ພາຍຫຼັງເກັບກ່ຽວ ເຂົ້ານາປີສຳເລັດ, ຊາວກະສິ ກອນຫຼາຍທ້ອງຖິ່ນ ໄດ້ສືບຕໍ່ ກະກຽມເຮັດນາແຊງ ແລະ ປູກພືດລະດູແລ້ງໃນບ່ອນທີ່ມີ ເງື່ອນໄຂ, ຕາມໂຕເລກຂອງ ກະຊວງກະສິກຳ ແລະ ປ່າໄມ້ ມາເຖິງປະຈຸບັນ ຂະບວນການ ເຮັດນາແຊງໃນຫຼາຍແຫ່ງທົ່ວ ປະເທດ ຍັງຢູ່ໃນໄລຍະກຽມ ດິນ, ສ້ອມແປງຄອງເໝືອງ, ປະຕູນ້ຳ, ຈັກສູບນ້ຳ, ຝຸ່ນ ແລະ ປັດໄຈອື່ນໆ ເພື່ອຮອງຮັບໂຕ ເລກຄາດໝາຍການເຮັດນາ ແຊງທົ່ວປະເທດ 112.000 ກວ່າເຮັກຕາ, ຜົນຜະລິດຢູ່ໃນ ລະຫວ່າງ 577.000 ໂຕນ ໃຫ້ ໄດ້ຮັບການປະຕິບັດສຳເລັດ.
ສຳລັບການປູກພືດລະດູ ແລ້ງ ກະຊວງກະສິກຳ ແລະ ປ່າໄມ້ ກໍໄດ້ຮັບລາຍງານຈາກ ຫຼາຍທ້ອງຖິ່ນ ວ່າມີຄວາມຄືບ ໜ້າພໍສົມຄວນ ຕາມໂຕເລກ ສະຫຼຸຸບ ປະຈຸບັນແມ່ນປະຕິບັດ ໄດ້ແລ້ວ 10% ຂອງເນື້ອທີ່ ແຜນການ ທົ່ວປະເທດ 50.000 ກວ່າເຮັກຕາ, ພືດທີ່ຊາວກະສິ ກອນປູກສ່ວນຫຼາຍແມ່ນຕະ ກຸນຖົ່ວ, ສາລີ ແລະ ພືດຜັກ ຕ່າງໆ.
ເພື່ອບັນລຸໂຕເລກຄາດ ໝາຍທີ່ກ່າວມານັ້ນ, ຂະແໜງ ກະສິກຳປະຈຳທ້ອງຖິ່ນໄດ້ລົງ ຊ່ວຍເຫຼືອປະຊາຊົນດ້ານເຕັກ  ນິກການປູກ, ການບົວລະບັດ ຮັກສາ ລວມທັງການນຳໃຊ້ ຝຸ່ນ ແລະ ອື່ນໆ ສະເພາະການ ລ້ຽງສັດໜ່ວຍງານສັດຕະວະ ແພດ ກໍໄດ້ສົມທົບກັບອຳນາດ ການປົກຄອງ, ເຈົ້າຂອງສັດເພື່ອ ສັກຢາປ້ອງກັນພະຍາດໃຫ້ສັດ ແລ້ວ 64.000 ກວ່າໂຕ, ໃນ ນັ້ນມີງົວ ແລະ ຄວາຍ 23.000 ກວ່າໂຕ, ໝູທີ່ລ້ຽງແບບພື້ນ ບ້ານ 4.000 ກວ່າໂຕ ແລະ ສັດປີກ 33.000 ກວ່າໂຕ.

ແຫ່ລງຂ່າວ