ສຳນັກຂ່າວຕ່າງປະເທດ ລາຍງານໃນວັນທີ 5 ມັງກອນນີ້ວ່າ ໃນທ້າຍອາທິດທີ່ຜ່ານມາ ມີປະຊາຊົນຊາວໂປໂລຍ ເສຍຊີວິດ ຈາກສະພາບອາກາດໜາວເຢັນ ຈຳນວນ 21 ຄົນ ທ່າມກາງອຸນຫະພູມຕິດ -20 ອົງສາໃນບາງພື້ນທີ່ ສົ່ງຜົນເຮັດໃຫ້ ຍອດລວມຜູ່ເສຍຊີວິດ ຈາກສະພາບອາກາດໜາວເຢັນ ເລີ່ມແຕ່ວັນທີ 1 ພະຈິກ 2015 ເປັນຕົ້ນມາເຖິງປັດຈຸບັນ ລວມເປັນ 39 ຄົນແລ້ວ ນັບເປັນໄພພິບັດຈາກອາກາດໜາວ ທີ່ຂ້າຊີວິດປະຊາຊົນ ຫລາຍທີ່ສຸດຄັ້ງໜຶ່ງຂອງປະເທດ.

ທັງນີ້ ຈາກສະຖິຕິເມື່ອສົກປີຜ່ານມາ ສະພາບອາກາດທີ່ໜາວເຢັນ ໃນລະດູໜາວຂອງໂປໂລຍ ໃນສົກ 2014-2015 ແມ່ນມີຜູ່ເສຍຊີວິດ ຈາກອາການອຸນຫະພູມຮ່າງກາຍ ຕ່ຳກ່ວາປົກກະຕິ ລວມເຖິງ 77 ຄົນ.