ປະທານທະນາຄານພັດທະນາອາຊີ(ເອດີບີ)ກ່າວໃນວັນທີ 9 ມັງກອນທີ່ຜ່ານມາຄາດຄະເນວ່າ ເສດຖະກິດສປ ຈີນ ຈະເຕີບໂຕຢ່າງເຂັ້ມແຂງຂຶ້ນຢູ່ທີ່ 6,7% ໃນປີ 2016 ເຖິງແມ່ນວ່າຈະມີບັນຫາເງິນຢວນອ່ອນຄ່າ ແລະ ດັດຊະນີຮຸ້ນຫຼຸດລົງກໍຕາມ.
ທ່ານ ມາເຄຣິໂກະ ນາຄາໂອະ ປະທານເອດີບີກ່າວວ່າ ການເຕີບໂຕທາງເສດຖະກິດຂອງຈີນຍັງຢູ່ໃນລະດັບສູງເມື່ອປຽບທຽບກັບປະເທດອື່ນໆ ແລະ ຄາດຄະເນວ່າ ເສດຖະກິດຈີນຂະຫຍາຍຕົວຢູ່ທີ່ 6,9% ໃນປີທີ່ຜ່ານມາ ປະທານເອດີບີກ່າວຕື່ມວ່າ ພາວະຫົດຕົວໃນຈີນເປັນເພາະການປ່ຽນແປງນະໂຍບາຍໃຫ້ຄວາມສຳຄັນກັບສິ່ງແວດລ້ອມ, ປະຊາກອນສູງອາຍຸ, ການຫຼຸດແຮງງານອົບພະຍົບຈາກຊົນນະບົດເຂົ້າເມືອງ, ການຂຶ້ນຄ່າແຮງງານ, ລາຍໄດ້ຕໍ່ຫົວຄົນສູງຂຶ້ນ ຊຶ່ງເຮັດໃຫ້ເປັນເລື່ອງຍາກໃນການຮັກສາການເຕີບໂຕທາງເສດຖະກິດແບບກ້າວກະໂດດຕາມອັດຕາເກົ່າໄດ້.
ປະທານເອດີບີລະບຸຕື່ມວ່າ ຈີນຍັງພໍມີເວລາສຳລັບການໃຊ້ແຜນກະຕຸ້ນເສດຖະກິດໄດ້ ຖ້າຫາກການເຕີບໂຕຊ້າລົງ ເນື່ອງຈາກຂະແໜງການເງິນຍັງເຂັ້ມແຂງ ແລະ ເງິນເຟີ້ຫຼຸດລົງ(ຕາມຂ່າວຕ່າງປະເທດ).
ແຫ່ລງຂ່າວ
