງ ເມື່ອເຫັນຄວາມສຳຄັນແນວນັ້ນ ຈິ່ງລົງທຶນພັດທະນາເຂື່ອນໄຟຟ້າ
ນ້ຳອ້າວ ຊຶ່ງປະຈຸບັນກຳລັງ ສຸມໃສ່ໜ້າວຽກຕ່າງໆເຊັ່ນຕັດປັບ ໜ້າດິນ 2 ເດືອນກວ່າມີຄວາມຄືບ ໜ້າ 20% ມາຮອດປະຈຸບັນກິດ ຈະການຂອງ ທ່ານ ຈານທອງ ຊະ ນະວັນ ປະກອບມີກິດຈະການກໍ ສ້າງຂົວທາງ, ເຂື່ອນໄຟຟ້ານ້ຳ ຕົກ, ການຄ້າຂາອອກ-ຂາເຂົ້າ ຊຶ່ິ່ງ ທ່ານໄດ້ກ່າວວ່າ: ກ່ອນພວກເຮົາຈະປະສົບຜົນສຳເລັດໃນການດຳ ເນີນທຸລະກິດຄືແນວນີ້ ກໍຍ້ອນມີ ຄວາມເຊື່ອໝັ້ນຕໍ່ແນວທາງນະ ໂຍບາຍຂອງພັກ-ລັດ ແລະປະຕິບັດຕາມລະບຽບກົດໝາຍທຸກ ຢ່າງຈຶ່ງເຮັດໃຫ້ບໍລິສັດມີຄວາມ ເຂັ້ມແຂງແຕກໂຕສູ່ຫຼາຍທຸລະກິດ,ແນວໃດກໍຕາມທ່ານກໍຍັງຢືນຢັນວ່າແນວໂນມທຸລະກິດໃນຕໍ່ໜ້າ ແມ່ນຈະສຸມໃສ່ພັດທະນາເຂື່ອນ ໄຟຟ້ານ້ຳຕົກເປັນຫຼັກ ເພາະເຮົາ ມີບົດຮຽນ ແລະປະສົບການຢ່າງ ເຂັ້ມແຂງທັງວິເຄາະດ້ານເສດຖະກິດໃນອະນາຄົດ ພະລັງງານຈະ ເປັນຕົວສ້າງລາຍຮັບທີ່ແນ່ນອນ ໃຫ້ແກ່ບໍລິສັດກໍຄືຕົນເອງ ແລະປະ ເທດຊາດລວມເຖິງ ປະຊາຊົນຢ່າງ ແທ້ຈິງ.
ແຫ່ລງຂ່າວ
