Homeຂ່າວການພັດທະນາລັດຈະ​ຊົດ​ເຊີຍ​ຜົນ​ກະທົບຈາກ​ໂຄງການກໍ່ສ້າງ​ທາງ​ລົດ​ໄຟລາວ-ຈີນຢ່າງ​ເໝາະ​ສົມ

ລັດຈະ​ຊົດ​ເຊີຍ​ຜົນ​ກະທົບຈາກ​ໂຄງການກໍ່ສ້າງ​ທາງ​ລົດ​ໄຟລາວ-ຈີນຢ່າງ​ເໝາະ​ສົມ

Published on

railway 111

ທ່ານລັດຖະມົນຕີ​ຊ່ວຍ​ວ່າການ​ກະຊວງ​ໂຍທາ​ທິການ​ ແລະ ຂົນ​ສົ່ງ ລັດຕະນະ ມະນີຄູນ​ນີວົງ ໄດ້ໃຫ້ຮູ້ເມື່ອບໍ່ດົນນີ້ວ່າ: ລັດຖະບານ​ມີ​ນະ​ໂຍບາຍ​ຈະ​ແຈ້ງ​ແລະ ​ເໝາະ​ສົມເພື່ອ​ຊ່ວຍ​ເຫລືອ​ປະຊາຊົນ​ທີ່​ໄດ້​ຮັບ​ຜົນ​ກະທົບ​ຈາກ​ໂຄງການ​ກໍ່ສ້າງ​ເສັ້ນທາງ​ລົດ​ໄຟລາວ-ຈີນ,​ ໂດຍ​ມີ​ການ​ຄິດ​ໄລ່ຄ່າ​ເສຍ​ຫາຍ​ຕາມ​ດຳລັດ​ຂອງ​ນາຍົກລັດຖະມົນຕີ​ເລກທີ 153 ບວກ​ກັບ​ສະພາບ​ຄວາມ​ເປັນ​ຈິງ ​ແລະ ຄວາມ​ເປັນ​ເອກະ​ພາບ​ໃນ​ການ​ປຶກສາ​ຫາລື​ກັບ​​ອຳນາດ​ການ​ປົກຄອງ​ທ້ອງ​ຖິ່ນກໍ​ຄື​ປະຊາຊົນ​ທີ່​ໄດ້​ຮັບ​ຜົນ​ກະທົບ, ​ເພື່ອ​ຫລີກ​ລ່ຽງຄວາມ​ຂັດຂ້ອງ​ໝອງ​ໃຈ​ ​ແລະ ​ເຮັດ​ໃຫ້ໂຄງ​ການໄດ້ຈັດຕັ້ງປະຕິບັດ​ຢ່າງ​ມີ​ຜົນສຳ​ເລັດ.

ທ່ານລັດຖະມົນຕີຊ່ວຍວ່າການກະຊວງດັ່ງກ່າວໃຫ້ຮູ້ວ່າ: ​ປັດຈຸບັນ,​ ຄະນະ​ຮັບຜິດຊອບ​ໂຄງການ​ໄດ້​ແຕ່ງຕັ້ງໜ່ວຍ​ໄກ່​ເກ​ຍ​ ແລະ ​ເວນ​ຄືນ​ເນື້ອ​ທີ່​ດິນ​ແຕ່ລະ​ແຂວງ​ທີ່​ມີ​ເສັ້ນທາງ​ລົດ​ໄຟ​ຜ່ານ​ເພື່ອ​ລົງ​ເກັບ​ກຳ​ຂໍ້​ມູນ ​ແລະ ສະພາບ​ຄວາມ​ເປັນ​ຈິງວ່າ​ປະຊາຊົນ​ຈະ​ໄດ້​ຮັບ​ຜົນ​ກະທົບ​ຫຍັງ​ແດ່,​ ໂດຍ​ການ​ປຶກສາ​ຫາລື​ກັບ​ອຳນາດ​ການ​ປົກຄອງ​ທ້ອງ​ຖິ່ນ ​ແລະປະຊາຊົນ​ທີ່​ໄດ້​ຮັບ​ຜົນ​ກະທົບ,​ ເຊິ່ງ​ທຸກ​ພາກສ່ວນ​ກໍ​​ໃຫ້​ຄວາມ​ຮ່ວມ​ມື​ເປັນ​ຢ່າງ​ດີ​ ແລະ ຄະນະ​ຮັບຜິດຊອບ​ກໍ​ໄດ້​ເລີ່​ມປັກ​ຫລັກ​ໝາຍ​ແລວ​ທາງ​ລົດ​ໄຟ​ແລ້ວ.

ໂຄງການກໍ່ສ້າງທາງລົດໄຟລາວ-ຈີນມີຄວາມຍາວ 427,7 ກິໂລແມັດ, ກວມ​ເອົາ​ເນື້ອທີ່​ແຂວງ​ຫລວງ​ນ້ຳທາ,ອຸດົມ​ໄຊ, ຫລວງ​ພະ​ບາງ, ​ແຂວງ​ວຽງ​ຈັນ ​ແລະ ນະຄອນຫລວງ​ວຽງ​ຈັນ, ໃນ​ນີ້​ຈະ​ໄດ້​ນຳ​ໃຊ້ເນື້ອ​ທີ່​ດິນ​ທັງ​ໝົດ​ຂອງ​ໂຄງການ​ແມ່ນ 2 ປະ​ເພດ​ຄື: ນໍາ​ໃຊ້​ຖາວອນ​ສໍາລັບ​ແລວ​ທາງ​ລົດ​ໄຟ ​ແລະ ສະຖານີ​ປະມານ 3.058 ​ເຮັກຕາ ​ແລະ ນໍາ​ໃຊ້​ຊົ່ວຄາວ​ສໍາລັບ​ບໍ່​ດິນ, ບໍ່​ຫີນ ​ແລະ ສະຖານີຮັບ​ໃຊ້​ເວລາ​ກໍ່ສ້າງລວມມີ 803 ​ເຮັກຕາ.

ແຫ່ລງຂ່າວ

ລພນ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...