ສສ ຫວຽດນາມສູ້ຊົນຮອດປີ 2030 ໃຫ້ໄດ້ເປັນປະເທດແຖວໜ້າໃນອາຊຽນ ໃນບັນດາຂົງເຂດທີ່ມີທ່າແຮງ, ນີ້ຄືເນື້ອໃນທີ່ໄດ້ລະບຸໃນຍຸດທະສາດກ່ຽວກັບການປະສົມປະສານເຖິງປີ 2020 ແລະ ວິໄສທັດ 2030
ທີ່ຫາກໍ່ໄດ້ຮັບອະນຸມັດຈາກນາຍົກລັດຖະມົນຕີ ໂດຍເປົ້າໝາຍຂອງການປະສົມປະສານເຂົ້າກັບກະແສໂລກເຖິງປີ 2030 ແມ່ນປະກອບສ່ວນເພີ່ມທະວີກຳລັງແຮງ ນຳປະເທດກາຍເປັນປະເທດອຸດສາຫະກຳຕາມທິດທາງທັນສະໄໝໂດຍໄວ.
ສຳລັບລະດັບເຊື່ອມໂຍງເຂົ້າກັບສາກົນ, ຫວຽດນາມ ສູ້ຊົນຮອດປີ 2020 ຈະທັດທຽມກັບບັນດາປະເທດ ອາຊຽນ – 6 (ບຣູໄນ, ອິນໂດເນເຊຍ, ມາເລເຊຍ, ຟີລິບປິນ, ສິງກາໂປ ແລະ ໄທ), ປີ 2025 ແມ່ນທັດທຽມບັນດາປະເທດ ອາຊຽນ – 4 (ສິງກາໂປ, ມາເລເຊຍ, ໄທ ແລະ ຟິລິບປິນ) ແລະ ຮອດປີ 2030 ຈະຢູ່ໃນບັນຊີລາຍຊື່ບັນດາປະເທດແຖວໜ້າໃນອາຊຽນ ໃນບັນດາຂົງເຂດທີ່ຫວຽດນາມ ມີທ່າແຮງ ພ້ອມທັງມີຍຸດທະຍາດເພື່ອພັດທະນາທັດທຽມກັບປະເທດເຫຼົ່ານີ້ເຊັ່ນ: ປັບປຸງສະພາບແວດລ້ອມແຫ່ງການດຳເນີນທຸລະກິດເຖິງປີ 2030 ຫວຽດນາມຈະພະຍາຍາມກາຍເປັນແກນນຳທີ່ມີບົດບາດສຳຄັນໃນກົນໄກຄວາມຮ່ວມມືດ້ານການປ້ອງກັນຊາດ, ຄວາມໝັ້ນຄົງໃນພາກພື້ນ.
ເພື່ອປະຕິບັນເປົ້າໝາຍດັ່ງກ່າວ ຫວຽດນາມຈະປະຕິບັດມາດຕະການປະສົມປະສານຢ່າງພ້ອມພຽງເຊັ່ນ: ຊຸກຍູ້ການປັບປຸງລະບຽບ ແລະ ປະຕິຮູບການບໍລິຫານລັດຖະກອນ, ປັບປຸງບັນຍາກາດດຶງດູດການລົງທຶນຈາກຕ່າງປະເທດ ຊຸກຍູ້ການລົງທຶນພາກລັດ, ປະຕິບັດກິດຈະກຳປະສົມປະສານໃນດ້ານການຄັງ ແລະ ການເງິນທີ່ສອດຄ່ອງກັບຄວາມຕ້ອງການ ແລະ ອັດຕາການພັດທະນາຂອງປະເທດ(ຕາມຂ່າວສານຫວຽດນາມ).
ແຫ່ລງຂ່າວ
