ສຳນັກຂ່າວຕ່າງປະເທດ ລາຍງານໃນວັນທີ 6 ມັງກອນຜ່ານມານີ້ວ່າ ໃນຕອນຂ້ອນແຈ້ງຂອງວັນຈັນ ທີ 4 ມັງກອນຜ່ານມານີ້ ໄດ້ເກີດເຫດການເສົ້າສະຫລົດໃຈ ໄຟໄໝ້ລົດເມໂດຍສານ ຢູ່ເມືອງຢິນຊວນ ທາງພາກຕາເວັນຕົກສຽງເໜືອຂອງຈີນ ສົ່ງຜົນເຮັດໃຫ້ມີຜູ່ເສຍຊີວິດ 17 ຄົນ ແລະ ບາດເຈັບອີກກ່ວາ 30 ຄົນ ເນື່ອງຈາກໃນຂະນະເກີດເຫດ ມີຜູ່ໂດຍສານຈຳນວນໜຶ່ງ ຕິດຄ້າງຢູ່ພາຍໃນລົດເມຄັນດັ່ງກ່າວ ບໍ່ສາມາດໜີອອກມາໄດ້ທັນ ແລະ ລົດເມໄດ້ຖືກໄຟໄໝ້ເສຍຫາຍໝົດຄັນ ສ່ວນສາເຫດຂອງເຫດການດັ່ງກ່າວ ເຈົ້າໜ້າທີ່ຈີນກຳລັງດຳເນີນການສືບສວນ-ສອບສວນ.